|
ياقصار الثياب ياطوال اللحى
ياقصار الثياب ياطوال اللحى ... قصيدة خالد عبدالرحمن في رجال الهيئة
في سابقة ستغيض مهاجمي هيئات الامر بالمعروف والنهي عن المنكر خالد عبدالرحمن ينشد في (الهيئة) ناصر القحطاني يكسر القاعدة ويطرح ديواناً مثيراً للجدل دون موسيقى تدخلت المؤثرات الطبيعية كخلفيات للقصائد والأناشيد وكذا صوت إمام الحرم المكي الشيخ عبدالرحمن السديس وهو يدعو في ختم القرآن، في قصيدة (رسالة إلى رجال هيئة الأمر بالمعروف والنهي عن المنكر). مقطع بيتين من قصيدة الهيئة بصوت خالد عبدالرحمن وهذا نص القصيدة كاملا .. رسالة إلى رجال الأمر بالمعروف والنهي عن المنكر اهل الأذكار تدعي والظلام انتحى والدعاوي تهز مشيدات القصور والخطاوي تعثر بين خوف وسحا والفتن تشتعل.. وانتم سواة البدور يا قصار الثياب ويا طوال اللحى لا تفيض العيون ولا تضيق الصدور دارت الأرض بالعالم ودار الرحا وانتم الشامخين وما تبقى يدور كل ما المح شموس وجيهكم في الضحى احمد اللي بعيني زود النور نور في الجباه السمار اللي ظهر ما انمحى ابشروا به وهو يشفع بيوم النشور السنتكم عطاها الله حديث فصحا وافئدتكم من الإيمان تنضح سرور قصر المسك يا حمالته واستحى يوم جاء يعطي اعطيتموه طيب وطهور يا تلاميذ عقد الصفوه اللي نحى يا حبايب صلاة الفجر واهل السحور يا رجال على يديكم صحى من صحى سعد روح تغذت من بصيرة غيور انتم لمعشر السالين خير نصحا وانتم لنصرة الدين اصدق اللي يثور ان دخل صفكم وجه كذب والتحى رده اللي يرد الكيد وسط النحور وان هرج زيد لعبيد بسوالف جحا لا لحقكم شكوك ولا لحقنا نفور واللي انزل تبارك والقلم والضحى انكم هدينا عن محدثات الأمور واصلوا يا بركتنا دون خوف وسحا ردوا نفوسنا اللوامه من القصور |
رد: ياقصار الثياب ياطوال اللحى
شكرا يابو مرجس علي هالموضوع الطيب ويستاهلون رجال الهيئه كل خير دارت الأرض بالعالم ودار الرحا وانتم الشامخين وما تبقى يدور كل ما المح شموس وجيهكم في الضحى احمد اللي بعيني زود النور نور الزيــــــــــــــن |
رد: ياقصار الثياب ياطوال اللحى
الأخ الغالي أبو مرجس ::::: أقسم بالله العظيم أنك أثرت في مشاعري ما الله به أعلم..... ولكن،،،،،، أرجوك دلني على الديوان الصوتي بصوت مخاوي الليل؟؟؟؟؟؟؟؟؟؟؟ ترى لي قصة طويلة في هالمدى. أتمنى من الله عز وجل أن يكون في يوم من الأيام مخاوي الليل معنا في المنتدى بصفة قارئ القرآن خالد عبد الرحمن. الموضوع رائع، بارك الله فيك وحياك الله وسلمت يمناك وبيض الله وجهك ولا هنت يا الغالي. ملاحظة::: كي لا يفهم كلامي بشكل خاطئ!!!!! تمنيت لابن الدواسر خالد عبد الرحمن أن يصلح الله حاله من حال الغناء إلى حال الدعوة والأمر بالمعروف والنهي عن المنكر، ولم أقصد أي إهانة له. |
رد: ياقصار الثياب ياطوال اللحى
ابن عمي ابومرجس صح لسانك ولسان راعيها ولاهنت على نقل القصيدة الرائعة اقتباس:
اخوي جمال اسعد الله حالك و أرد عليك طال عمرك عندما قلت خالد عبدالرحمن هو ابن الدواسر فهذا الكلام خطأ ومردودٍ عليه خالد عبدالرحمن ونعم لكنه مهوب دوسري وليس له بالدواسر اي صله فهو سوداني الاصل واسمه خالد عبدالرحمن ادم وابوه وعمّانه يشتغلون في احدى المزارع في زميقة بالدلم من وقت قريب جدا واسم المزرعة ابن ادم والله ما اقول ذا الكلام نقص في قدرهم لا والله والف لا لكن الحق يقال طال عمرك والله يهديه ويصلحه ويبتعد عن الغنا اللهم امين ,, واكرر يعلم الله ما قلت ذا الكلام اهانة له ولكن لكي لاينتشر الغلط تحياتي للجميع ,, |
رد: ياقصار الثياب ياطوال اللحى
حياكم الله جميعاُ ولا هنتو على المرور
|
رد: ياقصار الثياب ياطوال اللحى
ابن عمي ابومرجس صح لسانك ولسان راعيها
ولاهنت على نقل القصيدة الرائعة |
رد: ياقصار الثياب ياطوال اللحى
تسلم يمناك على نقل القصيدة لاهنت
|
الساعة الآن 07:51 AM
 |
Powered by vBulletin® Copyright ©2000 - 2025, Jelsoft Enterprises Ltd.
---