يا الله ياحلال عسر المواظيع=يامنزل الغيث معطي الجزايل
إنك تساعدنا لدرب التسانيع=يوم بعض الناس ظاع القوايل
قامت خبول الناس تطرح مواضيع=وصحيح قول الهرج مقدي وعايل
بعض الكلام يوجع النفس توجيع=من واحد ماله علينا دلايل
قالوا تبيع اللبل بهكر(ن)مراييع=وإنسى البداوه وبت راعي حوايل
وخلك قريب السوق لاجيت تبيع=ورخص لهم الاسعار تكسب عمايل
ياربعنا مهيب لحية مقاطيع =عفت الثمن في اللبل وعفت البدايل
وشلون أبيع اللبل وأدور مجاميع=وعقب العلى ياكيف ترضى السفايل
أبي لا من جال برقه تلاميع=وقامت مطاليع البدو به تخايل
أمشي مع ربع(ن)تسج المرابيع=أدنا مرابيع(ن)لهم يم حايل
ولهم على العشب المطرف مراييع =وتشهد لسمعتهم جميع القبايل
وإن قيل منهم قلت ربعي (مناديع)=ولا نيب هراج(ن)بليا فعايل
نرعى بوضح(ن)مدرجوها المطاميع=وتفرح بنا لازم عشب المسايل
وضح(ن)تنومسنا بممشى وتطبيع=وإن سمعت الهوبال قامت تشايل
تسمع جرسها غاديله لعاليع=تزهاه وضحا" بأول الذود حايل
يبوا خيران(ن)لعشبه مناويع =عشب الفطير معبسات الشمايل
هذي طراة الروح والوقت بيضيع=والعمر مره واخر العمر زايل
ياخيبت إللي باعها وإسمه يضيع=لو كان أمير ومنسبه من حمايل
مادمت حي فقطعوا كلمة البيع =ورزقي على منشي حقوق المخايل
وإن مت حطوني بعالي المرافيع = تكفون ياللي تكسبون الجمايل
(والقبر حطولي معه ريع=لاجات حلول الوسم والبرق أخايل)

وإن قيل منهم قلت ربعي (مناديع)=ولا نيـب هراج ٍ بليـا فعـايـل
نرعى بوضح ٍ مدرجوها المطاميع=وتفرح بنا لازم عشـب المسايـل

المشاركة الأصلية كتبت بواسطة ابو زيد الغييثي (المشاركة 322142) وإن قيل منهم قلت ربعي (مناديع)=ولا نيـب هراج ٍ بليـا فعـايـل نرعى بوضح ٍ مدرجوها المطاميع=وتفرح بنا لازم عشـب المسايـل كفــو ونعم بالمناديع من أول وتالي ابو بادي المنداع صح اللسانكـ واعتلا شانكـ ولاهنت على الجزله وبانتظار الجديد أخوكـ / ابو زيـــد

المشاركة الأصلية كتبت بواسطة راشد المسعري (المشاركة 322181) ابو بادي المنداع كفو والله وصح لسانك والله يبيض وجهك على هذه الجزلة ، و نعم والله بك وبربعك هل الثمان وتقبل مني أجمل الود و التقدير ،،،

المشاركة الأصلية كتبت بواسطة فيصل بن جزاء (المشاركة 322337) صح لسانك يابن العم جزله من راس جزل وكفو بالمناديع علومهم كل يعدها اول وتالي لاهنت وننتظر منك الجديد ياابوبادي تقديري واحترامي