نفوق نياقنا مرّت عصيبه=نفوق الكهرباء أكبر مصيبه
شربنا المر في وادي الدواسر =وحنا مصدر الشهد وحليبه
سقاك الله يا ذيك الليالي=ليالي الزايديه وشتبيبه
تبعنا العاصمه والبعد ينسي=مشاكل مابها طبا طبيبه
مابه صرف صحي ياوزاره=تأذينا من الريح وهبيبه
ولابه تحليّه والبحر حنا=غريبه يا عقيق الما غريبه
بحر من تحتنا نبع وضمينا=من الوايت شربنا من غبيبه
بلديه بدائيه وفوضا=نفايات وحكاياتٍ عجيبه
تكومها قريبه من بلدنا=وجانا الربو من شبة حطيبه
مرور يخور لاخالف نعرفه=بن عمه وبن خاله قريبه
بلانا منا وفينا بلانا=تفاخرنا تناحرنا حريبه
وكلٍ قال جدي كان جدي=مابه من قال انا هذا 00نجيبه
نطالب بالرياسه والزعامه=على كل اربعه شيخ ونديبه
ضعنّا ما تجمعنا شتايت=حقوق إنساننا ماحدٍ دريبه
ولا به أمن يردع كل ظالم=كثير حقوقنا راحت نهيبه
حبيب الشعب بو متعب ملكنا=مليك إنسان مؤمن نحتميبه
ويالله يامفرج كل شدّه=تحفظ المملكه من كل ريبه
وانا شاعر وما قلته مشاعر= ولائي وانتمائي ماتعيبه
حكومتنا رعاها الله رشيده=لاقاصي الكون مدتها رحيبه

ابو فراج

لاهنت وصح الله لسانك


يقول المثل


لقد ناديت لو اسمعت حياً ولاكن لاحياتا لمن تنادي