ما بعد مليت من شان أشتاقك أملك=ناويه بنت اللذينا على قلة حيا
كانه احساسك يوديك ويجيبك0 أقلك=صدقيني عمر الاحساس ماقال أنت يا
وكانه الوسواس قهري عسى ربي يعلك=ويش ذنبي صرتنا والوساويس اخويا
وكانها قصدك محبه ترى حبك وخلك=في دباديبك يموت المولّع ويحيا
يا بعد من لي بعين الغلى والله لاشلك=أبشري بي يابعد عشب عمري والحيا
الخريف الي خذا منك لايامي يدلك=الفصول الاربعه فيني بيوم تحيا
آه لو جيتيني بيوم أنا كيف أستهلك=قلبي أخضر مير ماله بدرب أهل الغيا
آه ليت الشمس شمسك وظل الشوق ظلك=كان أحطك في المحاجر واحطك بالضيا
ما بعدمليت من شان أشتاقك واملك=ناويه بنت اللذينا على قلة حيا