يا سلام الله عليكم ياطويليـن اليمانـي = عد همال المطر/ والنار تحرق من وطاها
ودي بشاعر محنك عارفن كل المعانـي = قلتها بالمختصر/والنار تحرق من وطاها
مرحبـا بـك يـا المسلـم عــد مــا شـيـد مبـانـي = انت نسل اهل الظفر و النار تحرق من وطاها
جاك شاعر يا السنافي ما بدع غيـر السمانـي = قل لنا وين السفر و النـار تحـرق مـن وطاهـا
كان تبغى الصدق ياذيبان والعلـم البيانـي = انت قلبك من حجر/والنار تحرق من وطاها
بنت ابو زيد الهلالي صابها ذل وهوانـي = كسرها ما ينجبر/والنار تحرق من وطاهـا
هات ما عندك يا صاحي و اعلم ان العمر فاني = الصقر ما هو نسر و النـار تحـرق مـن وطاهـا
بنـت ابـو زيـد الهلالـي بايـر(ن) فيهـا الزمانـي = همها طش الصـدر و النـار تحـرق مـن وطاهـا
قالو ان الها حماه وقالـوا ان الهـا عوانـي = دونها بام الابر/والنـار تحـر مـن وطاهـا
مير صارت عشرها من عشر ترجع ل الثماني = من يردالها الخبر/والنـار تحـرق منوطاهـا
الحمـيـه يــا ولــد عــادة عريبـيـن المجـانـي = ما يهابون الخطر و النار تحرق من وطاهـا
عانها الله حالها صاير طمان(ن) في طماني = علمها ذاك اشتهر والنار تحرق من وطاهـا
ندري ان الطيب لهله لاتطيح اعن الحصاني = وانت خيال العصر/والنار تحرق من وطاها
حن قلبي ياعميلي حـن سيـر البهبهانـي = يوم راحت تعتمر/والنار تحرق من وطاهـا
نعرف أن الجدي ما هـو يشبـه سهيـل اليمانـي = و انت لك وجهة نظر و النار تحرق من وطاها
مـا كـواك اليـوم يــا عـيـاد مبـطـي قــد كـوانـي = بس طالبك الصبـر و النـار تحـرق مـن وطاهـا
اشهد ان الله بلاك واشهد ان الله بلانـي = مير هل من معتبر/والنار تحرق من وطاها
اسرجوا فوق الاصيل واحتموها بالسناني = القشر لهل القشر/والنار تحرق من وطاها
يا عسى الله يهديك و يا عسى الله يهداني = ربنا رب البشر و النار تحرق من وطاهـا
واقفين(ن) دونهـا و الفعـل يـا عيـاد بانـي = في مثلنا تفتخر و النار تحرق من وطاهـا
جعل من يمسك رسن هاك الفرس قد المكاني = تستريح من السهر/والنار تحرق من وطاها
كان تبغى ياعميلي نلعـب بطـاروق ثانـي = استخر وابستخر/والنار تحرق مـن وطاهـا
صاحبك قدٍ لها و العلم مضمون(ن) ضماني = دربها عقبي خضر و النار تحرق من وطاها
اطلق عنانك وانا يـا صاحبـي مطلـق عنانـي = السفينـه فالبحـر والنـار تحـرق مـن وطاهـا

المشاركة الأصلية كتبت بواسطة ابو زابن المسعري (المشاركة 168685) صح السانك يامسفر والسان عياد بيض الله وجهك

المشاركة الأصلية كتبت بواسطة أبونواف الدوسري (المشاركة 168760) الأخ الشاعر مسفر المصارير صح الله لسانك ولسان الشاعر عياد العتيبي علي هذه المحاوره. تقبل تقدير وأحترام أخوك ابو نواف الدوسري

المشاركة الأصلية كتبت بواسطة ماجد الدوسري (المشاركة 168777) صح لسانك يالحبيبي انت والعتيبي على هذه المحاورة الجميلة

المشاركة الأصلية كتبت بواسطة شوق2 (المشاركة 168878) محاوره جزله من شعار الجزاله0 صح السااااااااااااااانك ياشاعرنا مسفر المصارير والسان الشاعرالعتيبي0 تقبلوا مروري وشكري وتقديري0

المشاركة الأصلية كتبت بواسطة فهد بن هادي الغريري (المشاركة 168880) صح الله السانك وعتلت شانك يابونايف على هذا الابداع في سماء المحاوره لله درك من شاعر جزل يابونايف وصح الله السان العتيبي ابونايف تقبل ارق التحايا

المشاركة الأصلية كتبت بواسطة سعود الغريري (المشاركة 169031) الأخ الشـــــــــاعــــــر مـــســفـــر المصارير صــــح الله لــــسانـــــك ولـــسان الشاعر عياد العتيبي علي هذه المحاوره وتــــقــــبل ودي وأحـــــــتــــرامـــــــي :::