ليش نـزلــتي عيـونـك ارفعيها وطـالعينـي =والا يعني انحرجتي يوم جاوبتي ســـــؤالي
ليش قلتيلي احبــك ليش كنتي تخدعيني =ليش قلتيلي حبيبــي ليش قلتيلـــي ياغالي
كان ممكن ما احبك كان ممــــكن تتركيني =كان ممكن من البدايه تخـــدعي غيــري بدالي
ليش انا بالذات يعنـي ليش قولي جاوبيني =بعد غدرك خبريني وقولي بـــس شلي بقالي
والله انـي ما جرحتك ليش انتي تجرحيني=هنت على قلبك حسافه وانقضت اجمل ليالي
والقــهر للحين احبك وادري انــــك ماتبيني =والمحبه من طــرف واحد نهايتها زوالــــي
كان عمري بيدينك قولي وش كـان بيـديني=أذكــــر انه من غلاتك كان قــــدرك فوق عالي
كنت اتجاهل واطنش يــوم نــغزاتك تجيني =وكنت اقول الحب اكبــر من تصـرف لا مثالي
ابغــي من وقتك دقيقه وليت انك تمنحيني =بس بقولك ثلاث اشياء واروح امشي لحالي
اولآ فعـــل(ن) احبك كنتـــــــــي قلبي كنتي عيني =وكانت الدنيا بوجودك شي روعــه شي خيالي
ثانيآ عـ اللي بدر مني دخــيلك ســــامحيني=يمكن انه زل لســـــاني وقلت انك راس مالي
ثالثآ اسألك بالله واطــــــــــلبك لا تذكريني =احرقي كل القصايد وانسي اشواقي ووصالي
المهم اني اببعد وانتي روحــــي واتركيني =ارجعيله ومثلــــــي دور البريئه اللي تبــــالي
وفي النهايه قبل ما انسى ابقولك كلمتيني=تـــرى هذا اللي تحبينه هو محمد ولد خالي