يامـل قلـب(ن) تلـه الـود تلّـي=تل الرشا من فوق ملحا جلالـه
في غربها تسعين فري ومشلّـي=تجفل ليا سمعت ضريس المحاله
من واحد(ن) طـرق عليـه بهلّـي=لحق بواق القلب مع من جرى له
يطرق برمش(ن) للمحاجر مضلّـي=ظاف(ن) على بيض المحاجر ظلاله
هرجه لبـن بكـر(ن) ردوم متلي=ما بيّنت فيهـا رسـوم الشمالـه
يا بنت كبي واحـد(ن) مـا يصلًـي=تارك عمود الدين مالـك ومالـه
خلـي ملعَـن والدينـه يولّـي=تلقين في نجـد المسمـى بدالـه
حتيّش لو يفرش لك القاع زلّـي=من لا يخاف الله حـرام(ن) حلالـه
علاك باللـي للجماعـه يهلّـي=اللي كما النزلـه منـارة دلالـه
بالرجل ثنتيـن(ن) جداهـن يدلّـي=وإن كبهن مهوب ويـا الرجالـه
ليا صار ما به دين مع زين دلّي=جعله من الدنيـا تقطّـع حبالـه