على كثر الدموع اللي تحـوّل مـن عيـون النـاس=أحد صادق , وأحد كاذب , وأحد دمعه علـى كيفـه
لقيت ( أغلى الدموع ) اللي لها بين العبايـر سـاس=( دموع أم ٍ ) علـى فرقـى ولدهـا حسهـا خيفـه
بكت مـن لوعـة التوديـع عيـن ٍ مالهـا حبـاس=يحبس الدمـع جفـن ٍ مـا شكـى فرقـى مواليفـه
لتس الله .. وانتي أغلى من مشى فوق التراب وداس=دموعتس عندي أقسى من زمـان ٍ مرهـفً سيفـه
ألا يا بعد من شمّ الهوى .. عوذي مـن الوسـواس=ولدتـس أن يسـر الله عانـق العـز ّ ومشاريفـه
يقولون العرب : ثـوب الثنـى والعـز والنومـاس=خلـقـه الله ورا بــاب ٍ عطيـبـات ٍ مراهيـفـه
مادام انتس سقيتيني من حليـب مطوعيـن البـاس=ورى ما اركض مع السرحان واهورف مهاريفـه !؟
عشى نابه بمخلابه ويـوم أكـل ٍ .. ويـوم افـلاس=يجوووع الذيب وان حده زمانه .. ما كـلا جيفـه !!
يشوف العز ، والتقدير .. رجـال ٍ صليـب الـراس=جنيـه ٍ مـن ذهـب لـه حكـة ٍ تغلـي مصاريفـه
ويشوف الذل ، والحقران .. رجال ٍ بليـد احسـاس=رمـادة جمـرة ٍ مـن نـار ٍ اول ساسهـا ليـفـه
عجايب نـاس ٍ ، ودنيـا عجايبهـا بـدون اقيـاس=سحاب ٍ فالسماء يعسف علـى البيـداء عواصيفـه
من المرتاح ؟ والإنسان من يخلـق وهـو عسّـاس= ليا زانت مرابيعـه .. نهبهـا مـن يـده صيفـه !!
نموووت من التعب ، لكن في طرد السبـب لابـاس=ثقيل الحمـل اعـده مـع ثقيـل الهـم .. تخفيفـه
مادام البعد عـز ٍ للفتـى .. بعـده ستـر والبـاس=ولا قـرب ٍ هبـوب الـذل تلعـب فــي نفانيـفـه
صحيح ان الغريب اعروق قلبـه مـن هلـه يبّـاس=يسليـه القمـر .. واليـا سلـى عجـل ٍ مناكيفـه
شقي ٍ حـط لـه بيـن النجـوم الساريـه مجـلاس=نظر عينـه علـى ديـرة حشاشـة جوفـه وريفـه
يغيب الليل والنجوم السمـاء ,, ماغيّـب الهوجـاس=ويبين الصبح ,, لا علـم ٍ لقـاه ولا حصـل شيفـه
عذابه فالضحى مـن نايحـات الـورق والنسنـاس=لا غنّـت نـاااح ، والنسنـاس يصـلاه بهفاهيفـه
غريـب ٍ حـدّه لتركـت بـلاده وقتـه المنـحـاس=عصَى ، مير الزمان الشين مـا تعِصَـى صواديفـه
تبي الايام .. صملات ، ومناعير ٍ ، وسيف ، وطاس=(( حياة اعـزاز ولاّ مـوت ٍ تشـرف مواقيفـه ))

تبي الايام .. صملات ، ومناعير ٍ ، وسيف ، وطاس=(( حياة اعـزاز ولاّ مـوت ٍ تشـرف مواقيفـه ))

المشاركة الأصلية كتبت بواسطة الامبراطـــور (المشاركة 239809) نايف الخييلي الله لايهينك يالقرم على المشاركه الطيبه والله يصح لسان بن مدعث

(( حياة اعـزاز ولاّ مـوت ٍ تشـرف مواقيفـه )) يارووووووووووووووووووووووووحي يابن مدعث اشهد بالله انه بحر من الشعر اشهد بالله انه معجزة تقبل تحياتي فارس بن مسعود آل عمار

الله لايهينك اخوي نايف وصح السان ابن مدعث عزالله انه شاعر الله يوفقه اخوكم سالم الحراجين

المشاركة الأصلية كتبت بواسطة لين (المشاركة 240052) الأخ نايف الخييلي من أغلى من الأم يقرض به الشعر ومن أغلى من الضنى يذرف دمع أغلى الناس على فراقة لتس الله .. وانتي أغلى من مشى فوق التراب وداس دموعتس عندي أقسى من زمـان ٍ مرهـفً سيفـه الله يجعلنا من البارين بإمهاتنا والمؤدين ولو لجزء بسيط من حقوقهم علينا قصيدة رائعة ومعبرة صح لسان الشاعر خالد مدعث وسلمت يداً نقلتها لتشاركنا بها تقبل تحياتي وأحترامي

المشاركة الأصلية كتبت بواسطة مطلق الحصان آل عمار (المشاركة 240168) الاخ العزيز/ نايف الخييلي الله يعطيك العافيه على الاختيااااااار الرائع وصح لسااااااان ابن مدعث ولاهنت لاهنت تحيااااااااتي وتقديري

تبي الايام .. صملات ، ومناعير ٍ ، وسيف ، وطاس (( حياة اعـزاز ولاّ مـوت ٍ تشـرف مواقيفـه )) صح لسانك يالسمـــــي .... ولسان ابن مدعــــــث قصيده جزله كجزالة شاعرها وناقلها.....تسلم يمناك يانايــــــف على اتحافنا هذه الجزله وننتظر جديدك فلا تبطي علينا ... عودتنا على انتقائك للنادر لكـ كل الاحترام والتقدير.... اخوك / مطنــــــــــوخ

الام ومادراك ما الام هذي الكلمه العظيمه الحب الصاااادق والحضن الدافي تابى الكلماات ان تفيها حقها يارب اعنا على برهاااا ورضااااااها الف شكرررررنايف على نقلك للكلمات الاكثرمن رائعه تقبل مرورالشقرديه