::: مـنتدى قبيلـة الـدواسـر الـرسمي :::

خليل الشبرمي

من أقوى المرشحين للقلب شاعر المليون أو للبيرق

من قطر

المفاجأة أنه كان .......ا

،

،

،

،

سعودي

وأترككم مع القصيدة الجزلة والرائعة

لك جزيل التحايا والثنــــــــا والسلام = من خليل ابراهيم الناصـــر الشبرمي

البطاقة سعودي والقبيله سنـــــــام = ودار جدي سميـــــــــرا ولتـميم انتمي

ربعي اللي على الدجال شذرة حسام=في صحيح البخاري واحمد ومسلمي

وبـاختصـار العبـــاره لا يطول الكـلام = الجزيــره ثلاث اربـــــــــاعهــا محزمي

ومــا اعتقد من يهيم بحب ربعه يلام = كل حيٍ بنـــــــــــــاسه يفخر ويحتمي

الرجال مخبوره والبلد به نظـــــــــام = لـــــو سمعنا هدير ولو سمعنـــا رمي

لطول الارقاب سيف وللمناخر خزام = وللكبود المغلـــــــــه خنجرٍ حضرمي

زان بدع القوافي والطريق استقـــــام = غردي يالحمام ويالغمــــــــام ارزمي

وياذلولي دفعتك بالسعه والزحـــــــام = زرفلي فوق صدر الجــاهل ودرهمي

ما يميل الشداد ولانفك الخطــــــــــام = لــــــــــــو يثور الكتام ودربك ملغمي

يــــا عميلي توقع واحذر الاصطدام = حيتك ذيلــــهــــا والراس تحت اقدمي

وانتبه لا تجي بين الفضــا والظلام = ننقش من الصخر وانت اكتب بمرسمي

وموترك دام دربه بين جرف وعدام = انتبه للـــــرديتر مـــــــــاه لا يحتمـــي

وكابتن الطايره لا قلع والاجوا عسام = لا تذكر هبــــــوط الطــــــايره يندمي

كل شيٍ له الله لا يهينك مقــــــام = وحكمة الصمت حكمه والحكيم ابكمي

الآ نـــــــــــام احترمها تحترمك الأنام = وان حقرت الاوادم ما احترمك آدمـي

يا ابن الاجواد جنب عن ملام العـلام = لا تتيه البصيـــــره والبصــــر ينعمي

يا ابن الاجواد صحصح لا يطول المنام = وخل الانوار تدخل كهفك المظلمي

العن ابليس وابعد يا بعيد المــــرام = السلامـــه غنيمـــــه حظ من يسلمي

وبنكنا لا بغيت الصـرف وقت الدوام = نصرف الشيك بالدينار والـــــدرهمي

ولا نطق الكلبشه دام الامر اتهــــــام = لين نلقـــــا الدليل وبصمة المجرمي

من زرع تين شوكي مــاجنا تين شام = وبكْرٍ العام جلدت هـــالسنه ترجمي

لا تعدى الحدود ولا تعض البهــام = الله اللي بخلقه والعبــــــــــاد اعلمي

وكانها زله وزلت وراحت ســــــــلام= طعني ابعد ولا تنبش ولا تردمـــــــي

واعرف اني على العيّال شرس انتقام = وافهم اليعربي واتــرجم الأعجمي

تكرم ديار لاجل عيون يا ابن الكرام = ونـاس من شان ناس اتقدّر وتحشمي

ومن تبصر تعلم والليــــــالي علام = والـــــــزمن مدرسه ودروس ومعلمي

والمواقف تجارب والعرب ما تضام = كم غشيمٍ فهم لوكان مــــــــــا يفهمي

قال انا الذيب الامعط والخلايق نعام = وسن نــــــابه وخلوه الرجال اثرمي

احذر العاقبه والعاقبه بالختــــــــام = تلعق الدبس والا تجــــــرع العلقمي

وراعي الدين لامنه نوى الالتـــزام = سدده قصد قصد ودفعـــــــه مقدمي

وكان راسه عنيد وبالخطــا مستهام = يضربه بالصفات ويشرب القـــــلزمي

ان حكينا ندمنا وان سكّتنا حــــرام = تايه الــــــــــراي لازم يردع ويلجمي

ولجميع القبايل بالفواد احتـــــرام = واحمد الله تعـــــالى دامني مسلمي

تحياتي/
وضاح