|
ولايســـتوي طيبً من الصبر مســلوب
بسم الله الرحمن الرحيم هذه السالفه جرت لعمران البجيدي ( عمران العدواني ) وهو من البجايده من عنزه ... وكان له ولد يقاله (ساير) وكان توه شاب واذا سرحت أبلهم كان يسرح معها جنب الين تاصل مع ابل القبيله ... وفي يوم من الايام جاء واحدً قوماني يبي عسى شئ يتهياله من البل عشان يحوفه ويوم قرب من الالل وهو ينطحه ساير ويجي بينهم رمي وتصيب طلقه في ساير ويطيح مقتول ... ويقوم هالحايف يبي يزبن للبيوت يشوفها مد النظر والرجاجيل يلحقونه وهو مايقدر ينحاش لانه وسط ديار عنزه ويبي يزبن زبنه ويوم قرب من البيوت وهو اللى ينصى اكبر بيت بينهم ويجي راكض والرجاجيل من وراه ويوم قرب وهو يحذف عمره حذف على البيت ويقول : دخيل دخيل يا رجل قال عمران دخلت . ( الرجال زبن بيت ابو المقتول ساير ) والرجاجيل من وراه فقالوا: ياعمران ذابحن ولدك ساير . وقتها أنفجع عمران فهذه مصيبه لانه زبّن الرجال يوم جاه زابن والثانيه انه قتل ابنه فقعد شوي وهو منّزل راسه بالخد ويتماسك عمره ثم قال: الرجال دخل وساير مثله مثل ساير الناس روحوا وخلوه . ويقعد شوي الا هذه ام ساير جات تمشى مفجوعه وتقرب حتى وصلت للدخيل ويقوم عمران ويجي وياقف بينها وبين الدخيل خايف انها مغبيهً لها جنبيه والا شئ وتذبح الدخيل فتصير مصيبه وتسود وجهه وقال : وش عندتس يامره وهي ساكته مفجوعه وكررها عليها ثلاث مرات فقالت هألابيات :
الحمد للباري صدوق المخايل = اللى بلاني بالليالي بلاء ايوب مايستوي لك يارفيع الحمايل = ذبحت دخيل البيت عيبً وعذروب أدخل دخيل البيت لو كان عايل = عفواً عن المحروج حقً وماجوب تكسب بها ناموس بين القبايل = وماراح يخلف والذي صار مكتوب والطيب حبله بين الاجواد طايل = ولايستوي طيبً من الصبر مسلوب مار خله دخيل ياذعار السلايل = لو كان لبني مهجه القلب مطلوب الله أكبر فهنا صارت ام ساير موقفه اقوى من موقف عمران ( ابو ساير ) والابيات اللى قالتها تدل على حكمه هذه المراءه وموقفها اللى قد لايقفه بعض الرجال. وسلامتـــكم من سوالف الراويه فواز ابن غســلان |
رد: ولايســـتوي طيبً من الصبر مســلوب
نايف الخييلي الله يعطيك العافيه وبيض الله وجهك قصة وقصيدة مؤثره ورائعه........ الزين |
رد: ولايســـتوي طيبً من الصبر مســلوب
الأخ نايف الخييلي
لاهنت ولا هان الراويه فواز ابن غســلان علي هذه القصه والقصيده تقبل تقديري وأحترامي |
رد: ولايســـتوي طيبً من الصبر مســلوب
نايف الخييلي
تسلم أخي العزيز طرحت قصة وقصيدة ممتعه وشيقه لاهنت دمت بخير وصحة وعافية |
رد: ولايســـتوي طيبً من الصبر مســلوب
اقتباس:
الزين مرحبــــا ومسهلا بمرورك المشرف ووجهــك ابيض يالغالي نورت الموضوع بتصفــحك |
رد: ولايســـتوي طيبً من الصبر مســلوب
اقتباس:
|
رد: ولايســـتوي طيبً من الصبر مســلوب
أبو فهاد ،، بيض الله وجهك على القصة والقصيدة المؤثره والرائعه ... لا تبطي علينا، تقبل مروري مع خالص التحية والاحترام ... |
رد: ولايســـتوي طيبً من الصبر مســلوب
اقتباس:
ابـــو مبـــارك ومن قال مايهــون يشرفني مرورك الجميـــل على الموضوع يالغالي فيــامرحــباً |
رد: ولايســـتوي طيبً من الصبر مســلوب
الحمد للبـاري صـدوق المخايـل=اللى بلاني بالليالـي بـلاء ايـوب مايستوي لـك يارفيـع الحمايـل=ذبحت دخيل البيت عيبً وعذروب أدخل دخيل البيت لو كـان عايـل=عفواً عن المحروج حقً وماجـوب تكسب بها ناموس بيـن القبايـل=وماراح يخلف والذي صار مكتوب والطيب حبله بين الاجـواد طايـل=ولايستوي طيبً من الصبر مسلوب خله دخيل(ن) ياذعـار السلايـل=لو كان لبني مهجه القلب مطلـوب
|
رد: ولايســـتوي طيبً من الصبر مســلوب
نايف الخييلي أخترت فأبدعت بالاختيار ..قصه جدا رائعه وجامعه لعدة امور من الأيمان بقضاء الله وقدره و العروبه و الرجوله و النخوه و الجلاد و الصبر على كسب العلم الطيب..
تكسب بها ناموس بيـن القبايـل = وماراح يخلف والذي صار مكتوب والطيب حبله بين الاجـواد طايـل = ولايستوي طيبً من الصبر مسلوب |
رد: ولايســـتوي طيبً من الصبر مســلوب
اقتباس:
ابـــو محمد ووجـــهكـ أبيض يالغالي بمــرورك اللى أسعدني ونّور الموضوع وبكــلماتكـ الطيبه لــكـ مني أزكى تحيـــه |
رد: ولايســـتوي طيبً من الصبر مســلوب
ماشاء الله عليها
الله يرحمها نادر الحين تلقى مثلها مشكور اخوى |
رد: ولايســـتوي طيبً من الصبر مســلوب
اقتباس:
العـــفو ياأخت شوق وحياتـــس الله |
رد: ولايســـتوي طيبً من الصبر مســلوب
أبن عمي
الله لايهينك علي جهدك المتواصل جهد تشكر عليه تقبل الشكر مبارك الخييلي |
رد: ولايســـتوي طيبً من الصبر مســلوب
اقتباس:
ابن حفيــظ سرني ردك وكلماتكـ الطيبه بحق الموضوع فالله لايهينكـ على تشريفكـ للموضوع وحيــاك الله |
الساعة الآن 11:14 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
