::: مـنتدى قبيلـة الـدواسـر الـرسمي ::: - قصيده حفل الملتقى الثالث الكويت

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - قصيده حفل الملتقى الثالث الكويت (http://alduwaser.org/vb/showthread.php?t=23832)

قصيده حفل الملتقى الثالث الكويت

السلام عليكم

هذى القصيده قيلت فى ملتقا حفل القبيله فى دوله الكويت

\
\
\

يامرحبا فيها من الدر والماس = وفيها من علوم المراجل علامه
تضفي على اللى يلبس الدرع والطاس = واللى يشرف فى قدومه مقامه
يامرحبا ترحيبتن ترفع الراس = فهل الوفا والطيب واهل القرامه
الجمع طيب والمواصيل نبراس= والحمد لله ياوصول السلامه
ربعي ونوماسي على كل مرواس = وفى كل منبر نحتفل فى نظامه
جيتو هلا والباب مافيه ترباس = من كل حدب وصوب يااهل الشهامه
يااهل الوفا والجود والعز نوماس= واهل المواقف والفخر والزعامه
فى جمعكم نفرح على كل مقياس=وعيبن على اللى مايثمن كلامه
واليا توحد صفكم قلت لاباس= لاباس ياجمعن يصد الجهامه
من زايد وتغلب دواسر على ساس=اهل البشوت الضافيه والعمامه
عدوكم غادى بالارياق يباس = وصديقكم فيكم يحقق مرامه
خصامكم من حرته يطبخ الفاس =وزبانكم يرقد وزانت حلامه
وحدودكم بالسيف والرمح حراس= وادياركم في نجد ماهى تهامه
سلومكم تعرف وتدرى بها الناس = وتبقي لكم لحد يوم القيامه
على ضهور الهجن مع قب الافراس = الصف واحد مايشج التحامه
الوضع تالى الوقت بالحيل حساس= يبغي التكاتف يارجال الكرامه
يبغي التوحد والتلازم بالاحساس = ونكب كل الجهل ويا الخصامه
رجل الدواسر معه للمعضله باس = يشوفه الخصام تسعين قامه
يعنى على درب الجزيلات عرماس = ماهي دروب النقص ولا الرخامه
الدوسرى للطيب والجود دراس = مثل البحر لاهاج زاد التطامه
متميز ومعروف فى كل الاجناس = اعنيبه الطيب واكب الهلامه
اعنيبه الوافي على الطيب غطاس=بحر المراجل لادخل فيه عامه
ما للغدر فينا على رمح جساس = فينا سوات الزير عم اليمامه
ولانقبل الخاين ومن كان بلاس= والى طبوعه مثل طبع النعامه
لنا الرجال ورجلنا حر قرناس= مافيه جمع الا رجلنا فى امامه
فالحرب سجلنا على كل كراس = وفالسلم سوينا السلامه حمامه
يشهد لنا منو كتب فوق قرطاس= واللى حضرنا فالوغي والخصامه
انا نخوض الموت ماصابنا ياس = الموت ولا النصر رفرف اعلامه
هذى عوايدنا زحازيح واشواس = سيوفنا مارجعت فنثلامه
سيوفنا فالحق والشرع غراس = وخيولنا منها تثور العسامه
واديارنا تبطى لنا مابها داس = غير الصديق وضيفنا واحترامه
يسوقنى عند الفخر كل هوجاس=النور جلاى الكدر والضلامه
ربعي الدواسر مرويت حد الامواس= فالسيف خاضو نجد واخذو سنامه
واستوطنو عاليه واخذو به الكاس= فى وقت نجدات الرجل من حزامه
وفكو دخيله بعد ماكان محتاس= في ساعتن عيت تشيله عظامه
فالمواقف الحسام للنار قباس = في يوم بين نصرته وانهزامه
ودية قصير الدار والجدر والساس=سلمن غدل للحق والاستقامه
سلمن خذا للفوز مقعد ومجلاس= وايضا خذا كاس الفخر والوسامه
ووسم العصي يبعد من الوجه الاتعاس = عند الطريد اللى مدور غرامه
ياخذ فى دار الدوسرى ضحك وواناس = وتطيبله عند الدواسر الاقامه
دار الفخر روضه بها حمر الاطعاس = ياجعل تسقي من صدوق الغمامه
قصورها روضه بها زين الاغراس =الخير جعل الله يطول دوامه
واذوادها ترعها ولا صابها باس = ترعا السهل ولا براس العدامه
هذى علوم الصدق ماهى ترماس = القول يقفا افعالنا فى تمامه
واليا انتقلنا الجوخ ماغيره الباس = وسط الدير نقطف ورود الخزامه
فالغلب فينا طبع غير التغطراس =من فعلنا قصر المعاند هدامه
واليا انتشرنا فالبلادين عساس = فالمملكه وكويتنا والمنامه
وساحل عمان وفى قطر قلب واحساس = وابو ظبي ودبي دار الفخامه
نعبي المعاميل ومع النجر محماس = والضيف يبشر فالشحم والكرامه
وصلاة ربي عد ماهب نسناس = على نبي الحق هادى السلامه

\
\

وسلامتكم يالعزوه

تقبلو تحياتى وامتنانى