|
إذا غامرتَ في سوقِ السهومـي
السلام عليكم ورحمة الله وبركاته :
هذه قصيدة عن كارثة سوق الأسهم أردت نظمها منذ زمن , ولكنها تمنعت حتى ليلة البارحة , علماً أنني ـ ولله الحمد ــ لم أتضرر من هذا السوق , فعلاقتي به كانت مجرد اكتتابات لا أكثر ولا اقل , فهذه الأبيات إذن أتت احساساً بمعاناة شريحة واسعة من المجتمع , وعلى طريقة " شر البلية مايضحك " . يقول المتنبي :
إذا غامرت في شرفٍ مرومِ=فلاتقنع بما دون النجـومِ فطعم الموت في أمرٍ حقيرٍ=كطعم الموتِ في أمر عظيمِ وأقول :
إذا غامرتَ في سوقِ السهومـي=فلن يبقى معك غيـر الهدومـي فسعر السهم في سوق الحسايف=كسعر البيز في سوق الحريمـي عفا الله عن حكومتنا الرشيـدة=وراها صامتة ضد الرخومي ؟!! هواميـرٍ كلونـا فـي وطـنـا=عسى تاكلهم إطيـورٍ تحومـي خذوا الأموال من جيب المواطن=ولقّوه الخلا في ظـرف يومـي رقد تاجر وقام الصبـح خاسـر=قضت حلو الأمانـي والحلومـي بعد حلمـه بقصـرٍ واستراحـة=بنى له عشةٍ فأحـد الحزومـي وبعد ماكان حلمه " جيب لكزس"=وقف يشّر على الخط العمومـي وكم من واحـدٍ يشكـي ديونـه=برك مثل الجمـل وأزرا يقومـي ومن سلم الوفاة وسلـم جلطـة=ورى القضبان بالسجن إمحكومي رعاك الله يالشعـب السعـودي=تجرعـت المـرارة والسمومـي ولاندري وش أسباب الخسـارة=ومنّا في يديه امـن الخصومـي عن الوضع وتفاصيل الحقيقـة=نبي توضيح مسـؤولٍ حكومـي وأملنـا بعـد رزاق الخـلايـق=بوقفة صاحب القلب الرحومـي بقت الآمال في " صقر العروبة "=" أبومتعب " عسى أفراحه تدومي . |
رد: إذا غامرتَ في سوقِ السهومـي
والله انك صدقت صح السانك واعتلى شانك وبيض الله وجهك قصيده فكاهيه جميله تحكي وضع الناس في سوق الاسهم كفانا الله شرها بيض الله وجهك من عقب التفكير في القصر بناله عشه في راس حزم ومن عقب التفكير في الاكزس قدهو يشر على الدرب هههههههههههههههه
وأملنـا بعـد رزاق الخـلايـق=بوقفة صاحب القلب الرحومـي بقت الآمال في " صقر العروبة "=" أبومتعب " عسى أفراحه تدومي الله يسمع منك واملنا في ابو متعب كبير الله يطول عمره |
رد: إذا غامرتَ في سوقِ السهومـي
الشاعر الكبير بوفهد
صح الله لسانك على الأبيات الرااااااائعه ، والقافيه الجميله ، واضحك الله سنك ، وعسى الله يعين اهل الاسهم ويعوضهم خير ان شاء الله تقبل تحياتي،، |
رد: إذا غامرتَ في سوقِ السهومـي
الشاعر الكبير بوفهد
صح الله لسانك على الأبيات الرااااااائعه ، والقافيه الجميله ، واضحك الله سنك ، وعسى الله يعين اهل الاسهم ويعوضهم خير ان شاء الله تقبل تحياتي،، |
رد: إذا غامرتَ في سوقِ السهومـي
صح الله لسانك مليار
جعلك والله تدوم ويفدونك الرخوم قصيده جزله من جزل وتقبل خالص ودي |
رد: إذا غامرتَ في سوقِ السهومـي
بعد حلمـه بقصـرٍ واستراحـة=بنى له عشةٍ فأحـد الحزومـي وبعد ماكان حلمه " جيب لكزس"=وقف يشّر على الخط العمومـي ومن سلم الوفاة وسلـم جلطـة=ورى القضبان بالسجن إمحكومي هههههههههههههههههه صح لسانك يابوفهد على هالقصيدة اللي وإن كانت فكاهية إلا أنها تحاكي مافي صدور الكثير من الناس الذين (( توسدوها )) في هذا السوق الغريب الاطوار ! دمت ودام شعرك الرائع وبانتظارك لاهنت أخوك ( نايف ) |
رد: إذا غامرتَ في سوقِ السهومـي
وأملنـا بعـد رزاق الخـلايـق=بوقفة صاحب القلب الرحومـي بقت الآمال في " صقر العروبة "=" أبومتعب " عسى أفراحه تدومي الله الله صح لسانك مليوووووووووووووووووووووون يا ابو فهد الشاعر العلم / برق الجنوب بيض الله وجهكـ على القصيده الجزله بكل ما فيها والتي تحكي حال الشعب السعودي مع الاسهم مشكور كل الشكر وعسى الله يجيب الفرج من ابو متعب ولكـ اجمل وارق تحيه من اخوكـ / ابن وتيد الســباعي |
رد: إذا غامرتَ في سوقِ السهومـي
اقتباس:
مرحبا بك يا أبو زابن لقد تشرفت القصيدة وصاحبها بمرورك الأول لاهنت لاهنت والله يكون بعون إخواننا المنكوبين ويعوضهم خير . |
رد: إذا غامرتَ في سوقِ السهومـي
ارحب يابو فهد ، وصح لسانك ياشاعرنا القدير والحكيم ، عز الله قصيده فيها نوع من الفكاهة لكنها
وصلت للهدف وعسى الله يعين الخاسرين با لأسهم ، وعسى الله يربحنا وإياك الفوز في سهوم الآخرة ولك مني أجمل الود والتقدير ،،، |
رد: إذا غامرتَ في سوقِ السهومـي
صح لسانك مليون ,,,,,
قصيدة جميلة تحكي معاناة شعب بأكمله ,,,,,, إذا غامرتَ في سوقِ السهومـي فلن يبقى معك غيـر الهدومـي هههههههههههههههههه بيت جميل ,,,,فالك المليون كنها تعوض شوي من خسارتك .... صح لسانك مره ثانيه وننتظر روائعك يالغالي,,,,, |
رد: إذا غامرتَ في سوقِ السهومـي
صح لسانك مليون ,,,,,
قصيدة جميلة تحكي معاناة شعب بأكمله ,,,,,, إذا غامرتَ في سوقِ السهومـي فلن يبقى معك غيـر الهدومـي هههههههههههههههههه بيت جميل ,,,,فالك المليون كنها تعوض شوي من خسارتك .... صح لسانك مره ثانيه وننتظر روائعك يالغالي,,,,, |
رد: إذا غامرتَ في سوقِ السهومـي
بعد حلمـه بقصـرٍ واستراحـة=بنى له عشةٍ فأحـد الحزومـي
الاخ والشاعر المبدع دايماً فراج ابن فهد اعتبرك من المكثرين في القصيد لكن ليت كل المكثرين مثلك مبدعين |
الساعة الآن 07:55 PM
 |
Powered by vBulletin® Copyright ©2000 - 2025, Jelsoft Enterprises Ltd.
---