يامن يدنق لي على خشم زيـزوم=ويحب لي خشمه وياصـل محلـه
يقلط على خالي وينقل له علـوم=وينشد عن احواله وغدوه وحلـه
ما ردني من جيته قّلـت اعـزوم=ولا ردى جعل الردي فدوتـن لـه
لكن دوامي والقضا فيـه محتـوم=وريس لك الله دم ضرسي دواءٍ له
لامن طلبت اليوم منه وهـو يـوم=صد وتركني ويـل قلبـي وغلـه
عّزت لها رخومٍ وذلّت لها قـروم=دنيا.. وفيني منهـا اليـوم عّلـه
ليت الزمن يرجع ونسلب لنا قـوم=ونحيا على عّـز ونكّـب المذلـه
نسل سيفن لمعتّـه كنّهـا انجـوم=في وجّهه من نبغا ولا نعتـذر لـه
نغير مثل الحـر لا طّـول الحـوم=ثم جاك يكفخ صوب صيده وصلـه
اسرع من الكونكورد لا جات بتقوم=مدري يشـل الريـح ولا تشلـه
موتن على عّزه ولا موت مهموم=تلعب به الدنيا علـى كـل ملّـه
تكفا يا ذا المرسال انا فيك ملزوم=تركب على الموتر ولا حـن تلـه
ظرفاً معي وابيك تعطيـه مختـوم=ولا تعـدى ليـن يقـراه كـلّـه
واحذر يروغ وقله اليوم معـزوم=ولا لحقنـا فيـك شكّـن وخلـه
تراه من نسل السلاطين شغمـوم=ورجله على فعل المراجـل تدلـه
ما يذبح الا سمان ممتليت شحـوم=ولا يرد اللي نصـاه وزبـن لـه
مجلسه عامر بالرجاجيل مزحـوم=يا سعد ابو منهـو عنـاه ودخلـه
ما تسمع الا ارحبوا سلم وسلـوم=لو بك عمس قد طار محداً فطن له
مرحوم يا شيخن مربيه مرحـوم=يا الله تجعل جنتـك منزلـن لـه
يالله ياللـي فوقنـا حـي قيـووم=تغسل ذنوبـه بالبـرد واتغفرلـه
وتفتح من الجنه على قبر مضموم=بابٍ على فعله وطيبه جـزاءٍ لـه
وتظلله يا الله من حـر وسمـوم=يا الواحد اللي كلنـا تحـت ظلـه
يا منشي السحب العظيمات وغيوم=تسقي نصايب شيخنـا ثـم تبلـه

ليت الزمن يرجع ونسلب لنا قـوم=ونحيا على عّـز ونكّـب المذلـه
نسل سيفن لمعتّه كنّهـا انجـوم=في وجّهه من نبغا ولا نعتذر لـه
نغير مثل الحـر لا طّـول الحـوم=ثم جاك يكفخ صوب صيده وصله
اسرع من الكونكورد لا جات بتقوم=مـدري يشـل الريـح ولا تشلـه
موتن على عّزه ولا موت مهمـوم=تلعب به الدنيا علـى كـل ملّـه

المشاركة الأصلية كتبت بواسطة فيصل بن جزاء (المشاركة 263680) الشاعر القدير / سعد بن فيصل الودعاني صح بدنك وجزله من راس جزل ولاهنت تقديري واحترامي

المشاركة الأصلية كتبت بواسطة الزين (المشاركة 264038) ليت الزمن يرجع ونسلب لنا قـوم=ونحيا على عّـز ونكّـب المذلـه نسل سيفن لمعتّه كنّهـا انجـوم=في وجّهه من نبغا ولا نعتذر لـه نغير مثل الحـر لا طّـول الحـوم=ثم جاك يكفخ صوب صيده وصله اسرع من الكونكورد لا جات بتقوم=مـدري يشـل الريـح ولا تشلـه موتن على عّزه ولا موت مهمـوم=تلعب به الدنيا علـى كـل ملّـه صح لسانك وبيض الله وجهك علي ذا القصيدهـ الرائعه

المشاركة الأصلية كتبت بواسطة ابن ذيب الودعاني (المشاركة 265265) ارحب يا وجه ال ناصر صح الله لسانك ملاااااااااااااااااااااااااااااااااااااااااااايين على القصيدة الجزلة والوافية اللي ما تجي الا من اللي شرواك سجل اعجابي ومتابعتي ولا تبطي بالجديد وانا اخوك اخوك ابن ذيب الودعاني

المشاركة الأصلية كتبت بواسطة ابو المثنى التركي (المشاركة 265268) الشاعر القدير / سعد بن فيصل الودعاني صح لسانك وبيض الله وجهك على هذه القصيدة الجزله