على طاري السياسي والرياسي= اناماني رياسي وسياسي
لاكني شاعر مجنون جدا = ويعمي نون عدواني حماسي
اوردها على حوض المنايا= ليا من شفت في الوضع التباسي
والى قالو مهايط ماعليه = مدامي واثق(ن) من قدح راسي
ليا صارك كفو ماهو يعيبك= ليا من شخت في كبار الكراسي
ترى ماهو يعيب الى الضعافه= ليامن طحت ما طحت متواسي
وانا عندي طموحتن كثيره=والا البس ثوب ما يطلع مقاسي
طمحت اني اجي شاعر وفلته = وجيت الشاعر الي ما يقاسي
علومي تطرب الصاحب وتعمي= عيون اهل الحركات الخساسي
وطمحت اخذ على هاذي وهاذي= ما يطمعه الآسد في الافتراسي
ومامن شاعر لامن نضرني = يجي فيه ارتباكه وانتكاسي
والى من شفت لي بيت صلح لي = احدر به واقول انه اقتباسي
ترى هاذا هو الموجود حالن= معا الشعار صعبين المراسي
وترى الشعار لامنهم تحاكو= تقول انهم طويلات المراسي
حليمين وكريمينٍٍٍ مطنخ= شجيعين تدوس ولا تداسي
ومامن شاعر لامن نصيته= هروجه بس والباقي نحاسي
ليا منك سمعته قلت هاذا = من الناموس في الراس التماسي
مايخجل من كلامه شان فاله= وهو احقر من صغار البساسي
وفيهم من جمع شعر ورجوله= صليب عضام والميقاف قاسي
هاذا ودك على راسك تشله = وتطلع به طويلات الرواسي
وتقول اكبر شرف بنك صحيبي= ويقول اكبر شرف بنك مقاسي

وانا عنـدي طموحتـن كثيـره=ولا البس ثوب ما يطلع مقاسي

وفيهم من جمع شعر ورجولـه=صليب عضام والميقاف قاسـي
هاذا ودك على راسـك تشلـه=وتطلع به طويـلات الرواسـي
وتقول اكبر شرف بنك صحيبي=ويقول اكبر شرف بنك مقاسـي

المشاركة الأصلية كتبت بواسطة نايف الخييلي (المشاركة 315989) معيوف مبارك صح لسانك وسلم بنانك ولك جزيل الشكر على هذه القصيده الرائعه

المشاركة الأصلية كتبت بواسطة الزين (المشاركة 316022) وانا عنـدي طموحتـن كثيـره=ولا البس ثوب ما يطلع مقاسي صـــــــــــــح لسانك وبيض الله وجهك علي القصيدهـ الطيبه