يامل قلبٍ للمجاهيم عشاق=يعشق مجاهيمٍ عليها مشاعيب
ذودٍ على ايام الغزو جاك منساق=ساقه شجيعٍ من جدودي هل الطيب
ماهوب مشري حيف نرعى تلفاق=حنا هل الذيدان حرش العراقيب
نرعابها ونتبع بها كل براق= نرعابها روضٍ خضر قفر ما جيب
ما جابه الا راعي الذود بشفاق=عساس ربعه دايمٍ كنه الذيب
الامير سعدٍ طيب الساس والاخلاق=عقيد قومٍ كلبوهم معاريب
ياليتني عنده ولو كان سواق= اسج نفسي ماعليه مطاليب
يومٍ على الوايت مصدر ومستاق= ويومٍ مشرف فوق ذيك المراقيب
ارامكو حطت لي القيد في ساق= لاعاد به فركه ولابه تهاريب
ودوامها صعبٍ ولاهيب تنطاق=وعمري صغير وراسي بادي به الشيب
وبعيد عن ربعي وصدري بها ضاق= ماكني الا نجمٍ عنهم بدا يغيب
ربعي لهم في القلب حبٍ له اشراق=لاد الرميضي معطبين المضاريب
الخير في ماختاره الله ولو عاق= والله يسهلها بنقل وتقاريب
ويمل قلبٍ للمجاهيم تواق= يتوق وكنه حط فوق المشاهيب

ابـــن وتــــيــــد الـــســـبــــاعـــي

ابن وتيد السباعي

صح الله لسانك يالغالي على القصيدة الجزلة ودررك الثمينة




ونعم والله بشايبك امير قومٍ مناعير




وعز الله كفو بالآد رامض اهل الفعايل من اول وتالي

وتستاهلون الطالات والفعل الطيب والعلم الغانم

ولا تحرمنا جديدك الجزل يابن وتيد ..


تقبل خالص الود والتقدير ..

اخوك في الله

محمد الغريري

المشاركة الأصلية كتبت بواسطة صالح الجعيدي (المشاركة 164895) يا سلام يا أبن وتيد السباعي على الإبداع ،، صح لسانك ،، والله يقطع دوام الشركات ،، أتشرف أن أكون أول من عانق هذه الجزلة من شاعر جزل. تقبل مروري ،، مع خالص التحية و التقدير و الاحترام.

المشاركة الأصلية كتبت بواسطة فهد بن هادي الغريري (المشاركة 164928) ربعي لهم في القلب حبٍ لـه اشـراق***لاد الرميضـي معطبيـن المضاريـب كفووووووو والله يابوسعد المراقب العزيز والشاعر الكبير : " ابن وتيد " ابوســعـــد كتبت فابدعت ونظمت فأجزلت عسى عمرك طويل على طاعته اسأل الله رب العرش العظيم ان يبارك في قريحتك النيره.. وصح الله السانك واعتلا شانك فيما خطته يمينك من جزاله تبهج الناظر وتشرح الخاطر اسأل الله ان يبارك في عمرك على طاعته ويبارك في مساعيك ويجزيك عنا كل خير والله يعينك على ارامكو يابوسعد والله من الزهادي وشيب العين تقبل تحياتي وتقديري واحترامي ومحبتي في شخصك الرائع اخوك / فهد الغريري