هات القلم يا نشمي اكتب تعابير=يوم الهجوس اتزاحمت بالشطاره
اللي سبايبها معزّه وتقدير=ماقلت من بعد الكتابه خساره
قالت صباح الخير ياراعي الخير=في حكيها مجهود وإلاّ جساره
قلت ارحبي ياسيد كل الغنادير=من قلب مايعشق كلام العثاره
واتربّعي في صدر ذاق التعازير=أمّا يمين القلب وإلاّ يساره
يا ام العيون اللي هدبها طوابير=لاسلهمت كن الحياة استداره
وعود ٍ تمايل به هبوب العواصير=انا اشهد انها تستحق الإثاره
من خفّْت المشيه شبيه النوادير=الله خلقها للجمال افتخاره
لا قيل ساره قمت اخفف عن السير=لأن الجمال يهيم بعيون ساره
وان قيل وش لك بالبلش والتصاوير=مادام ربعك معتلين الصداره
قلت ادري اني من رجال ٍ مشاهير=اللي غلاهم داخلي له وقاره
لكن هذي من حروف وتعابير=لأن الجمال يهيم بعيون ساره

المشاركة الأصلية كتبت بواسطة أبونواف الدوسري (المشاركة 179253) صح لسانك أخي صالح الجعيدي علي هذه القصيده... تقبل تقدير وأحترام أبو نواف الدوسري

المشاركة الأصلية كتبت بواسطة راشد المسعري (المشاركة 179275) ارحب ياناصر وحيه وحي ما جاب ، والله يعينك أجل تختبص لاسمعت الطاري ، مشكور على القصيدة الجميلة والرائعة والله يعينك على ذي وامثالها ولك الود والتقدير ،،،،

المشاركة الأصلية كتبت بواسطة علي بن درهم الأشول (المشاركة 179343) صح لسانك اخوي ناصر ولاهنت قصيده رائعه تحياتي

المشاركة الأصلية كتبت بواسطة هايف العماني (المشاركة 180184) اخونا الغالي صالح الجعيدي صح الله لسانك يابومحمد وأبيات رااااائعه نرجوا انك ماتبخل علينا دائما بجديدك وتغزلك بعيون ساره يذكرنا بالقائل ان العيون التي في طرفها حور ** قتلننا ثم لم يحينا قتلانا تقبل تحياتي،،