|
عبدالله مفرح الدوسري والناقة
هذه قصة قديمه جرت على شخص اسمة عبدالله بن مفرح الدوسري الملقب (بالشمالي)اصيب يوم بمرض الجدري ولزم الفراش حوالي شهرين وكانت ناقته اسمها( الهدية) قد حست بغياب صاحبها ودائماً تجيءيم بيت الشعر وترفع رواق البيت براسها وتطالعه وتحن وبعد مدة توفي صاحبها فصارت الناقة كل ماوردت تجيء الى البيت وتنهض الرواق براسها ولاتجده ثم تسري فسارت ابنته ساره تعقلها حتى لاتسري في الليل ومضى نصف شهر وهي " تهجرع"بالحنين وكان عندهم جاراسمه حصيبان وفي ليله من الليالي توقظ وهي "تهجرع" بالحنين عند مشب النار وهاضت قريحته بأبيات طويله من الشعرمنها يقول:
مل قلب هيضه حس الهديه هجرعت بالصوت من عقب الشمالي ياذلول القرم حماي الرديـه اصبري عقبه على سقـم الليالـي ذكرت بالحب من عينه شقيه ذاكـر فـي نجـد خـلان وغالـي عقب فقده ماتوالف للرعيه تطرده ساره علـى روس المفالـي عزتي للقرم حطولـه بنيـه عزتي للقـرم مـن قبـر هيالـي عادته بالكون يثني للرديـه ينسـم الحفيـات ريـف للهزالـي م ن ق و ل |
رد: عبدالله مفرح الدوسري والناقة
توضيح بسيط حول عبدلله بن مفرح هو: عبد الله بن مفرح من الحراقين من آل منصور من آل اسلمة الغييثات جلا صوب الشمال بسبب دم كان عليه وبذالك لقب بــ ( الشمالي ) وقد قال جاره بعد ان سمع ناقته (( تهجرع بالحنين )) لوفاته حيث كان يحبها حبا شديد وكانت ابنه ساره تعقل الناقه و ويدورن الناقه في الفلا عقب ( الشمالي ) فقال العنزي هذه الابيات :-
يا مل قلب هيضه حس الهديه =هجرعت بالصوت من عقب الشمالي ياذلول القرم حماي الرديـه =اصبري عقبه على سقـم الليالـي ذكرت بالحب من عينه شقيه =ذاكـر فـي نجـد خـلان وغالـي عقب فقده ماتوالف للرعيه =تطرده ساره علـى روس المفالـي عزتي للقرم حطولـه بنيـه =عزتي للقـرم مـن قبـر هيالـي عادته بالكون يثني للرديـه =ينسـم الحفيـات ريـف للهزالـي |
رد: عبدالله مفرح الدوسري والناقة
بيض الله وجهــك ياولد ودعان على القصه والقصيده
وتســلم يــــدك والله يرحم عبدالله بن مفرح ابــو زيــد بيض الله وجهـــك على التوضيح وزياده المعلومات وتسلم يدك اخوكم خالد الودعـاني |
رد: عبدالله مفرح الدوسري والناقة
لاهنت على التوضوح يابو زيد
وردك صك على موضوعي خخخخخخخخخخخ وشكرا على مرورك اخ خالد |
رد: عبدالله مفرح الدوسري والناقة
اقتباس:
|
رد: عبدالله مفرح الدوسري والناقة
بيض الله وجهك على القصة
سبحان الله كيف يوفي الحيوان بينما يخون الإنسان ويبيع أصدقائه وأقاربه في هذه الدنيا |
رد: عبدالله مفرح الدوسري والناقة
ولد ودعان وابوزيد الغييثي لاهنتوا على التوضيح
نعم هو عبدالله بن مفرح الغييثات الدوسري وجاره صاحب القصيد هو حصيبان العنزي لكم خالص التقدير والاحترام |
رد: عبدالله مفرح الدوسري والناقة
بيض الله وجهــك ياولد ودعان على القصه والقصيده
وتســلم يــــدك والله يرحم عبدالله بن مفرح ويسكنه الجنه تقبل تقدير وأحترام أخوك أبو نواف الدوسري |
الساعة الآن 12:24 AM
 |
Powered by vBulletin® Copyright ©2000 - 2025, Jelsoft Enterprises Ltd.
---