![]() |
فزعة الحراجين وال عمار
هذي قصه من قصص فزعات الدواسر لعيال عمهم ويبين فيهم النخوه والحميا على بن عمهم وانهم يكفون عنهم حتا اذا هم مهب موجودين والسالفه ان ال قويد المساعره قيضوا في الوادي بعد الربيع وتركو حلالهم على موارد الماء وانشغلو عنها فتره ؛ واثناء انشغالهم حولوا قوم على ابل ال قويد واستغلوا الفرصه القوم ان ما عند الحلال احد وطمعوا فيها وخذوها واقرب مالهم يعني القوم ال عمار والحراجين وعارضو القوم اللي اكثر منهم بالعدد وفكوا ابل اعيال عمهم وردوها من القوم بعد ما صارت الذبحه واستبسلوا فيها ال عمار والحراجين وفعلهم يطلق الوجه وذا شرع الدواسر الحميا والنخوه فانشد شاعر ال عمار هذي الابيات
يا راكب اللي كنه ضبي ٍ فريدي = تلفي على ابن قويد حامي المدنا قطعانكم وردت لكم من بعيدي = وشافت مظاميها وقامت تحنا سليتوا عنها وسط خب الجريدي = واللي غزاها عين اللي يتمنا والقائد اللي جاناها من بعيدي = حول من العارض وامن ورجهنا وهدى الرحيل وضاف يملا المسيدي = وفي اقامته واضافته ما تهنا هو ما درى انه اناله مسكنا الرصيدي = ونكن العزاوي لين منه تمكنا وملبوسنا من كل صنع جديدي = وحنا هل البيعات من يوم كنا ورصاصنا بين الثنادي يصيدي = وكم شيخ قوم راح واسبابه إنا وحنا تعهدنا وربي عهيدي = نعدي الفنجال من غاب منا ولا خير في اللي حذفته ما تصيدي= واللي ما نسمع عزوته يوم كنا وتباشرت بصوت الطلب يوم نيدي = وتلافته سحج الخلايا تحنا |
كفوووووووووووووووووو بالعمار والحراجين والمساعره وبيض الله وجهك وهذا مب غريب علي العمار والحراجين
الشكري اعلومك غانمه دايما سجل اعجابي فيك يالغالي |
اقتباس:
ووجهك ابيض يا الودعاني ونعم والله بك وبعيال عمنا جميع وشهادتك فخر لي يا الودعاني الله لايهينك وتسلم |
كـــــفوو والله صح لسانك يالشكري ولاهنت يالقرم على علومك الطيبه والغانمه ـــــــــ تحياتي |
اقتباس:
البراق الف شكر على المرور وفعلا انت براق وجعلك تسلم |
لاهنت اخوي الشكري على السالفه
ونعم والله بصبيان العمار والحراجين ولابه قصور بالدواسر كلهم تقبل تحياتي،، |
كفووووو
ونعم والله با لاد زايد وبالدواسر كلهم اخوك في الله محمد الغريري |
لا هنت أخوي على النقل الرائع لتاريخ أروع ... وماضي مشرف...
شيهانه |
العماني محمد الغريري شيهانه الف شكر على مروروكم وردكم الطيب وجعلكم والله سالمين |
يازين سوالفك يالشكري
تصدق عاد اني حبيتك في الله بالله لا هنت يالقرم وما قاموا فيه الحراجين وال عمار واجب عليهم ناحية ابن عمهم ولا هيب غريبة عليهم ونعم بهم كلهم |
اقتباس:
التغلبي حبك الله اللي احببتني فيه والقلوب شواهد وجعل ربي يسلمك ولا يهينك على ردك الطيب وانت والله كسبت الطيب |
كم حريب زل في حربهم وامسى كظيم
واحتسى كاس المرارة وعيفه المكان. بيض الله وجهك يالشكري يالقرم على هذي العلوم. اخوك/فهدالغريري,,,,,,,,,,,,[/size] |
فهد الغريري ووجهك ابيض وشاكرلك مرورك وردك الطيب وجعلك تسلم |
لاهنت يالشكري وماقصرت طال عمرك
ولاهي غريبة على ال عمار والحراجين ولاهي غريبه على الدواسر كلهم الحميه في عروقهم ولاهنت يالقرم وسلمت يمناك وانا بأنتظار مواضيعك الزينه |
كفو بال عمار والحراجين
والله لايهينك يالشكري على علومك الغانمة يالقرم |
الساعة الآن 02:13 PM
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Powered by vBulletin® Copyright ©2000 - 2025, Jelsoft Enterprises Ltd.
---