ياناشد(ن)ً عنى ترى خاطـرى ضـاق = تسآوت غداريهـا بليـلاً بّـه نجـوم
اقاسـى الاهـات يـوم الـردىِ بـاق = وأعانـى الونـات يومـاً بأثـريـوم
حتى الصبر يا خوك ما عـاد ينطـاق = صبرى تعدى الحد واخشى من اللـوم
لا بغيت ادله واحسب (ن) خاطرى راق = تنتأبنـى هوأجيسًـاً كانهـا حـلـوم
هواجيسـى تـوارد عجـلاتٍ سبـاق = بين الضلـوع آقاسيهـا دائـم الـدوم
كأنـى اسيـراً يطلـب الله الاعتـاق = خلوه ربعـه يـوم قفـوا بـه القـوم
يابوسعـد مـاودى بكـشـف الأوراق= وأبوح بسراً بين الاضـلاع مضمـوم
لاشك حالـى يافتـى الجـود ينبـاق = واصبحت انا فى حيـرةٍ دائـم الـدوم
اللى عزيته شفت انـا منـه مـا لاق = واللى شريته با عنـى بـأول السـوم
حالـى بحالـةٍ تستحـق الآشـفـاق = وممّن اوده صرت انا اليـوم مضيـوم
وشربت انا من صافى السـم تريـاق= وأنا أدرى انى أشرب الكاس مسمـوم
دنيا بلاويهـا كمـا ضـرب الاعنـاق = تشييب اللـى تـوه اليـوم مفطـووم
دنيا يفوز بهـا مـن النـاس بـواق = وراعى الشهامه أصبح اليوم مذمـوم
اشوفهـا تشكـل اشكـال وارنــاق = واشوفها صارت غـرا بيـل وعلـوم
واشوف لى ناساً بلا خلـق واخـلاق= ما كنّها اجـواداً لهـا نهـج وسلـوم
ياطير ياللى بالجنـا حييـن صفّـاق = لــك وقـعـةٍ بالله لاتكسرالـحـوم
والليل بينجلى مـع شمـس الاشـراق= والنايم لابد انه يصحـى مـن النـوم
وهـذه ظروفـاً مـع الايّـام تنسـاق = وسود الليالى لابد يشـرق بهـا يـوم
وترجع ايّامـاً ماضّيـات لنـاعتّـاق = يوم ان الحر ما يتعشـى مـع البـوم
يـا الله يالمعـبـود قـسّّـام الارزاق = ياعالمـاً بالسـر يافـارض الصـوم
اجعـل منهاياوالـى العـرش منطّـاق = وانت الذى علمـه عـلا كـل معلـوم
وصلاة ربـى عـداد مـا لاح بـراق = على نبيـاً صفـوة الخلـق معصـوم

من عـاش بالحيـلات لابـد ينعـاق = ولا بدّله من الفّلـس واسـود اليـوم
وترى الخبيـث لسوالأعمـال ينسـاق= يسوقـه الشيطـان ويقـوم منجـوم
يا بو محمد لو غـدى المـال طقـاق= مادام راسك سالـمٍ وأنـت محشـوم
يفداك من خانك ويفـداك مـن بـاق = وعدو عينك من كـلا حـق مظلـوم
والله ما غبطه لو خذى الطاق بالطـاق= وإني ما غبطه لو مَلك خزنـة الـروم
شبره قصيرٍ وأنـت يالقـرم عمـلاق= وبالمرجلـه والله مايلحـقـك لــوم
حلوٍ جنابـك وأشهـدٍ عنـدك أخـلاق= حلمك وسيع ودايـم الهـرج مرسـوم
والله فلا اذكر مـرةٍ خاطـرك ضـاق= يضحك حجاجك ياولـد دايـم الـدّوم
ابديت رايك فـي صعاليـك الأسـواق= إللي على ريح الطمـع دايـم تحـوم
إن جا معك فلوس جو يمـك اسبـاق= وإن قّل مالك قالـوا فـلان يـا قـوم
فِئـة نفـاقٍ طبهـا البعـد وفـراق= والحـر ياضيـدان مايتبـع الـبـوم
وإلّلي يبيعك حِـط مـن دونـه ارواق= منتب على شـوف الرّدييـن ملـزوم
والكلب لاشفته يبـي عضـة السـاق= طِقه على راسه ترى الكلـب مسمـوم
وإسلك طريـق الحـق والـرب رزاق= والرزق عنـد الله وماجـاك مقسـوم
جاك الصحيح وزبدة الهـرج مـالاق= والكذب عيب اوراعي الكذب مذمـوم