إيه ياجرح الخطا والعنا صبر ٍ جميل=ضاعـت الدبرة وانا اللي على الشدة شجاع
ياحسافة وقـتي الغالي وليلي الطويل=وانتظاري واشتياقي وهـمّي والصداع
لا جزاك الله ياحظي القاسي البخيل=كيف تطرحني على غـفـلتي تسعين باع
والله يادمع ٍ تحدر على خدي هـميل=مايروح بغمض عـين ٍ ضياع ٍ في ضياع
ليتني من جور الايام ماخذ لي دليل=كان مادخلت انا والليالي في صراع
عـقـب ماكنتي لي الحلم والظل الظليل=والله انك صرتي الحين من سقــْــط المتاع
والله اني ما انقـض العهد لو حملي ثقـيل=ويعلم الله سرّ الاجواد عـندي مايذاع
ولد ناس ٍ صبيهم مايميل ولا يعيل=ماله بهرج القـفا لاسماع ولا استماع
الخطا ما اخطيت لافي كثير ولا قـليل=وانتي مايخفاك يابنت سلمي والطباع
انتي مثل اللي تركــّـا على شي هزيل=وماوعى الا هـو طريح ٍ تعلق وسط قاع
اشهد اني يوم لاطفـتك وطعتك هـبيل=ولا ويش اللي حداني على ظبي الرفاع
والله اني حاسب حساب قالوا لي وقـيل=لكن امر الله مضى وماعـنه أي امتناع
ماني بقـدّك وندّك ولاني لك قـبيل=انتي امرك لانويتي الأمر غصب ٍ يطاع
كنت ما احب المفارق ولا اطيق الرحيل=وما أداني ياطعون القـفا طاري الوداع
لين شفـت الغبن واديه في جوفي يسيل=والخطا في القـلب ينهش كما نهش السباع
برحل وباخذ معي جرحي وقـلبي الغليل=رحلة ٍ والله مابعدها أي اجتماع
والله انك يالخطا شايل ٍ سيف ٍ صقـيل=تجلب بخيلك ورجلك ونظراتك وساع
طول عمرك تجلبين الخطا وزن ٍ وكيل=يعني ظنك كل مايجلب ويعرض يباع ؟
كثر ماشفـت الخطا منك يالطرف الكحيل=صرت اظن ان بينك وهالخطا صهر ورضاع
كنني وياك مثل المباحث والعميل=واحد ٍ وضعه هجومي وواحد في الدفاع
آه ياقـلب ٍ من الحزن واللوعة عليل=بينه وبين الشقى والوهم دون الذراع
كن صدري فـيه خيل ٍ لها وقع وصهيل=تقـبل وتقـفى وكن الصدر أرض ٍ وساع
والله اني طايح ٍ في الوحل والليل ليل=لين فـك الله خفـوق ٍ نشب حتى النخاع
انتي انتي من عرفـتك ولافي الحيل حيل=طالبك تكفـين شيلي الستارة والقـناع
كل شي ٍ بان ياقـلب والله الوكيل=عـظـّم الله اجرك اليوم في سقــْـط المتاع

عقب ماكنتي لـي الحلـم والظـل الظليـل=والله انك صرتي الحين من سقْـط المتـاع
والله اني ما انقض العهد لو حملـي ثقيـل=ويعلم الله سـرّ الاجـواد عنـدي مايـذاع
ولـد نـاس ٍ صبيهـم مايميـل ولا يعيـل=ماله بهـرج القفـا لاسمـاع ولا استمـاع

طول عمرك تجلبيـن الخطـا وزن ٍ وكيـل=يعني ظنك كل مايجلـب ويعـرض يبـاع
كثر ماشفت الخطا منك يالطـرف الكحيـل=صرت اظن ان بينك وهالخطا صهر ورضاع

ولـد نـاس ٍ صبيهـم مايميـل ولا يعيـل=ماله بهـرج القفـا لاسمـاع ولا استمـاع

المشاركة الأصلية كتبت بواسطة فيصل بن جزاء (المشاركة 236306) قديم الشوق صح السانك على الرائعه وليست بغريبه على شاعر بحجم قديم الشوق ننتظر جديدك