نشّفت ريقي و أنت لي مثل النّهَر=أظميتني و أنا أعتبرْك السّلسبيل
أبشر عشانك بأتحمّل للسّهر=ما يعرف حقوق النّبيل إلاّ النّبيل
عمرٍ جديدٍ و إنكتب لي في شهَر=قبل أعرفك عايش مثل عابر سبيل
أنت الرّحيق اللي يصفّى من زهر=يا درّةٍ من قاع بحر الأرخبيل
يا مهرة ما تنقنى بأدنى مهّر=حنّي علي يا شوق حمّاي الدّبِيل
صوتك كما الهمّال في قاعٍ دهَر=مالك نديدٍ في غلاك و لا قبيل
القرْب منّك طبّْ و فراقك قهَر= حبٍّ بلا وصلٍ ترى ماله ذبيل
أخفيت حبّك سرّ و أعلنته جهَر=متى متى بسّ إنتواجه يالجِبيل
نهَرت قلبي يستفيق و لا أنتهّر=من كثر ما جرّبت من شرٍّ وبيل
الوقت لا تأمنه من طعْن الظَهَر=و من لا يقدّر عاقبة فعْله هبيل