::: مـنتدى قبيلـة الـدواسـر الـرسمي ::: - سمر بالبروق ولا فصل فيه رعاده

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - سمر بالبروق ولا فصل فيه رعاده (http://alduwaser.org/vb/showthread.php?t=22175)

سمر بالبروق ولا فصل فيه رعاده


	بسم الله الرحمن الرحيم هذه قصائد قديمه جدا للوالد رحمه الله ولم يصلني منها الا القليل من الابيات من قبل بعض الرواه فاغلب هاولأ لم يتذكروا الا القليل منها يسرني ان اقدمها لكم في موضوع واحد واتمنى ان تنال استحسان الجميع . اولها هذه قصيده قدمها لي احد الاخوان هذه الايام جزاه الله خير ويقول انها لوالدي ولم يحفظ منها الا هذه الابيات واتمنا ان تنال استحسانكم. يامرحبا يامرحبا يامرحبا =والفا من التر حيب وميات الالوف اعداد ماينبت نبات فى الثرى =واعداد حجاج البيت الله تطوف حنا ال زايد يوم مردود البرى =يشهد لناالتاريخ والصدق معروف الناس كل في فعولة يذكرى =لا شك انابفعول ربعى زودنوف مثل الجبال الشامخه كن وذرى=يامن بها الخايف وملجا لضعوف وجمالهايوم الحروب تحتدى=مثل الرواسى ماتزعزها الشعوف وخوينا ناسم عصاه ويهملاى =يمشيبها بيناالازايد ومايخوف وحريبنا نسقيه كاس الحنظلاى=يشرب من السم المصفى باالكفوف وقصيرنا يامن ولايخشى العدى =الامن المعبودلاتجرى اله صدوف هذه القصيده قالها رحمه الله عندما ذهب للامارات العربيه في موضوع شخصي وهذا اللي وصلني منها وهي اطول من ذلك. امس من الدار العزيزه مشينا= واليوم عند ربوعنا نسل الاحرار في مجلس ينصونه الغانمينا=مجلس رجال له معزه ومقدار لالا معزتهم لهم ماعنينا=ماجيت انا من نجد لدبي زوار نسئل على رجل عزيزا علينا= جدا لجدي مرمسة عنه الاذكار رجل يقال انه حدا والدينا=وكنا صغار ولادرينا بماصار واليوم يوم انا دراينا فجينا= عساه يجمع شملنا وال الاقدار هذا بيت من قصيده لا اعرف الاهو الطيب ربي بين الاجواد قسمه = وكل خذا حقه بلاتقسيم هذي جزء من قصيده طويله جدا حسب كلام من رواها لي ويقول فيها رحمه الله اخذتها منه كماهي حاولت جاهدا ترتيب ابياتها حتى تكون متسلسه عكس مااخذتها منه: سلام يا ربعي طويلين الايمان= سلام مني عد وبل السحابي يالابتي ياعزوتي يوم الاكوان=دواسر الى هاب الردي ماتهابي حنا ال زايد يوم زوغات الاذهان=عز الصديق وللعدو سم دابي من حد جوخريص لادون نجران= اجباللها وسهالها والروابي دار لنا من وقت عاد وعدنان = دارحميناها بزرق الحرابي يسكن بها خطلان اليدي هل الشان= دار الغروس ودار جرد الرقابي بين العتيبي والسبيعي وقحطان=نرسي كما ترسي رواسي الهضابي جانا الشريف يقود خيلاوفرسان=واله الهزيمه سطرت بالكتابي دارحميناها على مر الازمان =وكلا يبيها مير منا يهابي نحميه لايسكنه انس ولاجان= ومن طبها من ينال العقابي حامينها بالسيف خطلان الايمان= تستاهل البيضا عزاز الجنابي تستاهل البيضا سلايل كحيلان=بيضا تشيد فوق روس الهضابي هذا جزء من قصيده ايضا طويله حسب كلام من ذكرها لي ولم يحفظ الا هذه الابيات من لابة تنبيك منها العلومي=تاريخنا يتعب بالامجاد قاريه اهل الفعول الطيبه والسلومي=وكلا على مقدارفعله نجازيه والطيب وهبه بين خلقه اقسومي=ومقسمه بين المخاليق واليه وصلاة ربي عد وبل الغيومي= على النبي باول كلامي وتاليه مطلع من قصيده طويله في الامير ناصر ابن فيصل ال حفيظ لاكن للأسف غير مكتوبه ولم اجد احد يحفظ منها الا هذا البيت ياراكب اللي نازح الخط يطويه=جمسا يقرب نازحات السهالي ذبيت رجما مذبأ به وعناني=في عالي طويق تلفحني دواليبه هذه قصيده لم يصلني منها الا هذه الابيات اتمنى ان تنال استحسان الجميع وهي قصيده يذكر فيها ديره كان فيه الصيد كثير واكثر من مره يحاول الذهاب للصيد فيها لاكن يمنع من قبل فريق حماية الحياة الفطريه وقال هذه الابيات بهذه المناسبه : ياديرة مابين برك وعالان=شوفه هوى قلبي وغاية امنايه هي غايتي ومناي من بد الاوطان=ومن غيرها مالي بدارهوايه في مامضى وانا لها كان سكان=واليوم منها كن علينا جنايه لاجيتها قالوا لي الناس غلطان=ويردني منها فريق الحمايه يابومحمد ياسلايل كحيلان=رايك نبي رايك وفيه الكفايه وختامها ذكر الولي عالي الشان=والله يوفقنا طريق الهدايه هذه ابيات من قصيده قالها رحمه الله في كل من عبدالله ابن محمد الشكره واخوه ابراهيم ياعيال محمد ودنا نجيكم=مير ماتسمح ضروفي واعذروني من فعول ايمينكم تندى يديكم=والرجال الما نقوله يشهدوني الطرف واهل الطرف يعتز فيكم=تعرفون ومن رجال يعرفوني هذا بيت محفوظ له لا اعرف تكملته ولا مناسبته: بعض الاوادم جعل ربي يزيله=يزيله اللي زال عاد وفرعون قصيده له كان رايح يدور له ابل وكانت رحلته رحمه الله متعبه وتعرض فيها لمصاعب كثيره في ذلك اليوم بعد ان اصبح بعيد عن اهله وديرته وتذكرهم وقال قصيده طويله لم يذكر منها الا هذه الابيات . سقى دارهم من رايح يلى ادلهم درسم=سمر بالبروق ولا فصل فيه رعاده ويالج قلبي لج خلف على الما لم= على جال عد يوم لمت بها راده عقب صبيى ياسعد ماشي بالنم=ودوبه كثير الهرج نقله ورداده هذه قصيده لا اعرف مناسبتها وهي اطول من ذلك بكثير لكن هذا اللي محفوض منها عند من رواها: عينت انا الدنيا ترقرق ابميزان=الاوله تفنى وماخلق فاني ياماازعلت من خاطر كان طربان=ويامربحك ياللي عليها معاني مرا على الانسان بسرور وحسان=واحلا من الماء فوق كبد الضماني هذه القصيده تعبر عن نفسها حداني تعيس الحظ لمحمدا وسعيد=سقيط البشر تبغيني اخضع لاوامرها ونفسا رضت بالعزماتقبل التنكيد=وفي طاعة الخبلان ماني بجابرها عسى دارنا من دار ذيك الوجيه بعيد=وجيه بنو الخير محدا بذاكرها هذه القصيده غزليه يقول من ذكرها انها طويله جدا عند العشي ذبيت في عالي الزبار=وانا للشقي من المشاريف نصاحي ساعة رقيته هلت العين غزر عبار=كماهل وبل من مقاديم رواحي ويافوح قلبي فوح شامية ببهار=جحاها المقهوي لاتباطاه مافاحي ويازوع قلبي زوع مشبوك الحرار=الى وكدة في عالي الرجم ملواحي وياجرح قلبي جرحة السيل للجوار=تنحى بسيل من مناشيه جراحي على صاحب يذكر بدار وانا في دار=ترى من تشقى بالمحبين مارتاحي على وارد الستين زود عليه النار=الى لحق حده بردوا له برياحي الى ضواه الليل ساقه على الانوار=وهو منوة اللي صاحبه منه منزاحي هذه القصيده قالها عندما شاف بطريقه وحده ترعى الغنم وهي قديمه جدا وطويله حسب راويها: عزي ال صافي اللون من رعية الغنم= عساها العزاري عد ماهي تعزري به الا ياحلال القوم شوفك يجيب الهم =وعسى من يحبك علة الكبد تازيبه رديه بينه رحمه الله وبين الشاعر: فهد ابن محمد الشكره اطال الله عمره وهو يناهز من العمر الـ 80 عام تقريبا اخبرني ببعض منها عندماكنت في ظيافته وابحث عن ما يعرفه من قصائد للوالد رحمه الله اخبرني بهذه الرديه دخيل الله ابن محمد رحمه الله يافهد ويش قومك تنقل البندقيه = العرب في امان وامنه وانت خايف فهد ابن محمد نحمدالله حميدي يوم مابه خطيه=مير احب التشرف في طويل النوايف دخيل الله ابن محمد رحمه الله ناوي(ن) تعتدي ولاتدورشويه=صرت من عقب ذيه ماعرف لك وصايف فهد ابن محمد في طويل النوايف نلعب الغطرفيه=مانحب التثني عند بيض العفايف دخيل الله ابن محمد رحمه الله اكثر الناس يفرح لاحصل له هويه=وانت سيدك مجنب من جميع الطوايف فهد ابن محمد دايم والفهد والذيب فرضا خليه=دايم والفهد وياه ربعا ولايف دخيل الله ابن محمد رحمه الله قال ذاك اول يازبون الونيه=يوم روس النجايب موميات السفايف اليوم ملحة اقبالك سوات النصيه=ماتبيك الحكومه ولاتبيك العفايف فهد ابن محمد لحيتي ياعميلي وافيه كل هيه=يوم بعض العرب تودع الحاها خفايف