::: مـنتدى قبيلـة الـدواسـر الـرسمي ::: - لاحد سالك وقالك وين مغليك؟؟؟

بسم الله الرحمن الرحيم

استاذنك بسافر ايام واجيك
وان طالت ايام السفر لا تحاتي
حتى ولو طولت ماني مخليك
يالي بدونك ويش تسوى حياتي
تامر على حاجه بودعك واليك
عسى عوض الايام في المقبلاتي
حتى يدي ما ودها تفارق ايديك
ساكت وانا اشوف البلا في ساكتي
ما شفتني لارحت منك التفت فيك
بلاي والله روحتى والتفاتي
لاكن قبل ما روح ودي اوصيك!!
وانت اللوحيد الي يقدر وصاتي
لاحد سالك وقالك وين مغليك؟؟؟
قله لوازم لاقضاها بياتي
ان طرو النسيان ماني بناسيك
ياراس مالي في الحياه وغناتي
وان طرو السلوان مانى بساليك
طيفك معي حتى وانا في صلاتي
قلبي وهو قلبي اذا مر طاريك
لولا اضلوعي كان عزم مماتي
لو جض صدري كان يمديه ياتيك
ويبات عندك ويهنا بالمباتي
انا وقلبي والغلا ساكن فيك
وانت وقلبك والغلا وسط ذاتي
غلاك مثل الحكم عند المماليك
اكبر طموحي لا....؟ كل امنياتي
شفي غيابي أي حاجه اتسليك
لاني معك بعد اسلى ذكرياتي
احاول اذكر أي شيء يطريك
واقول هو سوى وانا ذى سواتي
كاني موادع كل شي حواليك
وكاني حسبت حساب حزه وفاتي
احبك,,, ولاني ماقدر انسى وابيك
ولا اقدر اخليك يالي تحاتي
معنى احبك وما اقدر انسى وخليك
يعني بدونك ويش تسوى حياتي

تقبلوا تحياتي اخوكم \ أبــــن زاايـــــد