|
قصـة الدوسـري والسـبيعي
إليكُم هذهِ القصّة ولها قصيدة .. وقد جرت على شخص من قبيلة الشوايق مِن دواسَر الكريمه :
المذكور كان نازل مع قبيلة سْـبيع الكريمه ، ووجَد منهم كل الإكرام والتقدير وهذه عادات القبائل ومناسبة القصيدة أنه في يوم من الأيام كانوا جيرانه السبعان عازمين على حفر بئر ماء عندهم ، ولمّا عرَف الدوسري - وكان ينوي أن يزور جماعته في ديارهم - .. عزم على أن يعمل لجيرانه السبعان وليمة قبل مايسافر .. فأخذ له (( حْـوار )) من إبله علشان يذبحه لجيرانه السبعان ويعزمهم عليه قبل أن يودعهم .. وعند المساء أخذت الناقة أم الحوار تحن لفقدان حْوارْها .. وعندما سمع الدوسري حنينها .. تهيض بهذه الأبيات وهو يخاطب الناقة بأن عليها الصبر مثل ما صبر جاره (( مثيب )) حيث أن جاره مثيب له قصة .. وهو أنه تزوج فتاة وأخذت عنده مدة .. ولاحظ أنها تنفر منه حيث أنها طامح لغيره .. وما كان من مثيب إلا أن طلقها .. وتزوجت بمن تريده .. وهذه من شيم العرب .. يقول الدوسري في قصيدته :
يا فاطري يااللـي تجـر الحنينـي =قامت تجر الصـوت تبغـي نماهـا خلـي ولدهـا طايـح ٍ للقطيـنـي =وبتجعلـه حفـارة المـاء غداهـا تصبر بصبر( مثيب ) مروي السنيني =والنفس تصبر مـرة مـن هواهـا وترددت قصيدة الدوسري على ألسنة الناس وسمعها جاره (( مثيب )) الذي ورد ذكره في القصيدة .. فأجابه (( مثيب )) بهذه الأبيات وهو يوضح للدوسري بأن اللي مايبيني أنا بعَد ما أبيه .. فقال (( مثيب )) جوابا على قصيدة الدوسري وعلى نفس القافية : يا
راكـب حمـرا تصـك القرينـي =ما ذيّرَت صيد الخـلا مـن رغاهـا تسرح صلاة الصبح من خشم( تيني ) =والقايلة مـن مـاء كثيـرٍ سقاهـا تجعـل جبـال( جريـدل ) باليمينـي =وتخلي( أم جنيب ) بأيسَـر خْطاهـا حـزّة صـلاة الصبـح والمذنينـي =واللـي بـدا فالبـرح وكّـد غياهـا تنصـا الشوايـق لابــه بينيـنـي =ربـعٍ تسـرع للنشـامـا قـراهـا قصيـري اللـي بالحكـا مقتفينـي =والناس من قبلـي تطامـح نساهـا خذيتهـا يـوم أنهـا اللـي تبينـي =وخلّيتهـا يـوم أن غيـري بغاهـا وســلامتكُـم منقول من القاصف |
لاهنت ياناجي الشكري على ذالقصه والقصيده الرائعتين
للتوضيح(الشوايق هم ال ثويمر والطوال من الرجبان) تحياتي لك-- |
السلام عليكم ورحمة الله وبركاته
بيض الله وجهك على المرور والتوضيح |
لاهنت اخوي ناجي على القصة المشهورة ولاهان اخوي نواف على التوضيح
تقبلوا تحياتي،، |
بيض الله وجهك علي القصه والابيات الرائعه ولاهنت يانواف علي التوضيح
|
الله يسلمك ويبارك فيك ولاهنت على ذكر القصة والأبيات عاطر التحايا هند |
مشكور يا ناجي ولا هنت على
السالفة والقصيدة الرائعه تحياتي لك |
|
يا سلامي ... لاهنت أخوي ناجي على ذا القصص... تقبل تحياتي واحترامي... النادره |
لاهنت اخوي ناجي على القصه والقصيدة وجعله يسلم ابو رجب على التوضيح لاتبطي بجديدك ،،، |
السلام عليكم ورحمة الله وبركاته احب ان اشكر جميع من مر على الموضوع وأتحفنا بأنطباعه حول محتوى الموضوع من الردود التي وجدتهامن الجميع وهم :******** 1- العماني 2-تركي الودعاني 3-هند 4-سالم الغريري 5- عماري السيح 6-النادره 7-البراق |
لاهنت ياناجي على القصه والقصيده الزينه
وبيض الله وجهك ياولد عمي واشكرك على مجهودك الرائع والواضح اخوك عبدالله الشكري |
لاهنت اخوي ناجي على القصة المشهورة ولاهان اخوي نواف على التوضيح تقبل الود والتقدير أخوك دغش البطي |
السلام عليكم ورحمة الله وبركاته لاهنتوا على المرور وبيض الله وجيهكم 1- ابومحمد 2- دغش البطي |
لاهنت يالشكري وفعلا قصه تستحق لاشاده
وحق الجيره مايتركه الا الردي بيض الله وجهك تحياتي ابن مشخص |
الساعة الآن 02:18 PM
 |
Powered by vBulletin® Copyright ©2000 - 2025, Jelsoft Enterprises Ltd.
---