لا من طرى لك تتّصل لا تردّد=شفني على حطّة يدك يا ظنيني
عايش بعد فرقاك عيشة مهدّد=من حرّ ما فيني أجاذب ونيني
أرفق عليّ يا صاحبي لا تشدّد=يكفيني اللي صار لي من سنيني
ما عاد لي فرحه ما غير أتصدّد=ساكت و جرحي ماكنٍ في كنيني
الهمّ لا من قلت راح يتجدّد=يخصّني بدّ البشر و يعَنيني
وشني بأسوّي كان هجرك تمدّد=وش غير وصلك في الحياة يهنيني
يا حظّي اللي مرّةٍ ما تسدّد=الحال ينقص و يتزايد حنيني
إلى متى و أنا عليّ أتودّد=أسهر و أراقب ساعة المذّنيني
يا ويح حالي كان حلمي تبدّد=حسبي على اللي حال بين الثّنيني
ما عاد به شيّ بحياتي محدّد=حيل الله أقوى غايث المؤمنيني