|
خبر جديد وسار عن مزاين الدواسر
السلام عليكم ورحمة الله وبركاته
أخواني وأبناء عمي الكرام موضوع كان ودي اتكلم فيه منزمان ومقصدي واضح فيه وهالموضوع رد على بعض الاخوان بالمنتدى اللي من قبيلتنا وللأسف يقللون من شأن لابتهم وهالشي منقود بسبب موضوع المزاين اللي صار الشغل الشاغل والملف الشائك بالنسبه لهم الله يهديهم ونعم فيهم وفي باقي الاعضاء والمشرفين وانا أرجو من المشرفين عدم السماح بمثل هالامور وهالرساله اوجهها لهالفئه فقط من الاعضاء نصيحه أخواني الخبر السار والجديد لكم هو قبيلة الدواسر زايد وتغلب عزيزين وكرام ومعروفين سواء بمزاين او بلياها لازم تعرفون هالشي صحيح كلنا ودنا بالمزاين والجمعه الطيبه لكن ما نعده قصور في قبيلتنا انه ما تم وياللي تقلل من شأن قبيلتك كانك تشوف ربعك دون ونقص بين القبايل عشان مزاين وتشوف غيرك أخير منك رايك واحتفظ فيه غيرك ما يشوف هالشي لكن أأأأأأبشرك ترا لابتك طيبه وعادها على طيبها والدواسر كافه مكانهم في مقدمة القبائل بالكرم و الشجاعه وطيب الفعول سابقين عليها ولا يحتاج اعد لك فعولهم سواء بمزاين او بلياها ما تغير شي عادهم مزبنة الدخيل وعادهم خطلان الايدي وللمعلوميه قبيلة الدواسر أول قبيله بالمملكه قامت بمزاين للبل رسمي وهم السابقين لها وهم راعين الاوله قبل هالمزاينات كلها اللي تشوفها هذه قصيدة مدح في الدواسر بمناسبة مزاين الابل الذي اقيم يوم الخميس 26/7/1423هـ وقد اختلف هذا المزاين عن غيره من المزاينات . وذلك بوجود مزاين مرادف للمزاين الرئيسي وجوائز للضيوف من غير الدواسر وبهذه المناسبه التي لم يسبق لإحد شرعها من القبائل الاخرى قبل قبيلة الدواسر فقد كان من واجب الشاعر مدح الدواسر لأنهم بفعلهم هذا يستحقون المدح والثناء حيث قال الشاعر // دسمان بن مناحي السبيعي يازين فعلا يا الدواسـر فعلتـوه فعلا سبقتوا فيـه كـل القبائـل حتى لو ان الناس بعدين سـووه انتم هله من قبل وانتـم لاوائـل قلتوا كلاما للضيـوف وحميتـوه وعاداتكم بالضيف فعل الجمايـل يوم المزاين بينكم ما احتكرتـوه ماعـودوا ضيفانكـم بالفشايـل من كان معه مشاركه مامنعتـوه ماقيل ذا واجـد وذولـي قلايـل بينتوا العلـم الجميـل ورفعتـوه للـي يحسـب دقهـا والجلايـل تستاهلون الطيب ياالي عملتـوه ويفوز بالطالات من كان طايـل ماهمكم مال العناء لـو جمعتـوه ماباقي إلا الفعل والمـال زايـل هذا طريقا للنشامـى رسمتـوه الا الذي سلمه عن الطيب مايـل قررتوا الدرب الصحيح وفرضتوه مثل القلايد في رقـاب الأصايـل الخبر السار والجديد على بعض الاعضاء اللي موجه لهم هالموضوع قبيلة الدواسر قبيله عزيزه ولي الشرف اني منها وانا افخر بها وموقعهم معروف بين القبايل كافه هالكلام أول وتالي وعدم اقامة المزاين ما اعده نقص ولا اعده قصور ولا تترك حميتك على ربعك لأي سبب كان |
رد: خبر جديد وسار عن مزاين الدواسر
هذا الكلام اللي يجمد على الشارب بيض الله وجهك يا بن مشخـــــــــــــص تقبل مروري واحترامي ....... مطنـــــــــــــــــــوخ |
رد: خبر جديد وسار عن مزاين الدواسر
ووجهك يالدوسري المطنوخ اشهد انك مطنوخ
مرحبابك وتشرف الموضوع بردك الطيب وردك افتخر واعتز فيه احترامي وتقديري لك |
رد: خبر جديد وسار عن مزاين الدواسر
انشهد انه الكلام اللي يجمد على الشارب
والله يبيض وجهك يالقرم على الموضوع |
رد: خبر جديد وسار عن مزاين الدواسر
بيض الله وجهك كلام جميل من انسان جميل في معانيه التي من شانها ان تجمع ولاتفرق هنياءً لك هذا النص الرائع وبالفعل نحن الدواسر هلى البل جزيلات العطا ونحن من اول القبائل في عمل المزاين كل التقدير لك ابن مشخص
وتقبل مروري وانت بأحسن صحة وعافية |
رد: خبر جديد وسار عن مزاين الدواسر
بن مشخص المسعري كلامك جميل جدا ومنطقي .. والمزاين اذا أقيم كان بها واذا لم يقام فالخيرة فيما اختاره الله تقبل خالص الود والتقدير .. اخوك في الله محمد الغريري |
رد: خبر جديد وسار عن مزاين الدواسر
أخي الكريم (( بن مشخص المسعري )) وفقك الله لكل خير،،
أشكرك على كلامك الطيب هذا ،، جزيت خيرا ً عليه ،، وفعلا ً قبيلة الدواسر بكافة فروعهم ، ومن أي منطقة كانو ا ،، هم على الرأس والعين ،، وتاريخهم ولله الحمد حافل ٌ بالمآثر والأمجاد التي ترفع الرأس ،،والتي يفتخر بها جميع أبناء القبيلة ،،فإن كنّانفرح حينما نرى غيرنا من إخواننا المسلمين ،،من أي قبيلة أو أسرة أو منطقة كانوا ،،بنجاح ٍ يتحقق لهم(من باب ماحثنا عليه رسولنا الحبيب صلى الله عليه وسلم ،،من أن المؤمن يحب لغيره مايحبه لنفسه )،،فمابالكم إن كان هذا الشخص الناجح هو من أفراد قبيلة الدواسر الكريمة،،،أليس هذا يزيدنا فرحا ً على فرح ،،،من دون تعصب في ذلك ،،أو هوى ،، وبالنسبة ((لمزاين قبيلة الدواسر))،،فقد يكون في الأمر خيرة أيها الإخوة ،،وليس من سيرفع شأن القبيلة إقامة مزاين لها،،فقط ،،(وإن كان ولاشك أمر ٌ رائع إقامة مزاين متى ماتحققت له شروط وضوابط ومعايير وأهداف ينبني عليها)،،ولايخفاكم بماقام به إخواننا من قبائل عتيبة الكريمة،،،فقد خططوا ورتبوا لحفلهم ذلك ترتيبا ً رائعا ً،،ومنذ وقت مبكر،،قد يكون أكثر من سنة قبل موعد إقامته ،، أقول هذا الكلام لعلمي بأن لدى أبناء قبيلتنا الكرام ،، الشيء الكثير من الأعمال النافعة والمفيدة ،، إن شاء الله ،، ولعل ّ منها الحرص على أواصر الروابط الأخوية وصلة الرحم ،،وتشجيع أبناء القبيلة للعلم النافع والعمل الصالح ،،الذي يعود بالنفع عليهم وعلى أسرهم وعلى قبائلهم و بلدهم ووطنهم ، وأولا ً وأخيرا ً على دينهم الدين الإسلامي الحنيف ،،، أيضا ً من ذلك تشجيع توثيق تاريخ القبيلة توثيقا ً دقيقا ً صحيحا ً مبنيا ً على البحث الجاد،،وتحري الصواب،،وإعطاء كل ذي حق ٍّ حقه ،،فلانبخس أحدا ً ،،ولانجامل أحدا ً،، وكل ٌّ يوزن بقيمة ماعمله، في وقته ،، وأخيرا ً أخي الكريم (( بن مشخص المسعري )): سررت بقراءتي لموضوعك هذا،،فقد أجدت في طرحه ،،وأسأل الله أن لايحرمك من الأجر والثواب ،،وشرفت بالمشاركة فيه ،،بشيء ٍ ممايحضرني الآن ،،ولعله يكون مفيدا ً تقبل خالص شكري،،ولكل من شارك ،،وقرأ موضوعك هذا ،،ودمتم بخير،، أخوكم((حفيدالدواسر)) باحث تاريخي،، |
رد: خبر جديد وسار عن مزاين الدواسر
الهول الودعاني
أشكرك على ردك الطيب ومرورك الكريم مرحبابك يالذيب وأبرك الساعات تواجدك فتى الوداعين شرفتو الموضوع ياعيال سالم الله لا يهينكم وبيض الله وجيهكم محمد الغريري مرحبا ومسهلا مبطين عنك يالقرم ويكفيني ردك الكريم حفيد الدواسر حياك الله ومشرف الموضوع ومستعدين للنقاش طال عمرك ردك يدل على فهمك ووعيك ومحبتك لأبناء عمك وارحب بمثل هالردود وأنا ما كتبت هالموضوع ردا على من تناقش بالموضوع بأسلوب محترم مثلك الا وأشجع عليه واسميه نقد هادف وبعقل وبأحترام والمقصد منه ,,,, الوصول الى حل ماوجهة موضوعي للي مثلك من الأعضاء بهالمنتدى ,,, أنتم اللي فيكم الخير والبركه وجهة موضوعي للفئه اللي نقاشها المقصد منه ,,,, الوصول الى مشكله اللي قللت من شأن الدواسر فقط وتقدر تدخل المواضيع المطروحه بالمنتدا وبتلقا ردود هالفئه من الأعضاء انا مانيب ضد المناقشه في موضوع المزاين وطرح الاسئله اللي منها منفعه ولا ودي احطلك ردود الاعضاء اللي كنت اقصدهم منعا للاحراج وتقدر تلقاها ومثل ماتفضلت بالحرف الواحد (المقصد من المزاين ان تم فيتم لترابط وتلاحم القبيله ) (لكن ان كان سبب خلاف ومشاحنه حط خط أحمر) حياك الله يا حفيد الدواسر يشرفني مروركم الطيب جميعا تقديري واحترامي لكم |
رد: خبر جديد وسار عن مزاين الدواسر
هذا عين العقل
الخيرة فيما أختاره الله والمزاين لايرفع من شان قبيلة ولا ينزل من قدرها ويكفينا هالتجمع إلي يقام كل سنة (( أجتماع قبيلة الدواسر )) وأن كان المزاين في ظن بعض الاعضاء انه بيرفع من شاننا فحنا والله في غنى عنه . والله يوفق الجميع |
رد: خبر جديد وسار عن مزاين الدواسر
اشكرك كل الشكر وهذي الأمور لاترفع شأن القبيله ولاتنقص من شأنها والمزاين الي ذكرته كان على طريق رماح_شويه عند عرق الرويكب
بـــــــــــــــــــــــيض الله وجه راعي الموضوع عـــــــــــــــــــــزالله انه ينحسب في حسابه اخوك/ بـــــــن مـــــــــســــــلط |
رد: خبر جديد وسار عن مزاين الدواسر
يازين فعلا يا الدواسـر فعلتـوه =فعلا سبقتوا فيـه كـل القبائـل حتى لو ان الناس بعدين سـووه= انتم هله من قبل وانتـم لاوائـل قلتوا كلاما للضيـوف وحميتـوه= وعاداتكم بالضيف فعل الجمايـل يوم المزاين بينكم ما احتكرتـوه= ماعـودوا ضيفانكـم بالفشايـل من كان معه مشاركه مامنعتـوه =ماقيل ذا واجـد وذولـي قلايـل بينتوا العلـم الجميـل ورفعتـوه= للـي يحسـب دقهـا والجلايـل تستاهلون الطيب ياالي عملتـوه= ويفوز بالطالات من كان طايـل ماهمكم مال العناء لـو جمعتـوه= ماباقي إلا الفعل والمـال زايـل هذا طريقا للنشامـى رسمتـوه =الا الذي سلمه عن الطيب مايـل قررتوا الدرب الصحيح وفرضتوه= مثل القلايد في رقـاب الأصايـل [line] صح لسان الشاعر / دسمان بن مناحي السبيعي ونشكر الأخ/بن مشخص المسعري علي النقل المتميز ويعطيك ألف عاقية وتقبلوا خالص تحياتي أخوكم/سلمان بن قويد |
رد: خبر جديد وسار عن مزاين الدواسر
بيض الله وجهك يابن مشخص والله يكثر من امثالك
تقبل تحياتي ولد ودعان |
رد: خبر جديد وسار عن مزاين الدواسر
مشكوررر ولا هنت يالطيب على الكلام الطيب وكلامك صحيح والله لا يهينك اخوكم النايف |
رد: خبر جديد وسار عن مزاين الدواسر
لابتـي زايـد الملطـوم منشاهـا ** ممنـة جارهامـن كـل عدوانـي
ترتفع روسنـا لامـن ذكرناهـا ** ذا كلامي ونا مـن لاد ودعانـي لاد ودعان راس الرجـم مرقاهـا ** كاسبين المراجل سـر وعلانـي لابتي من يريـد العـز ينصاهـا ** يستريح بذرا ذربيـن الايمانـي الشاعر / شلعان بن ظافر الودعاني شكرا ابن مشخص على طرح الموضوع |
رد: خبر جديد وسار عن مزاين الدواسر
بيض الله وجهك يابن مشخص
ولا هنت على طرح هذا الموضوع الاكثر من رائع وتقبل شكري وتقديري غازي المسعري |
الساعة الآن 11:54 AM
 |
Powered by vBulletin® Copyright ©2000 - 2025, Jelsoft Enterprises Ltd.
---