المعلـم مـا يكفـي بتعليـم الـدروس = كود دورات اليالـي وبعـض دروسهـا
والمثايل للعوارف كما وصف العسوس = ما يقود لنية العـرف كـود عسوسهـا
والرجال اهل الوفاء تنعرف ولها نفوس = مثل ما قالوا نفوس الحـرار نفوسهـا
والرصيد الدين والعز ما غيره لبـوس = هو غذى النفس العزيزه وهو ملبوسها
والخظوع يحط في سمعة الرجال سوس = لا ومرهـا بالمذلـة كلاهـا سوسهـا
علم اللي يصغر النفس من شان الفلوس = يحسب ان النـاس بتكبـره بفلوسهـا
والبشر تفنى ومن طاب يبقى له رموس = وطيب طاريها يجـدد قديـم رموسهـا
ما تساوى بينها بالطبايـع والجنـوس = تختلف بطبوعهـا واختـلاف جنوسهـا
فرقها بالفعل فرق العدود امن الرسوس = تنعرف من غزر ماها وضعف رسوسها