::: مـنتدى قبيلـة الـدواسـر الـرسمي ::: - قلـــــــــ أدب ــــــــــة.....!

- :: قسم المـواضيع الـعامــة :: (http://alduwaser.org/vb/forumdisplay.php?f=2)

- - قلـــــــــ أدب ــــــــــة.....! (http://alduwaser.org/vb/showthread.php?t=16569)

قلـــــــــ أدب ــــــــــة.....!

قــلــــــــ أدب ـــــــــــــة
إنك تروح للمسجد بقميص نوم بينما تروح لربعك بثوب مكوي
وطيب يشق الخشم
قــلــــــــ أدب ـــــــــــــة
إنك تتصل على
ربعك كل يوم وعادي تقعد معه نصف ساعة أو أكثر بينما عمك أوخالك أو عمتك
أو خالتك لهم شهور ماسمعوا صوتك !!! من زينك أنت وصوتك
قــلــــــــ أدب ـــــــــــــة
تدور بسيارتك بالساعات وماتخلي شارع ما ( شبرته )
وحفظته وكل هالدوران غالبا لأسباب ( قليلة أدب ) (بينما أهلك لويبون مشوار
ساعة وحدة قلت : ( الليموزينات واجد )
قــلــــــــ أدب ـــــــــــــة
إن الواحد يضبط ساعته على الدوام بينما صلاة
الفجر مايدري متى وقت أذانها !!!
قــلــــــــ أدب ـــــــــــــة
إن الواحد يشتري الأغاني بالشيء الفلاني ويسمعها بينما
مستحيل يشتري شريط إسلامي ولو بمبلغ زهيد ولو يهديه واحد شريط إسلامي
سجل عليه بابا فين
قــلــــــــ أدب ـــــــــــــة
اذا جيتي تطلعين لعرس او لصديقاتك تتزينين وتتعطرين واذا
جلست عند زوجك تقعدين بوساختك وريحتك بصل
قــلــــــــ أدب ـــــــــــــة
ان الوحده تقعد على التلفون ساعه وصلاتها دقيقه
قــلــــــــ أدب ـــــــــــــة
اذاطلعت البنت من البيت وهي كاشخه وريحة عطرها واصله
اخر الشارع وتقول للشباب لا تلحقوني
قــلــــــــ أدب ـــــــــــــة
انك تحصل واحد يحترم
الناس كلها الا امه او ابوه تلقاه يكلمهم بطرف خشمه :
قــلــــــــ أدب ـــــــــــــة
انك تشتري كل اللي نفسك فيه ويوم يجي طاري الحج
او العمره قلت انا ما عندي فلوس وانا غير مقتد ر
قــلــــــــ أدب ـــــــــــــة
انك تكون جالس في وتسمع الاذان ومن بعدها الاقامه وانت
مكانك وكأنك مثبت بمليون مسمار على كرسييك
قــلــــــــ أدب ـــــــــــــة
لماتشوف واحد في الشارع وتستصغره ولا تسلم عليه
قــلـــــــــ أدب ـــــــــــــة
اذا شفت صديقك في ورطه ولاتساعده وانت قادر على مساعدتة
قــلـــــــ أدب ــــــــــــة
اذا قدم لك صديقك خدمه وأنكرت فضله عليك
قــلــــــــ أدب ــــــــــــة
انك تحط سيارتك عند باب جارك ..وعندك مكان ابعد شوي..
قــلـــــــ أدب ــــــــــــة
لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...
قــلــــــــ أدب ــــــــــــة
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية اهمالك
قــلــــــــ أدب ــــــــــــة
لما ترفعي صوتك بالسيارة ومع السواق وتضحكين
وتقهقهين .وكأنه محرم لكِ وتكشفين للدكتور عاااادي...وكنه من بقية
أهلك وبدون محرم
قــلـــــــ أدب ــــــــــــة
لما تعزمين صديقاتك وتخلين الوالده تسوي قهوتكم
وتجيبها لكم..وتسوي عشاكم ..وانتي مشغوله بالسواليف :
قــلـــــــ أدب ـــــــــــــة
لما ترفضين شريط اسلامي او كتيب من احد
الدعاة..بينما لو أحد اعطاك شريط للمطرب الفلاني كان ماتدرين شلون تشكرينه
قــلــــــــ أدب ـــــــــــــة
عندما نسهرساعه على النت ولانصلي لو ركعة لله
قــلــــــــ أدب ـــــــــــــة
انك متعلم وحاصل على شهادة عليا..وماتفقه اقل شي في دينك
قــلــــــــ أدب ـــــــــــــة
أننا مانشوف القرآن إلا من الجمعه للجمعة عشان سورة الكهف .
هذا إن كان من الجمعة للجمعة
قــلــــــــ أدب ـــــــــــــة
إن الواحد يشوف ( قلة الأدب ) ولايقول عنها ( قلة أدب )