|
ثلاث عيديات كل عام وانتم بخير
السلام عليكم ورحمة الله وبركاته
اخواني الاعضاء ابارك لكم بعيد الفطر المبارك وكل عام وانتم بخير وعساكم من عواده أهديكم ثلاث عيديات وقصائد كتبتها على مدار ثلاث سنوات تشابهت المناسبة وأختلفت الحالة والحال إليكم القصائد ولي الشرف و السعادة بقرائتها مع املي أن تحوز على رضاكم القصيده الاولى حينما تغرق في بحر الحب والشوق حينما تنتظر أن يأتي العيد بافراحه العامة والخاصة التي تخصك وحدك ولا يعلم عنها غيرك يكون للأنتظار طعم آخر ولترقب الهلال لون آخر ولأعلان دخوووووول الشهر معنى آخر كيف لا وعيدك بالاضافة إلا عيد المسلمين يقترن بعيد آخر هو ما تجسد في هذه القصيده
العيد ماهوب عيد الفطر وضحية = العيد عندي معايد من على بالي العيد ماهو شرى ثوبِ وطاقية = ولاهوبكشخة ورزة شمغ وعقالي العيد والله إلامن أتصل بيّه = ثم قال عيدك مبارك يا بعد حالي من عقبها ما أعرف وشهو حصل فيّه = مدري ألاحي خفوقي ولا جوالي خفوقي آحس فيه ألعاب نارية = ومن زود نبضة أحس إن فيه زلزالي وجوالي اللي قبل قد أهدته ليّه =الله يخلف عليّه صابه خبالي من حلو صوت الحبيّب ذاب فيديّة= ماعادبه فود في استقبال وإرسالي من نغمته قلت يا مرحب وياحيه = من يوم رنّت "هلا بالطيب الغالي " لأني مخصص لها نغمة فقط هيّه =وعند الجماعة وكني جالس لحالي غديت أهوجس وأقول أشعار عفويّه = وأبداع من جزل شعري بيوتِ جزالي من صوتها اللي جمع رقة وحنيّة = شوفوا وش اللي حصل لي منه عزالي وش لون أجل لأجتمع مع صوتها جيّه = عز الله اللي قضيت وجاني هبالي القصيده الثانية العيد ماهوب عيد الفطر وظحيه 000 العيد عندي معايد من على بالي العيد ماهو شرى ثوبِ وطاقيه 000 ولاهوب كشخه ورزة شمغ وعقالي العيد والله إلامن أتصل بيه 000 ثم قال عيدك مبارك يابعد حالي ابيات من قصيده كتبتها سابقاَ في موقف تكرر مراراَ ولكن حينما ينحرم الشخص من شيِ قد تعود عليه يحسب ايامه ولياليه على امل ان يسمعه مره اخرى يجعله بدايه لأعياده لا تتم إلا به فجأه ينحرم منه ويجيد من جرحه معرفه السبب إليكم هذه القصيدة المتواضعه التي اتمنى ان تحوز على رضاكم وإعجابكم أنا من كتبها ولكن ربما تكون لي وربما لغيري ممن عاش هذه القصه
أول تكلمني من العيد للعيد = واليوم راح العيد ماجا أتصالك القصيده الثالثة في كل عيد تقوللي عيدك اسعيد = والعيد هذا ماطرينا فبالك حتى ولو ترسل إذا مابه ارصيد = "كل عام وانت بخير وشلون حالك " مدري وش اللي صار ياشيخة الغيد = وش يمنعك ما تتصل ؟وش جرالك؟ أولا معودني على الوصل تعويد = ومايكتمل عيدي بليا وصالك واليوم كثرت الهجر والتصاديد = وقفيت عن خلِ بحبه وفالك وين الحلف ؟ وين العهد ؟ والمواعيد = ماقد حلفت وقلت : إني حلالك وش فيك خنت العهد من بعد توكيد ؟ = وبعت الخفوق اللي يحبك لحالك المشكلة إنك تزوجتي بعيد = لاهو ولد عمك ولا ولد خالك وأكبر بلا لاشفتكم إيدِ بإيد = عز الله اللي قالوا فلان هالك كنت أحسب أيامي لجل عيدِ اجديد = فيه استمع صوتك ونبرة دلالك ومن عقب ماجبتي بخفاقي العيد = ماعاد ابي عيدي ولا أبغى أتصالك كثيرون هم من يفرحون في هذا العيد فقط بملابسهم بمجاملاتهم للناس وظاهره بينما في باطنهم الأسى والحزن اجتمع الحرف والسراب ليسطرها هذه القصيده ولنسميها سراب الحرف هذه القصيده التي كتبتها مع الشاعر الكبير عاشق السراب حيث اجتمع حزن الحرف وعشر السراب فيها
العيد جـانا والعرب به يهلون=ألا أنا أبكي بخافي المعاليق وسلامتكم تضحك شفاه وترقص عيون وعيون=بسمة طفل غنت له الكف تصفيق ياللي لفيتوني هدفكم تهنون=لاتعايدوني بعيدكم يالمخاليق العيد هذا ماله أي طعم أو لون=وصويحبي ناسي العهد والمواثيق ليته يعايدني ولو بالتليفون=ويجلى بصوته عني الهم والضيق عيدي معك يأغلا البشر ياحلا الكون=شوفك مناى ولا ..بعد تحلية ريق لوتجتمع كل البني مايسدون=والله مأحد بناظري غيرك يليق بس أن هجرك خلّف جروح وطعون=وحملنّي حمول ثقيله كما طويق وشلون تهجرني وتنساني أشلون=وتصّدق اللي ينقل الهرج تصديق كذبتني وطاوعت ناس يعذلون=وسمعت بي هرج الكذب والتلافيق لكن لك الله قلب بالحب مجنون=يمشي معك تغريبة الحب تشريق عيدك مبارك يابعد كل مزيون=من قلب لك مع باقة الورد تطويق أنا حزين الحرف قبلك ومن دون=وعاشق سراب ولكن بدون تفريق اخوكم حزين الحرف عبد الرحمن سعد الدوسري |
رد: ثلاث عيديات كل عام وانتم بخير
تسلم وصح لسانك يخوي عبدالرحمن
|
رد: ثلاث عيديات كل عام وانتم بخير
صح الله لسانك اخوي حزين الحرف وكل عام وانت بخير
قصائد جزله كل وحده احلى من الاخرى ويحتار فيها متذوق الشعر الله لايهينك ودمت مبدعاَ |
رد: ثلاث عيديات كل عام وانتم بخير
الله يكفينا شر الحب ويفكك منه
وتسلم على القصيد |
رد: ثلاث عيديات كل عام وانتم بخير
أخوي نايف
يسعدني ويشرفني أن تكون اول من يرد علي وكل عام وانت بخير |
الساعة الآن 11:28 PM
 |
Powered by vBulletin® Copyright ©2000 - 2025, Jelsoft Enterprises Ltd.
---