::: مـنتدى قبيلـة الـدواسـر الـرسمي ::: - عن أذنك يا حبيبي يوم أغنـيّ وأتغـزّل فيـك..>عسى دقّات قلبـي كـل مـا غنيّـت توحيهـا !!

الســــــــلالالام عليييييـكم ورحـمة الله وبـركاتـه

أول مــصافحه لي في هـذاا المنتــدى الـرائع

.

.

.

بعد قلبي نضج .. وأصبح دليلي بين ذيك وذيك
دهاليز النواعم لـو تشوقـه مـا دخـل فيهـا
يعرف أنواعهن وأطباعهن .. سم ّ وهلا لبيّـك
ويـا كثـر العيـون اللـي يكحّلهـا ويعميهـا
قضا من لعبة ٍ بالغـش والتخطيـط والتكتيـك
تخمّ قلوب وتروّح بهـا .. وقلـوب تخطيهـا
تعلّم والتجـارب خلّتـه يبعـد عـن التشكيـك
كسب له خبرة ٍ تآخـذ مـن الدنيـا وتعطيهـا
علاقات المصالح لو تحطّ الشيك فوق الشيـك
تجيهـا ساعـة ٍ لا بـدّ مـا تهـدم مبانيـهـا
ليا هبّ الهوى قام النحل بين العسـل والكيـك
يشيل مـن الحـلاوه والمـراره مـا يحليّهـا
عساك بخير يا القلب المخضـرم والله يهنيّـك
قوانين المحبّـه مـا تغـرّك وأنـت راعيهـا
ألا يا حبّ يا اللي بان نورك .. ما سرا ساريك
رعاك الله مـن أوّل سيـرة العاشـق لتاليهـا
أعيشك وأتعايش معك وأحيا فيك ليـن أحييـك
حفظتك عن ملاقيـف العبـاد وعـن بلاويهـا
عن أذنك يا حبيبي يوم أغنـيّ وأتغـزّل فيـك
عسى دقّات قلبـي كـل مـا غنيّـت توحيهـا
أنا عندي مشاعر شاعر وترضيني وترضيـك
لكـنّ المشكلـه وشلـون ألحنّهـا وأغنيّهـا ؟
ثلاث سنين مدري من كثر ما أغليك وين أغديك
ليـا دسيّتـك بعينـي سـرا قلبـي يناجيـهـا
أبيع المترفات اللي ترفهـن ينشـرا وأشريـك
بنات الناس فدوة حضرتك عـن بكـرة أبيهـا
عليك القلب مقفول ولا يفتح غير مع طاريـك
ليا جتني طيوفـك قامـت ضلوعـي تحييهـا
أحبك .. والمحبّه هكذا وأهـل المحبّـه هيـك
تعيش ولو يجور الوقت مـا يخلـف هقاويهـا

,
,
د.سدّاح

تـــقبلــوا تـــحياااتي :)