قال من جده على الــعليا تعلا =حـلية الــمعـنى يلــبســها حـــروفـه
اطبخ الفكره وازل اـلبيت زلا=واطلق الهاجس وتطمح لي هنوفه
تنفح بشعر(ن) يتل القلب تلا=يا مهـاة الـبر والا يـــا خــــــشوفه
للملا تشدي بصوت ما يملا= توصف البارق وتبدع في وصوفه
الدواسرمجدهم بان وتـجلا=والردي يصفق على البيدا كفوفه
لابتي للي جلا زبن(ن) وظلا=محتمين الجار ما شر(ن) يحوفه
ضيفنا فينا عن دياره تسلا=ما يفـكر فالـزمـان وفي صـروفه
كم حريب من ورانا مات غلا=يترك سلاحه ولـو عـينه تشـوفه
ما نهاب الموت لا كلا وكلا=لا ولا نــبدي مـشاريه وحـسوفه
لاحتمى الموقف وحد السيف سلا=نفصل الراس المركب من كتوفه
نارد الهيجا نعل الرمح علا=بالطعون نزعزع الجيش وصفوفه
جدول التاريخ من مانا تملا=والوسـام مـعلق في كـل طـــوفــه
يا قصيدي والزمن لو كان ولا=والله ان نفسي على ايامه شغوفه

الدواسرمجدهم بان وتـجلا*****والردي يصفق على البيدا كفوفه صح السانك يالشاعر ياخوي شعر راسي تركز من قو معانيها الله يبيض وجهك ويرحم شيبانك

أخي واثق خطي صح لسانك علي هذه القصيه الرائعه. تقبل تقدير وأحترام أخوك أبو نواف الدوسري

فهد بن هادي الغريري كفو والله الشاعر الكبير: " واثق خطى " صح الله السانك وعتلا شانك على هذي الراااااائعه لاجديد إلأ الأبداع ياواثق سوا هنا او هناك في المحاوره والجزله والجزل مايجي منه الا الجزل اختيار موفق يالمنعور وجعل من ارثك في الجنه ونتظر جديدك المميز يالغالي.. تقبل ارق التحايا في مقامك العالي

فرحان فهد ال فرحان بيض الله وجهك قصيده رائعه رائعه بقوه معانيها جزله ولذيذه في كلماتها وخفيفه في لحنها حربيه هالقصيده الله يعطيك العافيه

بيض الله وجهك وصح الله لسانك مدد على هذه القصيدة الجزلة

محبك ابو زيد الغييثي