|
اتمني من الأخوة وابناء العم اثبات او نفي؟؟
السلام عليكم ورحمة الله وبركاته وبعد .
اتمني من الأخوة وابناء العم اثبات هذه القصة او نفيها . لقد دخلت على احدى المنتديات ووجدت هذه القصيدة مع القصه. وهذا حال القبايل قبل التوحيد غازي ومغزي عليه . ولكن لانريد ان يتشدق احدا بما ليس له ولم يحصل معه . ================================================== =========================================== ال شوية من سبيع يهزمون الدواسر ويقتلون شيخ الغييثات -------------------------------------------------------------------------------- السلام اليكم معركة حصلت بين سبيع من جهة والدواسر من جهة اتفق الدواسر على غزو ال شوية من سبيع وعند وصولهم كان الي حاضر من ال شوية فدغوش بن شوية ومعه بعض جماعته وهم اقل بكثير من الدواسر الغازين وبعد ان اشتبكت المعركة صل فرسان سبيع القليلين ومالوا على الدواسر وقتلوا منهم كثير واسرو بعضهم وهجوا الباقين وغنم فدغوش والحاضرين من ربعه خيل الدواسر والخيل الباقية هجوا عليها الدواسر ومن قتلى الدواسر الشيخ علي بن وقيان الغييثات والذي قتله هو الفارس فدغوش بن شوية وقال الفارس فدغوس قصيدة في ذا المعركة وقتل الشيخ علي بن وقيان الملقب ( ابوعمشا ) ياسابقـي جتكـم عـزوم والعلم عند الله عزيز الشان اشوف عليٍِ عقب نقل الزوم من ضربنا خلوه في الميدان عاداتنا نطرح عقيد القـوم لى ثار عج الخيل والدخان خليت ابوعمشا يحرب النوم هذي فعايلنا على الجـدان والقصيدة ومقتل شيخ الغييثات علي بن وقيان موثقة وموجودة في كتاب: حداء الخيل / للمؤلف سعد عبدالله الصويان / صفحة 63 |
رد: اتمني من الأخوة وابناء العم اثبات او نفي؟؟
أتركها لأصحاب العلم
ولاهنت لحرصك تقبل شكري والتقدير |
رد: اتمني من الأخوة وابناء العم اثبات او نفي؟؟
ياراكب اللي كـن لادمـي يحاليـه=واسبق من اللي فالسماء وارداتـي يسرح من التنظم وسنع مماشيـه=والعصر عند اهل الوحيـد يباتـي فنهم ذلولك ليـن الشيـخ تلفيـه=فيحان الصعصاع شيـخ البداتـي ثم بلغه بالعلـم ربعـي مشوفيـه=راحت على غلباء سبيـع سراتـي ياظفرهـم والله مانيـب كانـيـه=ظفـران عـل ديارهـم مبعداتـي وحنا خدمناهم على كيـف مابغيـه=ليـن ادبحو ومهارهـم مقفيـاتـي وفدغوش ابن شويه قصرنا هقاويه=خـلا الضعـن وبيوتـه مبنياتـي ونظرب بحد السيف فالشيخ نرويه=لعيون وضحاء زرفلت فالصلاتـي
خلوا المزين ما ثنوا من دونـه=فوقه عماشا خشمها مقطـوع حنا طولناهم بضرب الهنمي=لين الصعب جا منهم طوع حنا خذينـا حقنـا بايدينـا=يوم التقينا( بالعريق) جموع يانعم والله يا صلايب جدي=يوم الموازر صوتهن يروع السهلي هج وهمل عباته=يدعي معه كلب الغنم جدوع
يالله يالمطلـوب ياعـدل النـظـر=ياللـي علينـا مضفـيٍ جمايـلـه كله لعنى العـرب حسكـات الوبـر=اللي على راس الضَماء جات حايله تباشـرت بالـريٍ يـوم الله ومـر=سجـت غديـرٍ ثـوَرت حثايـلـه أنشى على السبعانِ نـوٍ لـه كـدر=وطاح العماني فـي بـرد مخايلـه بسَام والذعـذاع والحـرق إنعثـر=والكـل منهـم وسَـدوه أصايـلـه وغرير وإبن غرير في سدر المخر=معهم العماني طاح مآأحـدٍ شايلـه ذيب الجلالية دعى ذيـب الشجـر=ثم إدَعـى بالطيـر مـن فضايلـه دوك الزنايج روسها مثـل البجـر=أو جذوع نخلٍ في القرايـا عايلـه ولد الشلف يصيحِ مع برد السحـر=ويلعـن مشيـرٍ عرَفـه قبايـلـه اللي غدى في الأوله خمسة عشـر=مـع ثلاثيـنٍ غـدوْ فـي التاليـه دوك إبن شويه مـع الربـع النيـر=وجنَب كبيـر البيـت مـع حلايلـه فأنا أحمد الله لابتي خـزن الظفـر=سقم الحريب اللـي تغيـر القايلـه آلآد الغييثي هم هل البـوش العفـر=اللي على الموت الحمـر متمايلـه فوالله يلولا الخوف من راعي المدر=عبدالعزيـز اللـي مضـت فعايلـه والله إنهم أمحق من بنى بيت الشعر=والله إن نوريهـم نجـوم القايلـه
وفدغوش ابن شويه قصرنا هقاويه=خـلا الضعـن وبيوتـه مبنياتـي
مضرابنا فدغوش في جمة الراس=خلي طريح وعليه طير الجو حام
|
رد: اتمني من الأخوة وابناء العم اثبات او نفي؟؟
لا هنت يافيصل بن جزاء على التوضيح الرد المستند على ادله قاطعه بالقصائد الموثقه
|
رد: اتمني من الأخوة وابناء العم اثبات او نفي؟؟
فيصل بن جزاء
الله لايهينك على التوضيح تقبل مروري الطيب |
رد: اتمني من الأخوة وابناء العم اثبات او نفي؟؟
اشكر كل من قام بالرد على هذا الموضوع . وشكر خاص للاخ فيصل بن جزاء على التوضيح.
|
الساعة الآن 01:40 PM
 |
Powered by vBulletin® Copyright ©2000 - 2025, Jelsoft Enterprises Ltd.
---