صبا نجد اشعلت نار القصيد وضج بالمرباع=هزيم الشعر وفياض الورق ضاقت بودانـه
وهبّت من شماله ريح خير وجالها ذعـذاع=تسوق الغيم بأمر الله من الـرذراذ غرقانـه
تلمّه تجمعه حتى لعج برقـه وحـن ومـاع=عطى ربٍ له المنه كريـم وجـل سبحانـه
بكت عين السحابه وإنتثر دمعٍ سقى له قـاع=تغيّر وجه الأرض وسيّل الـوادي وشعبانـه
وقال اللي يخيله تـو ماغيّـم وهـل بسـاع=يا رزق الله زهى لون البرد بأطراف غدرانه
وحالوا له بدو من عام الأول طرشهم ماراع=عقب ماجاء الخبر كلٍ شعى ذوده وحيرانـه
وانا مثل البشر نفسي لها لاجاء المطر مرتاع=تحس إنه تِذكّرهـا زمـانٍ طـال نسيانـه
تطيب من الجروح المدميات وتنوي المطلاع=تبي روضٍ تساوى نبت زملوقـه وبركانـه
ويفرح خافقٍ من جور وقته والشقـا ملتـاع=من الفرحه قعد يكفخ يطير إطيـار شيهانـه
تولّم للهجوس اللي تجيه افراد قبـل أجمـاع=هواجيسٍ حداها الشوق من عامين حيرانـه
طرت له بنت شيخٍ لاطرت منها شكى جزّاع=غلاها مرمسٍ به والجفـا والبعـد عنوانـه
عنود الريم تلعا جيد عنقا والعيـون وسـاع=تراخى رموشها لاسلهمت كسـلا وخجلانـه
تناشا من جسدها ريح مسكٍ خالطـه نعنـاع=غذا شعرٍ بدى لون الذهب من جملة ألوانـه
سقتنى من غلاها كأس فيه من الغرام أنـواع=شربته مهتـوي والكبـد ولهانـه وضميانـه
رغم كل الغلا مانيب لامسـرف ولا طمّـاع=وهي بنت الحموله ماشكت فرقاي لـفلانـه
حفظها الله جزاها خير سري عندها ماضاع=وأنا كني نسيتـه ليـن هـل الغيـم ودانـه

المشاركة الأصلية كتبت بواسطة مبارك الخييلي (المشاركة 294351) صح ألسان الشاعر فهد العتيبي وسلمت يمينك يا غلا نجد ويعطيك العافيه لهذه القصيده الجميله والحساسه تقبلي شكري والتقدير

بكت عين السحابه وإنتثر دمعٍ سقى له قـاع=تغيّر وجه الأرض وسيّل الـوادي وشعبانـه

روعة القصيدة تاتي من عذوبة ورقة التعبير وسلاسة الكلمات

سلمت يداك ياغلا نجد على النقل وصح لسان الشاعر

المشاركة الأصلية كتبت بواسطة رائــــــــــد (المشاركة 295618) صح لسان شاعرها وتسلمين يالذوق على هالاختيار تقبل مروري

المشاركة الأصلية كتبت بواسطة لين (المشاركة 295773) بكت عين السحابه وإنتثر دمعٍ سقى له قـاع=تغيّر وجه الأرض وسيّل الـوادي وشعبانـه روعة القصيدة تاتي من عذوبة ورقة التعبير وسلاسة الكلمات سلمت يداك ياغلا نجد على النقل وصح لسان الشاعر