مرحبا يا هلا بك يا كريم السبال = عد ما لاح برق وعد ما طار طير
ودنا نستمع للشور يا ابن الحــلال = وابك حنا مانسمع كل منهو يشير
البقا والمعاني مثل ضرب السلال = وانت احسب قريب مثل اخوي الصغير
يابو سالم ترى الايام فيها اختلال = كم حذت من غني وكم خذت من فقير
خلنا فـــ الفوايد ماندور جدال = وانت حل الدعاوي يا اخوي الكبير
قالوا ان النشاما تبغي اقرب مجال = ولوتاخر دقايق ويش يمكن يصير
لاتهيب من الدنيا ورقي الجبال = اضرب الصعب وتجيك الليالي بخير
وانت رجل تعرف المخطية والعدال = ما يعلم على ماقيل رجل بصير
جعل ربي يزين حالها يا رجال = وضعها يالنشاما وضع جداً خطير
الحمول الثقيله ما لها الا الجمال = والجمل عيب يرغي بعد سمع الهدير