قصيــــــــــــــده بجميع القبايل



قبأيـلٍ تسكـن بشـبـه الجـزيـره

جزيـرةٍ تبـهـر عريـضـه كبـيـره

والكـل منهـم لـه منـازل وديـره

من ساحل الأحمر ليـا ساحـل عمـان

منهم"عتيبـه"نـعـم والله عتـيـبـه

قبيـلـةٍ بـيـن القبـايـل عـريـبـه

أمجادهـم تعـرف ولاهـي غريبـه

ليا حل طـار المجـد يطـرون عتبـان

ومنهم بني ا خالد هل المذهب الزين

كسابة القالـه علـى العسـر والليـن

تاريخهـم معـروف ماهـم غبيـيـن

وا لنعم يإبني خالد طيـور حـوران

ومنهـم "سبيع"ونعـم بسبيـع دايـم

تاريخهم يشهد لتهـم فـي القـدا يـم

نقـول حـق ولا نحـب ا لظـلايـم

يستاهلـون المـدح والنعـم سبـعـان

و" وزعب" ونعم بزعب اهـل الشكالـه

قيـف شجـيـع كـامـلات خصـالـه

الطيـب فيهـم والكـرم والبسـالـه

إلا وفـي وقـت المحاضيـر شجعـان

و"قحطان" ساس الأصل نعم القبيلـه

أفعالهـم مـن غيـرهـم مستحيـلـه

بالطيب عـدو كـل عيطـاء طويلـه

وا لنعـم والله ياصنـاديـد قحـطـان

والنعم "با الاشراف" نسـل الصحابـه

ا لديـن فيهـم وا لسخـاء واللبـابـه

والعرف والمعـروف شـدوا ركابـه

والنصح والارشاد عـن كـل عصيـان

وأولاد وائــل نـعـم والله قبيـلـه

أهـل الفعايـل والعمـوق الاصيـلـه

منهـم ملـوك يكسبـون ا لنفيـلـه

اسم(عنزه) في قمة المجـد عنـوان
و" شمر" ليـا عـدت فعـول النحايـا

وا لنعـم والله يـارجـال ا لطنـايـا

حمأيـة القـالـه سـهـوم المنـايـا

نقولهـا فـي حقهـم سـر وإعـلان
والنعـم "للعجمـان" مافيـه معـروف

قول وفعل ما تنفـع نقـاط وحـروف

مجـدٍ تعـلا كنـه سهيـل مشـيـوف

دليلنـا فـي مدحهـم فعـل راكـان

و"مطير" حمران النواظر هـل الجـود

تاريخهم من قبـل واضـح و معـدود

مجـدٍ مثبـتـة براهـيـن وشـهـود

ماينجحـد مجـد وأهاليـه مطـران

ونعمٍ "بحرب" ليا طرا طـاري الأمـداح

أهل ا لموا قف كل ماصـاح صيـاح

حرابهـم بالنـوم مـاهـوب يـرتـاح

من ضيمهم مايمرح الليـل سهـران

و "سليم" أهل مجد مسجـل بالاسطـار

ذربين أهل قالـه وبالعـرف شعـار

وأظن هرج ا لصـدق مايقبـل إ نكـار

أخذ الأدب والعرف من روس سِلمان

وجمع "الدواسر" ما بهـم قـول قايـل

دوسـر جمـل يشتـال كـل الثقايـل

باسمـه تسمـوا والفعـايـل دلايــل

غـدران مـوت ماتحلـى بـغـدران

و"بني تميـم" اللـي فخرهـم مقيمـي

ود ليلنا قول ابن صقيـه ا لتميمـي

يدري بهـم مـن كـان قلبـه فهيمـي

أ خبارهم شاعـت لحضـر وبـدوان

وأيضا "بنـي خالـد" عـذاب العنيـدي

جو من سلالة "خالد ابـن الوليـدي"

قـول محقـق مانقـول ا لسـريـدي

نقرأ ونبحث ليـن نـدري بمـا كـان

و"زهران" جن الحرب يـوم الحرايـب

اللـي طعنهـم يـودع ا لـدم رايـب

هبـت لهـم مـن كـل طيـب هبايـب

وا لنعـم والله يارجاجيـل زهــران

و"عسير" عسريـن علـى كـل طمـاع

سباعٍ تعشي سبـاع الأقـذال بسبـاع

السيـف بيديهـم مخـلـد ومـطـواع

ورمـاه ليـا رد النظـر لام نيشـان

و"شهران" مشهوريـن والجـد شاهـر

الكـل منهـم فـا لمهمـات ماهـر

طيب ليا عـدوا هـل الطيـب ظاهـر

معـروف مايطويـه بعـد ونسـيـان

و"بالقرن" قرن المـوت شرابـة الـدم

حرابهـم يسقونـه الصبـر والسـم

في رؤسهـم شيمـه وعـادات ولـزم

ما ينحصـي تعريفهـم عبـر قيفـان

وأيضا "بنـي مالـك" ذكرنـا فخرهـم

الطيب طـوع يـد ينهـم ماعسرهـم

ليا ماجت أمواج البحـر مـن بحرهـم

بحر يكز المـوج مـن غيـر جيـلان

والنعـم "بالأحمـر" علـى كـل حالـي

في كـل صعبـات اللـوازم رجالـي

شوامـخ مـاهـم بـجـرف هيـالـي

كسبان ياحايز علـى المـدح كسبـان

و"شمران" ليا شمر عن الساعد الثـوب

حرابهم يقفـي مـذ لـل ومرعـوب

كم كدروا يـوم الكـدر كـل مشـروب

ياهل الوفاء محد جحد فعل شمـران

والنعم"بالأسمـر" ليـا حـل طــاري

شمعة فخرهـم ماذرتهـا ا لـذواري

يـروون صفحـات القنـا و الشبـاري

ويوردون ا لسيف لاصـار عطشـان

وصبيان"يام" أهـل العمـوق العريقـة

ستر ا لظعن يـوم الايـادي طليقـة

ما تختفي عـن عيـن عاقـل حقيقـة

يام ا لحرايب يوم سوقـات الاظعـان

والنعم والله فـي رجـال"ا لشـرارت"

ا لطيب له فيهم مـواري وأمـارات

أهل ا لمراجل يـوم الأيـام عسـرات

ا لكل منهم يجلـب ا لـروح قربـان

أيضا" بني هاجـر" كفـوف الأسـودي

يثبت لهم في كـل عليـاء وجـودي

قول عليـه الفعـل الأبيـض شهـودي

وا لصـدق قايـد للمعانـي وقبطـان

ونذكر " بلي" بلواء على كـل عاصـي

ليا جاء نهار فيه شيـب ا لنواصـي

رجالهـم ينطـح خشـوم ا لرصاصـي

ليا طار ستر ا لوجه عن دعج الأعيان

وأيضا "جهينه" عـزوة باسهـم بـاس

نطاحة ا لغاره على قـب الأفـراس

أمجادهم من يوم خلقوا علـى سـاس

بيت جويـد مـا نخلـع فيـه بيبـان

وأيضا"السهول" لهم مواقـف وتشجيـع

يطوعـون ا لـضـد لازام تطـويـع

ويقـال عنهـم ا نهـم حلـف لسبيـع

ذولا وذولا نعـم وافـيـن الأفـنـان

وأيضا "الظفير" أهل الظفـر والمدايـح

يوم الثميـدي مثـل وبـل الروايـح

ارجـال مافيهـم غـمـوز وقـدايـح

منهم زبون أهل لمقاصيـر "نومـان"

وسفيان من قبـل النبـوه لهـم بيـت

صحيح لاأ ز ل بكلامـي ولاأخطيـت

قريت في كتـب التواريـخ وأوحيـت

سفيان سلسلة العريب ابـن سفيـان

و"طويرق " أهل الشيمـه المستديمـه

وأهل الوفاء وأهل اليديـن الكريمـه

للجـار عــز وللمـعـادي هزيـمـه

أقولهـا مانـي بـراعـي تـلـوان

و"هذيل" أهل غيـره ومذهـب وجيـره

وميزاتهـم مـن غيـر هـذا كثيـره

وليـا قـدح للحـرب قـادح ذخيـره

تلقـى مقاديـم الرياجيـل هــذلان

و"قريش" مجـد قريـش كـل درابـه

قوم الرسول وقوم بعـض الصحابـه

ومجـد تعـدى الهاشمـي وشنبـابـه

اللي من قلـوب البشـر زال الأدران

و"ثقيف" مـا يحتـاج نذكـر فخرهـم

ما دام "ابن يوسف" على طول منهـم

يكفيهـم "الحجـاج" مجـد شهـرهـم

بالكتب والتاريـخ فـي كـل ديـوان
و "بني خالد مـن القبائـل يعـدون

ليا جت مجـالات المواقـف يبـدون

يبنـون بنـيـان الفـخـر مايـهـدون

واللي نقدهم مامعـه علـم بخصـان

ونذكر "بنـي مـره " ونعـم آل مـره

للجـار عـز واللمعـادي مـضـره

واليـوم فـي نعمـه وسـره وقــره

بين الثلاث اللي خذتهـم بالأحصـان

و"أكلب" هل الطالات وأهل النواميـس

إمسيسـن بدوحـة المجـد تسيـس

كلامنـا مـابـه مجـامـل وتلبـيـس

والقول لاسلم الغـوى والخطـاء زان

والمعـذره يـا واسعـيـن المعـرفـه

إن غاب عن تفكيري أحـد ماعرفـه

للشعـر تصريـف وللهرج صـرفـه

ولاينتجـازى النـاسـي إلا بغـفـران