الله على وقت مضى فات يا حسين=وعزّي لمن بيض العذارى كوّنـه
ياحسين وين اللّي بشوفـه يسليـن=اللي جعلتـه للضمايـر مضنّـه
عليه من بعد النيّأ تـذرف العيـن=والقلب ونّـأت الحشـا يوجعنّـه
سود الليالي تلحق البيـن بالبيـن=ومـا بيضنّـه بالمـوّده محنّـه
العام عـام الـود عـام المحبيـن=لو فيه نيران علـى القلـب جنّـه
واليوم اهل مضنون عيني بعيدين=وسود الليالي عن ديـاري حدنـه
الله لحـد مافيـه حـي يعزيـن=وعلى زمان فات جريـت ونـه
والحقتها تسعيـن ونـه وتسعيـن=من عقب ماهي بالحشـا مستكنـه
ونات من هو طاح بين المثاريـن=خيـلٍ ٍ تعدنـه وخيـل وطـنـه
فرسان ربعه عن مطيحه مقفيـن=وفرسان ضده شاهريـن الاسنـه
من فوق قـب كنهـن الشياهيـن=في حومـة الميـدان تشاوحنـه
بغا المسير وجو هل الخيل عجلين=والخيل اعاقـن نيتـه واعجلنـه
وطبوا عليه وسدو الديـن بالديـن=والخيل فوقـه كظّمـن بالاعنـه