::: مـنتدى قبيلـة الـدواسـر الـرسمي ::: - عمومها وخصوصها محمد ادريس

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - عمومها وخصوصها محمد ادريس (http://alduwaser.org/vb/showthread.php?t=14879)

عمومها وخصوصها محمد ادريس

السلام عليكم

اسعد الله جميع اوقاتكم بكل خير

هذى القصيده القيتها البارح فى احتفال اخونا العميد محمد ادريس الحقبانى بمناسبخ تخرج ابنه ادريس من اكاديميه سعد العبدالله الامنيه برتبة ملازم .
نسال الله العلى القدير انه يوفق الخريج ويجعله فى خدمة الاسلام والمسلمين وخدمة ابناء القبيله بصوره خاصه ويطرح فيه البركه

\
\

يامرحبا من مهجتى والاحاسيس = لهل الوفا والجود واهل النواميس
الابه اللى فعلها مقتفيها = نطاحة الهيه وحداية العيس
ربعي وافاخر فى ربوعى الدواسر = عمومها وخصوصها محمد ادريس
مثل اسد وقف على باب غابه = ومثل الشجاع اللى خذاله مراويس
ومثل المعلم فى كلامه مدارس = ماضي الفعايل معتبي للتداريس
حليم لكنه على الحق قاسي= واضح هدف يفده راعى الغطاريس
ماغره المنصب ولا شاف حاله = ولا حط من دون الجماعه متاريس
دايم وهو فالوجه من حيث جيته = حاضر بفعله لو خلف الكواليس
ان قلت وافي شيخ قومه ووافي= عنده على كل المواجب مقاييس
الطيب موروثه وورثه وذخره= هذا كلام الصدق ماهى برابيس
يرحمك يالعود المربي ربيته= لين انتهض مثل الحرار القرانيس
صنديد ورثله سنافي وطيب = يفرق مع اقارنه بكل المجاليس
مديح من مبطى وعنده شهاده=فريس تتورث مع الوقت فريس
انا اشهد انى افتخر فى ربوعى = بيبان مجد وماعليها ترابيس
الدوسرى بين القبايل مميز =طلق الوجيه وللمرجل فوانيس
من تغلب وزايد نسما قبيله=خذنا على شبه الجزيره تضاريس
الدار دار الدوسرى واسمها فوق = كرمان خصمان واسود واشاويس
منزالنا يوم المغازى محصن = بالسيف الابتر والفشق والمقابيس
وحدودنا تعرف بشبه الجزيره = ما داجها خصامنا والعواسيس
ما داجها ياكود صاحب وغالى = يدله بعد فرقا الوجه المعابيس
مزباننا يعرف ووسمة عصانا = تدريبها البدوان واهل الكبابيس
ياحيثنا للطيب منصا وغايه =تتكلم الامجاد فوق القراطيس
ويتكلم اللى فى ذرانا حميناه= نعطى ولا نعطى فتات وبهانيس
نعطى ليامنا عطينا الجزايل =مثل المطر يحيي القشوع الميابيس
نخصم ليامنا حضرنا الخصايم= كلثوم عمر ومننا امرؤ القيس
ومنا الزحازيح الاكابر ومنا =شجعان وابطال وكتاب وقواميس
تحكى مواقفنا وتحكى عدانا =عدونا لانام جاته كوابيس
يشوفنا فالحلم ولا الحقيقه=مرتاع لامن قام ويعوذ ابليس
وصديقنا نسقيه من در الابكار = يروح وتجيبه علينا الهواجيس
ختامها صلو على من هدانا= محمد مؤسس سنه الدين تاسيس

وسلامتكم

ياليت تنسق القصيده من المسؤلين