::: مـنتدى قبيلـة الـدواسـر الـرسمي ::: - قصيده لشاعر مفرج ابن جنبان المخاريم في الشيخ ناصر بن قريع

- :: قسم الـشعر العــام :: (http://alduwaser.org/vb/forumdisplay.php?f=16)

قصيده لشاعر مفرج ابن جنبان المخاريم في الشيخ ناصر بن قريع

بسم الله الرحمن الرحيم

هذه القصيده قالها الشاعر مفرج بن ناصر بن جنبان المخاريم الذي اتحفناء بقصيدته الاكثر من رائعه في الشيخ ناصر بن مبارك بن قريع وذلك اثناء عرض ابله في ام رقيبه وقد القاهاو شلها بصوته العذب ونالت استحسان الجميع اثناء عرض الابل في المنصه

يالله المعبود يالي علئ خلقه رحوم=يااله كل خلقه لوجهه تسجدي
يالاله المعتلي فارج(ن) كل الهموم=يا الاله المعتلي خير رب(ن) يعبدي
بعد ذكره بمدح اللي على العليا عزوم=يا بنات الفكر هاتي ابيوتك وقصدي
في بحور الشعر قامت هواجيسي تعوم=والشعر هلت مزونه وقامت ترعدي
لانطقت البيت بيتي عن النقد معصوم=اسبك المعنى وحبكه لجل ماينقدي
بمدح اللي يفعل الطيب ويسد الزوم=(ناصر بن قريع) ياجعل يفداه الردي
هو حزام اللي حصل له من الدنيا ثلوم=با لمراجل والوفا معتلي فوق الجدي
مجلسه مفتوح والضيف لاجاه محشوم=مايحسب للخساير رعى الكف الندي
يوم جاه المال ما شح به مثل الرخوم=ينفق الامال ماهو بخيل(ن)يرصدي
كاسب الناموس متواضع(ن)ما فيه زوم=يفعل المعروف ماله وراها مقصدي
والله انه من رجال(ن) يضدون الخصوم=لاد زايد في الملاقى تضد المعتدي
مالك(ن)وضح(ن)غوالي كما وصف الرجوم=او كما اخيام(ن)بروضة اخريم السيدي
كل وحده منفهق نيها اسناد(ن) ردوم=مارقه نسنوس والعين والخشم اسودي
لامشت كنها تعاين لمنزال النجوم=يا لله تحميها من عيون ناس(ن)تحسدي
يعجز الشراي عنها ليا جاها يسوم=كم غني(ن) يمتنيها ويصفق باليدي
يوم عرضت شاش راسي وقمت اجلس وقوم=والفرح عم الدواسر وكني معيدي
فالجهل حامينها كل ليل وكل يوم=بالسيوف ودونها للمنايا ناردي
ورث ماجت بالتسلف ولا حب الخشوم=جاتنا بالسيف والا بمال(ن) ينقدي
ونحمد الله اليوم في ضل حكام(ن)قروم=ويا عسى الله يرحم اللي للمه وحدي
هاذي اعلومي ولا ني منافق بالعلوم=والحقيقه قلتها والخلايق تشهدي

رد: قصيده لشاعر مفرج ابن جنبان المخاريم في الشيخ ناصر بن قريع

أخوي (( أبو مشعل ))

صح السانك والسان الشاعر الكبير(( مفرج بن ناصر بن جنبان المخاريم))و يستاهل الشيخ /ناصر بن مبارك بن قريع.

ولآهنت يا طويل العمر على نقلك للقصيده لنا والله يبيض

وجهك و أنا أخوك.

تقبل مني أرق التحايا و أعذبها من أخوك..

رد: قصيده لشاعر مفرج ابن جنبان المخاريم في الشيخ ناصر بن قريع

صح الله لسان الشاعر القدير مفرج بن ناصر بن جنبان المخاريم على القصيدة الرائعه والجزله ويستاهل ابن قريع والله يبارك له في حلاله .

وبيض الله وجهك يابومشعل على ايراد هذه القصيدة الجميله.

تقبل تحياتي،،

رد: قصيده لشاعر مفرج ابن جنبان المخاريم في الشيخ ناصر بن قريع