مــلــفــي الــمــورقـــي=
ودي اغنـي المـوال تقـديـر لـلـي =
للجماهيـر والجمهـور شوفـه يسلـي=
لايقولـون فاالرجـال كبـر وتغـلـي =
ولمثـل قـال مـال الحملـه الاجملهـا =
كـان القعيانـي بصـدره هواجـيـس=انـا علـى بالـي علـوم(ن) كثيـره
أن كـان ربعـك يبعـدون المراميـس=حنـا تـرانـا ماسكـيـن الجـزيـره
فــيــحــان الـقـعـيــانــي =
العبوا ياصفـوف الملعبـه وسمعونـي =
ودي العب مع الشاعر وحيمر عيونـي =
بعد جات القصايا ماش ضحكت سنوني =
والمثل قـال مـال الحملـه الا جملهـا =
مـادام ياملفـي تـهـب النسانـيـس=مافاالقعيـانـي وربـعـه بـصـيـره
قـدام تلعـبـك كـثـار الهواجـيـس=السالفـه بيـنـي وبيـنـك خطـيـره
مــلــفــي الــمــورقـــي =
كان عندك علـوم وطاريلـك طـواري=
ساري(ن)في ليالي سود وين أنت ساري=
قدمك النـار والبـارود منتـه بـداري =
المثل قـال مـال الحملـه الا جملهـا =
المرجله ليلى وأنـا مثـل أبـا القيـس=وحزامـي العتبـان نـعـم الذخـيـره
يوم اصطفاق امعالجـات المضاريـس=غاراتنـا تاصـل صبـاح وسمـيـره
فــيــحــان الـقـعـيــانــي =
فيه عندي علوم وفيه عنـدي غـزاوي=
ودي اغزي على ابن حميد ولا العطاوي=
وأنت ياالمورقي ساري ونجمك سماوي =
والمثل قـال مـال الحملـه الا جملهـا =
لاتحسبـنـا ياالعتيـبـي مفـالـيـس=حنـا مطيـر اهـل الحظـوظ الكبيـره
تلقى علوم الخيـر عنـد العساعيـس=مالـك ورى المطـران حبـة شعيـره
مــلــفــي الــمــورقـــي =
كان نيتك تغزي جعلنـي فـي طريقـك =
وأنت عندك خبر عني عدوك صديقـك =
كم وكم ساعت(ن)قمتلك ونشفت ريقـك=
والمثل قـال مـال الحملـه الا جملهـا =
حنـا عتيبـه مطلقـيـن المحابـيـس=يعلمـك فـارس وغـيـره وغـيـره
لاتحسبـنـا مولعـيـن المقـابـيـس=مـار المطيـري قـام يشعـب بعيـره
فــيــحــان الـقـعـيــانــي =
أنت ياالمورقي تبغـى تسـوي قضيـه =
قلتهـا فاالريـاض وقلتهـا فاالحويـه =
سرع ما علقوا راسك سوات الضحيـه=
المثل قـال مـال الحملـه الا جملهـا =
حنـا مطلقـت النسـا عـوذ ابليـس=وقـت القـا كلـن بشـره وخـيـره
الوقـت يعطينـا ويعطيـك تـدريـس=كلـن بهدنـيـا يـراجـع مسـيـره
مــلــفــي الــمــورقـــي =
لا نسـوي علـوم ولا نسـوي قضايـا=
كان حاميـن ياالمطـران فينـا حمايـا =
لو وردنا من الدنيـا حيـاض المنايـا =
المثل قـال مـال الحملـه الا جملهـا =
تدعـي بربعـي كاسبيـن النواميـس=وأمست عظـام العـود منـا كسيـره
اذل يافيـحـان ماينـفـع الـتـيـس=الذيـب الشهـب ياكلـه فاالحظـيـره
فــيــحــان الـقـعـيــانــي =
كم وكـم ياعتيبـي راح منكـم ومنـا=
مير حنا هـل التاريـخ واطيـب حنـا =
اعرف أنـا مطيـر امزبنيـن المجنـا =
والمثل قـال مـال الحملـه الا جملهـا=
ترى الحقايـق مـا عليهـا طلاميـس=ربعـي مطيـر وكاسبيـن المغـيـره
وترى الحباري مـا تـدان القرانيـس=تنظـر وتغضـي باالعيـون الصغيـره
مــلــفــي الــمــورقـــي =
يامطيـر احددانـا نعـم فيكـم وفينـا =
مار حنـا رجـال(ن) طايلات(ن)يدانـا =
لين حتى على بيض النجـوم اعتلينـا =
والمثل قـال مـال الحملـه الا جملهـا =
نعم(ن) بكـم طـول اليالـي دبابيـس=امطيـر معروفيـن فـي كـل ديــره
كـل العلـوم مسجلـه فاالقراطـيـس=واللـي قراهـا حطهـا فـي ظميـره
فــيــحــان الـقـعـيــانــي =
لا تهايط مـع العتبـان وتـروح فيهـا=
والدعـاوي بعظهـا عايبـه مانبيـهـا =
ولله أنك يابـو وافـي تـدور عليهـا =
والمثل قـال مـال الحملـه الا جملهـا=
حنـا رجـال ولا نـحـب ادنافـيـس=خـل العـيـاره للـكـلا والعمـيـره
لا كثـرلله شكلـكـم ياالحساحـيـس=كل(ن) علـى ماقيـل يمسـك سريـره