حبيبي كل مافيني يذووووب بملح همساتك = حبيبي كل احاسيسي يعشقونك..يعشقونك
مشاعر شاعري تطرب لمزحاتك وغمزاتك = وتطرب يابعد شعري عيون ٍ حيل يغلونك
حبيبي طالبك..تكفى..ابيك بكل لذاتك = ابي جنبك مثل ظلك ولابي شي من دونك
ابسهر في وسط عينك وابشرب كاس نظراتك = والى منك بغيت النوم ابي انام بعيونك
وابي اصحى بكلمة ياصباح الخير بشفاتك = وابي فنجال حبك والغلا إتمده إجفونك
وابي اهيم بك لامن نثرت عطور كلماتك = واعيش مقابلك دنيا ينورها قمر لونك
ابي فنك وابي سحرك وابي جذاب بسماتك = حلاتك لاتخالط سحرك الجذاب بفنونك
ابسأل وش كثر ((حبي))..وابي منك إجاباتك = وابيك تجاوب بضحكه معاها..هزة متونك
عشقت الدمع بأحزانك عشقتك عند ضحكاتك = عشقت اهلك على شانك عشقت اللي يعرفونك
عشقت الوانك((بروجك ومكياجك وساعاتك)) = عشقتك في ((نقابك)) لاكشخت وبانت فتونك
قهرت.. وكل من مرك غدا مقهور صداتك = طعنت..ولارحمت بطعنتك منهم يمرونك
تعذب من يشوفك لامشيت او عند وقفاتك = وانا في داخلي ادعي عساهم مايشوفونك
بروحاتك وجياتك...بجياتك وروحاتك = اخاف الناس ياعمري يصيبونك..يحسدونك
حبيبي ما انته بعادي..!!! تجنننننن عند طلاتك = إذا طليت يا ساتر مُنى عروقي يضمونك
تعال واطلب الغالي تعال وهات رغباتك = فداك اللي يبي قلبك مادام ِ صرت مجنونك
وإذا ودك أوكد لك تعال وشف مساحاتك = بوسط الخافق اللي لك حلف لايمكن يخونك
لك الله صورتك عندي تذكرني بجلساتك = تذكرني واقول: شلون اعيش اوقاتي إبدونك
تصدق...!!! يا حياتي لاذكرتك بإتصالاتك = اقوم واتصل واطلب عسى يفتح ((تلفونك))
لانك كل ما تبطي احن لصوت نبراتك = عسى الله لا يخليني بعيد ٍ واعطش مزونك
وعساني ما انحرم منك ولامن كل غمزاتك = لان عيوني الثنتين يحبونك...يحبونك

المشاركة الأصلية كتبت بواسطة القويسي (المشاركة 311143) يعطيك العافيه على ما قدمت