|
معــشي الشجــر
:006:
( معشي الشجر ) وهو محمد بن حسين الشريف من أهالي الحريق (ومعروف بالكرم) وفي يوم من الايام هبت رياح عاتيه . وعج شديد وغبره وصار الواحد مايشوف اللى قدامه ويشوف محمد :أزوال تتحرك قدامه ويحسبها ضيفان مقبلين عليه وهي اشجار يحركها الهوا والعج فيقوم ويذبح له ذبيحتين من الغنم ويأمر مرته بطبخ الذبايح ويقوم يجيب القت ( البرسيم ) لركايبهم ويوم هداء العجاج والهبوب عرف ان الضيفان ماهم الا شجــر ! فقام وجمع جيرانه وعشاهم فأستغربوا سبب العشاء فعلمهم بالسالفه وصدقوه لمعرفتهم اياه بالكرم فقال واحدً منهم واسمه محمد بن حوشان هالأبيات
ألا يامحمد بن حسين عشيت الشجر والجار =تحسب أن الشجر ضيفان ياللي تكرم العاني ياحيثك دايماً منصا وهذي عادة الأخيار =ذبحت من الغنم ثنتين جل اكفول وسماني وأمرت اللي حصد شربين قت يارفيع الكار=تبيها للركاب اللي لفت برجال ضيفاني اليا جا الضيف لابن حسين يلقى مكرم الخطار=أقول اللي سمعت وشفت مالي مقصد ثاني على الزبره يشرف كل يوم يحتري زوار =ولو أن السنين اشدادقصده فعل الإحساني كما أن الضيف ضيف الله وله عند العرب مقدار =كريم النفس للضيفان والعاني وجيراني وسلامتـــكم |
رد: معــشي الشجــر
الله لايهينك يابوفهاد على هذه القصة والقصيده التي تدل على كرم ابناء اهل الجزيرة العربيه .
كما أن (معشي الشجر) لقب لسليمان صاحب بلدة الغاط وجد أسرة السدارى المعروفه . . تقبل تحياتي،، |
رد: معــشي الشجــر
العزيز والغالي نايف الخييلي
كل الشكر والتقدير علي أيراد هذه القصه والقصيده التي تبين كرم محمد بن حسين الشريف تقبل تقديري وأحترامي. |
رد: معــشي الشجــر
يروى منذ القدم أن معشي الشجر هومحمد بن أحمد السديري جد كلا من تركي وعبدالعزيز وخالد ومحمد وعبدالرحمن ومساعد وسليمان وبندر أبناء أحمد بن محمد السديري المعروفين .
والله أعلم . |
رد: معــشي الشجــر
الله لايهينك يابوفهاد على هذه القصة والقصيده التي تدل على كرم ابناء اهل الجزيرة العربيه
|
رد: معــشي الشجــر
اقتباس:
ومن قال مايهون يابو مبارك وشرفت الموضوع بإطلالـتك واللقب قد يطلق على اكثر من شخص لسالفه قد تجري عليه مثل ( مخاوي الذيب) فهذا اللقب أطلق على أكثر من شخص وكل واحدً منهم له سالفه تختلف عن الاخرى وحياك الله |
رد: معــشي الشجــر
اقتباس:
ابو نواف الدوسري العفو يالغالي والشكر لك على مرورك الكريم وتشريفك للموضوع |
رد: معــشي الشجــر
اقتباس:
اخوي lane اولاً حياك الله وكلامك ذا يُسند ماقاله أخينا هايف العماني لكن منهو بالتحديد هل هو سليمان السديري والا محمد السديري ( الاول ) مشكور على ردك وتوضيحك |
رد: معــشي الشجــر
اقتباس:
عبد الله ابن قويد ومن قال مايهون يالغالي نورت الموضوع بوجودك وردك الطيب حيــاك الله |
رد: معــشي الشجــر
الأخ نايف الخييلي
هذه روايات وكلاً يروي ماسمعه وهذا ماكنت أسمعه والله أعلم. |
رد: معــشي الشجــر
نايف الخييلي
بيض الله وجهك علي هالقصه والقصيدة خالص ودي |
رد: معــشي الشجــر
اقتباس:
ووجـــهك ابيض يابو مبارك مشكور على تشريفك للموضوع بمرورك الجميل |
رد: معــشي الشجــر
اقتباس:
على العموم يسعدني مرورك وونعـــم بالاثنين سليمان السديري و محمد السديري |
الساعة الآن 01:27 PM
 |
Powered by vBulletin® Copyright ©2000 - 2025, Jelsoft Enterprises Ltd.
---