البارحه عيّت عن النوم عيني=من هاجسً سيطر على الفكر واحساس
فكرت بالدنيا وماضي سنيني=وازريت اميزها بها الفكر ينحاس
دنيا بها يحتار فكر الفطيني=متقلبه تظهر على عدت اجناس
يوماً تجيك بعسر ويوماً بليني=تراوست بيض الليالي بالادماس
فيها الردي ياخذ مكان الثميني=ضاعت بها الاجواد مع جملة الناس
رخص الحصان ورخصوا الطيبيني=وغلي الخروف وصبح الخرم قرناس
وذل العزيز وخوفه كل شيني=وصار الردي ياطا على هامة الراس
دنيا بها الكذاب صادق اميني=والصادق يكذب يذلوه الانجاس
فيها الصديق اصبح عدو مبيني=يضحك معك بالليل والصبح بلاس
وقل الرفيق اللي يشد اليميني=وكثر الحسد واهل النمايم والادلاس
وشان الزمان وكثروا الخايبيني=وقل الحيا والخوف من معظم الناس
والذيب جاع وشبع ابا الحصيني=وصار الفهد يرجي فضالي الابساس
والمرجله راحت مع الاوليني=اهل العلوم الطيبه صفوت الناس
وخليت كفوف مدلهين الحزيني=اللي لهم بالطيب غايه ومجلاس
فواز اسمع قصتي ياضنيني=وافطن تراني رافع المتن والراس
عن الردي يشوم خلقي وديني=واشوم عن كسب المكاسب بالامكاس
من عادتي يابوك تبذل يميني=ماقد بخلت بحاجةٍ تنفع الناس
اكرّم الاجواد جزل وسميني=واقوم بالواجب مراجل ونوماس
ولا اعترض سبيل من لايجيني=وازمل على ربعي من الميل والباس
وانا اشتري يابوك من يشتريني=ومن باعني بالرخص بعته بالافلاس
ولاهمني من قال فيني وفيني=مادام انا يابوك انظف من الماس

سالم ابو جريبيع العطوي ( رحمه الله )