::: مـنتدى قبيلـة الـدواسـر الـرسمي ::: - كنوز البداوه لشلعان الودعاني رحمه الله


	كنوز البداوه للشاعر / شلعان بن فهيد الودعاني الدوسري بدعـت المثايـل والمثايـل لهـا بيبـان=الـى فتحـت بيبانهـا حـاك مـا فيهـا على القصـد والمقصـود بعـدل القيفـان=عسـى راعـي البـل عنـد ذوده يغنيهـا يغنـي بهـا فـي خايـع ٍ علـه الـودان=بذيك النفود اللـي عسـى الغيـث يسقيهـا تهشم ربابه مـن طريـف ٍ الـى نجـران=مداهيل عوج السيـق ربـي رضـا فيهـا تشوف الخزاما والشقـاري مـع المكنـان=تخالـف زهرهـا ساكنـات ٍ ذواريـهـا تكبر قياع الرمث مـن زاهـر الحـوذان=كساها ولـي العـرش واحسـن كساويهـا مداهيـل حلـوات اللبـن خلقـة الرحمـن=مجاهيـم سـود ٍ خالـق الكـون مسويهـا مجاهيم جاذبهـا الفحـل والوجيـه زيـان=وسـاع ٍ مرافقهـا طـوال ٍ خطاويـهـا جليلات عظم السـاق مرفوعـة الحجبـان=طـوال الرقـاب مشرهبـات ٍ اذانيـهـا عراض الخدود اللي تماري بهـا البـدوان=كبـار الفقـار موسعـة صـدر راعيهـا مجاهيـم رمليـات لخشومـهـا نيـشـان=ترافـض بلادمهـا حــداد ٍ نواصيـهـا هوى القلب خطوى نايفه والضلوع متـان=تجي باالحـلا والزيـن وتـرد بـه فيهـا كبيرة مـزر الـورك فجحامـن السيقـان=تخنطـل قوايمهـا كـبـار ٍ مواطيـهـا تمايـح بذيـل ٍ مثـل دراهـة الـغّـران=نهـار الطـرب هـذا لـهـذا يوديـهـا لهـا غـارب ٍ متقـدم ٍ شامـخ ٍ ملـيـان=يدافـر حبـاك العيـز والعيـز حاليـهـا وساع ٍ منادغهـا مـن الـزور للكيعـان=بها كـل شـي ٍ زيـن والملـح غاشيهـا طيوح ٍ تحـذف اشنافهـا واسعـة بيعـان=فـروع ٍ فتـون البيـد عسـم ٍ ايداديـهـا ولا رايعـت كـن المعنـق علـى رمـان=تعوجـه مـن العانـق خفـوق ٍ لواحيهـا سنود ٍ من الغارب فسيحه مـن الذرعـان=عسـى ربنـا مـن شـر خلقـه ينجيهـا والبل تراها السود والصهـب ياالضفـران=وشقـح ٍ سـواد اذيالهـا فاصـل ٍ فيهـا انا حب شوف الوضح وضاحـة الالـوان=مغاتيـر مـن جلـد الوضيحـي تحاليهـا مغاتيـر جذابـات ومكحـلات اعـيـان=جميـع الوصايـف كلهـا كاملـه فيـهـا مغاتير فنس خشوم فيهـا الدريعـي يـان=عرانينهـا وشعوفهـا فاصـلـه فيـهـا مغاتيـر معروفـات وطبوعـن زيــان=على الصوت تبغي راعي الصوت يدعيهـا الى شفتهن رتـوع فـي خاطـي الجيـان=تشادي القنـوف المرسيـه بامـر واليهـا مغاتير لامن سمعـت الصـوت والدنـدان=لاكـن الذيـابـه تهـتـوش عندتاليـهـا مغاتيـر لا غنـى المغنـي علـى عليـان=ضربها السطر لا صاح بالصوت راعيهـا الـى جلعـت لاكنهـا شـرد الـغـزلان=وراهـا المفـرد يابـسـات ٍ علابيـهـا الى من ذعرها الصوت واستولت الميـدان=يقـوس ذرايـب عجهـا مـن سماريهـا ركد عجها من سجهـا والجـرس رنـان=تجي ذي مـع هـاذي وهـاذي تباريهـا {ترى البل فرح وسرور من خلقة الانسان }={ عسى الله يبور بواحـد ٍ بايـر ٍ فيهـا } كنـوز البـداوه منقـذة راعـي البستـان=موارث جـدود ٍباشهـب الملـح تحميهـا مداخيلهـا عسـره علـى بايـع الرمـان=ولا تصلح البل كون فـي مـرح اهاليهـا حلا ماحـلا مرواحهـا تجـذب الحيـران=الى اقبل غروب الشمس والليـل ضاويهـا على بيت من هو يكرم الضيف والجيـران=عشير النشامـا كـل مـا حـل طاريهـا عسى من يسوق المال في غاليـة الاثمـان=يبـارك لـه الرحمـن فيهـا ويذريـهـا انا قلتها وادخـل علـى الله مـن النسيـان=مع الناس صفـر وزرق مانـي بناسيهـا وحمـر ٍوشعـل ٍتختلـف بينهـا الالـوان=الى تاه فيها الوصـف تعـرف باساميهـا ترى البل تعز الرجل تكفـون ياالشجعـان=حـرام ٍ عليكـم تركهـا والطمـع فيهـا وصلاة ربي عـد مـا لاح بـرق وبـان=بسـود القنـوف اللـي غـلاظ ٍ مثانيهـا على الهادي المبعوث بسنه مـن الرحمـن=شفيـع امتـه لا نوديـت بامـر واليهـا منقول