|
عميشه تطلب وأنا أعطيها...
السلام عليكم ورحمة الله وبركاته مساجله فكاهيه الى حد ما بين واحد خاطب وأبو عميشه اللي شروطه كثيره... لكن لما وصل الأمر الى أم الخاطب وطلب الأب من الرجال انه "يتخلص" من أمه.... شوفوا وش صار.... أترككم مع القصيده مسموعه ومكتوبه.... الخاطب
اول مانـبـدأ بـاسـم الله =وووجيـه الخيـر نحييهـا اهـلا هـلا يابوعميـشـه =اول مـــرة وثنـيـهـا أبو عميشه
قل لي ياوليدي وش جابـك=وامك ليـه انـت مخليهـا
الخاطب
انـا جيتـك ودي بنـتـك=تكفـى عمـي زوجنيـهـا
أبو عميشه
ابشر باللي جيـت لأجلـه=بس خمس شـروط تلبيهـا
الخاطب
كل شروطك على راسـي=بنتك تطلب وانـا اعطيهـا
أبو عميشه
انـا ودي جيـب مجنـط=وإلا الـدداسـن مابيـهـا
الخاطب
ياعـالـم هــذا اولـهـا=والله يستـر مـن تاليهـا
أبو عميشه
وبنتي تبـي بيـت لحالـه=يعنـي فلـة تسكـن فيهـا
الخاطب
حاضـر ياعمـي بالفلـة=لعيـون عميشـه نبنيـهـا
أبو عميشه
وتبـي خدامـة طبـاخـة=تسوي قهوتهـا وشاهيهـا
الخاطب
كل شروطه علـى راسـي=عميشه تطلب وانا اعطيها
أبو عميشه
وتبـي سيـارة جـديـدة=وتبـي سـواق يوديـهـا
الخاطب
امـري لله ويـش اسـوي=حتـى السيـارة نشريهـا
أبو عميشه
وامـك ياوليـدي خرفانـه=وبنتي ماتطيـق تراعيهـا
الخاطب
هذي امي .. ماله غيري ..=ولازم بالخيـر نجازيهـا
أبو عميشه
وده خالـك وإلا جــارك=وإلا شف لك صرفة فيهـا
الخاطب
والله ياعـمـي زودتــه=ودليـت تحـوس بتاليهـا
أبو عميشه
هـذا شـرطـي ودّك وإلا=عميشـه كـل وده فيـهـا
الخاطب
امي عندي.. تسوى الدنيا..=وبنتـك عنـدك مانبيـهـا
أبو عميشه
إطلع يالخايب مـن بيتـي=وإلا هالحـيـن اسويـهـا
الخاطب
إحفـظ كلامـك يالشيبـة=لأقلـب عاليهـا واطيهـا
وسلامتكم.... النادره |
النـــادرة
بيـــض الله وجهـــك و وجه الشــاعر اللي خلى عميشه يفرح فيها واليها الأم مافيه غيرها أما عميشه فيه مليون مثلــها خالص الود |
مساجله رائعه وفكاهيه
وعميشه غيرها عميشه لاهنتي يالنادره |
لاهنتي يالنادره
|
تسلم يمناتس يا النادره ...
امي عندي.. تسوى الدنيا.. وبنتـك عنـدك مانبيهـا |
هههههههههههههههههههه
مايسوى عليه ذا الخطبه مشكوووووره يالنادره تقبلي تحياتي ,, |
|
لاهنتي يالنادره على المحاورة
ومثل ما قال اخوي نواف بدل عميشا عميشا غيرها |
نشـــــــــمي....
أجل يبيه يخـــلي أمه.... الله الله في أمهــاتكم يا رجال... بيض الله وجهك يا النادرة على هالموضوع الهادف.. |
لاهنتي يالنادره على المساجله الجميله
امي عندي.. تسوى الدنيا. .وبنتـك عنـدك مانبيهـا والله انه نشمي الخاطب اشهد ان امه جابت فحل تحياتي لك اخوك: ............... . الفارس . ................. |
النادره
لاهنتي على المساجله كثر الله من أمثال هذا الشخص اللي خلاعميشه 0 |
يا مرحبا بكم مليون أخواني... ومثل ما قلتو..أللي ما فيه خير لأمه ما به خير لبنت الناس... والله الله بأمهاتكم...
|
الساعة الآن 10:47 AM
 |
Powered by vBulletin® Copyright ©2000 - 2025, Jelsoft Enterprises Ltd.
---