::: مـنتدى قبيلـة الـدواسـر الـرسمي :::

- :: قسم المـواضيع الـعامــة :: (http://alduwaser.org/vb/forumdisplay.php?f=2)

- - وش معنى اسمك؟ (http://alduwaser.org/vb/showthread.php?t=239)

وش معنى اسمك؟

السلام عليكم ورحمة الله وبركاته

للأسف موضوع يختص بالشباب فقط وأساميهم.... وأعد أخواتي البنات أن أبحث عن موضوع مقارب لهن...

فالى أخواني... ابحثوا عن أساميكم ... وعن معانيها...

· ياحظ من هو نصيبه سلطان طاريه يهز الناس ما يوم هان .

· واللي نصيبه هزّاع للشدايد دوم فزّاع.

· و محمد لي عن جميع الناس بالمعاني مفنّد.

· و ذياب سريع الجواب , عتيد الصواب , كريم النصاب .

· و منصور محب الزود , بدهن العود مشهور .

· و خالد مناة العين له يوم ان تشاهد .

· و حامد بروح النشامه يجبرك له تساند .

· و فلاح لي صكّت الدروب بين المجالس طاريه فاح .

· و سحمي اسم ٍ لمعني , و شدّني للثريّا , بروح نشمي .

· حمد ما يوم خذل من ناشده السند .

· و فيصل كما برق ٍ في السما صقل .

· و ظافر بسمي المخابن ينشهد له , لي من بد خلق الله يشرح الخاطر .

· و علي لي هب خفي , للمنايا راسه ما ينحني .

· و عبد الله بطيب قلبه يملكك يشهد الله .

· و جمعه بنور خدّ ه يسعدك لو تصدّه .

· و طحنون حلو العيون , لاتحسبه بضيقتك مغبون , لو تطلب عيونه ممنون .

· و خلفان شرا العود حرقان , للمعاني دوم صعدان .

· و سعيد لقياه عيد لو كان عنك بعيد .

· و ابراهيم خوي ٍ لطلبتك حاظر و مديم .

· و أحمد من صلفه تلقاه في السما عربد .

· و بطي ياره هب شقي , من نسل ٍ مخيّر و منتقي .

· و سهيل اسم ٍ و رسم ٍ و خلق ٍ وافر ٍ كما السيل .

· و مبارك للمنصب الراكز تلقاه يعارك .

· و سيف يغمرك بالعطف , و حبه للمدايح ما هو بزيف .

· و سالم راعي المكارم للبخل تلقاه ناقم .

· و عمر بحر غمر , يقصر دونه الفخر .

· و غانم شيخ ٍ صارم , جلد ٍ بالحكم حازم .

· و صقر باسم الثغر , حلو الشعر , بقربه يحلى السهر

يسلموو يا الغالية على الموضوع وانتظر أسماء البنات منج..

ومشكورة وما قصرتي ..

أختك
غزلان

أختي غزلان حياك الله يالغاليه... ومشكوره عالمرور الحلو ...

شيهانه

أختي شيهانه ..

أنا لي أسمين هنا يغنوني عن كل هذي الأسامي ..

أولهم ..

· ياحظ من هو نصيبه سلطان طاريه يهز الناس ما يوم هان .

وثانيهم ..

· حمد ما يوم خذل من ناشده السند .

موضوع رااااااااااااائع تشكرين عليه ..

بس راح ننتظر أسامينا ..

تحياتي لك ,,

نعناعه

نعناعه... حياتس الله يالغاليه ....

وأتمنى أحصل أسامي البنات ....

دمتي سالمه عزيزتي...

شيهانه

لاهنتي يالغلا على الموضوع الرائع
وإن شاء الله تلقين باقي الأسامي

شاكره لك مرورك الكريم أخوي المسافر وادارتك الموفقه للمنتدى

عبد الله بطيب قلبه يملكك يشهد الله

ماقصرتي ياشيهانه على الطرع الرائع

اسمي مش موجود ليه ؟؟؟
<<< خاطره يعرف وش معنى اسمه

يعطيك العااافيه شيهانه
على هالتفاسير الجميله للأسماء

عماري نعتذر عن هذا الخلل الفني ونقول لك..... حاول مره أخرى .... بس موب أكيد تلاقيه.

تحياتي على المرور الكريم

شيهانه

مرحبا أختي شيهانه
عبد الله بطيب قلبه يملكك يشهد الله
بيض الله وجهتس يالشيخه
ولك تحياتي
اخوك الخييلي :)

مشكووور يالغاليه وماقصرتي عل هل اسماء

تقبلي اجمل تحيه لك

اخوك فهد

للأسف اسمي ماذكر

لانه نادر بالوجود والنادر ثمين

مرسى على كل حال يا الجوهره

ابصراحة اسمي ماوجدته هنا مع الاسف بس الاسماء اخذت مرة دورة خاصة تفيدك ان الاسماء ومعانيها توثر وتنعكس علينا لان كل اسم له ذبذبة وله قوة معينة وصدي في ايقاع هذا الكون الكبيررررررر وانسجام معانيه وخيرية معني الاسم مع انسجام جرس حروفه وتناغم نطقها يعطي نتائج افضل عموما موضوعك يستحق الشكر والثناء وماقصرتي

و سالم راعي المكارم للبخل تلقاه ناقم .

شكرا شكرا على المعاني الزينه

وعساك على القوة