::: مـنتدى قبيلـة الـدواسـر الـرسمي ::: - وش يفك الابهـــر يارجاجيل ؟؟؟؟؟؟؟؟؟

::: مـنتدى قبيلـة الـدواسـر الـرسمي ::: (http://alduwaser.org/vb/index.php)

- :: قسم المـواضيع الـعامــة :: (http://alduwaser.org/vb/forumdisplay.php?f=2)

- - وش يفك الابهـــر يارجاجيل ؟؟؟؟؟؟؟؟؟ (http://alduwaser.org/vb/showthread.php?t=14438)

أخو الشيوخ

25-04-2007 02:17 AM

وش يفك الابهـــر يارجاجيل ؟؟؟؟؟؟؟؟؟

صبحكم الله بالخير ....

اليوم عقب ماقفيت من عند رجال كنت اسولف معه الا وهالابهر اللي يمشي طبلونه لاذعني من رقبتي

لين نصف ظهري من تحت كتفي الايمن ولهالحين وانا تقل متشنج اللي منكم يعرف له حل لايبخل علي

مع العلم اني رحت للمستشفى وعطوني حبوب وهالكلام على الظهر والديره اللي انا فيها مافيها من

يكسرون الابهر

يالله دخيلك :22:

ابو زابن المسعري

25-04-2007 02:30 AM

رد: وش يفك الابهـــر يارجاجيل ؟؟؟؟؟؟؟؟؟

الله يكون في عونك ويعافيك عزالله انه يدبل الكبد

ننتضر اصحاب الخبره يعطونك الحل ان شاءالله

واللي اخبر انه يطق من الضهر وفيه ناس يطقونه من الابهام

طبعاً هذولي اصحاب الخبره

سالم الغريري

25-04-2007 12:38 PM

رد: وش يفك الابهـــر يارجاجيل ؟؟؟؟؟؟؟؟؟

الله يعينك ويعطيك الصحه والعافيه

واظني الحبوب ما تنفع

ما ينفع الا علاج طبيعي ولا طب شعبي

جمعاني_غييثي

25-04-2007 01:07 PM

رد: وش يفك الابهـــر يارجاجيل ؟؟؟؟؟؟؟؟؟

سلامات ياخو الشيوخ بس والله مدري وش الابهر اللي يمشي طبلونه ولذعك من رقبتك؟؟ توقعت نحلة والادبور اوي شي من ذا الحشرات اللاذعه :) مع العلم ان خبري ان الابهر هو شريان يخرج من القلب ويحمل الدم والغذيات للجسم ... اذا تقصد هذا الشريان الابهر فعلاجه بعد الله التدليك (يستحسن بكعب القدم) في المنطقه اللي تحس فيها بالام وان شاء الله يزول العوار منك ... واقطع التدخين اذا انت مدخن وانصحك بالحجامه :)

اخوك جمعاني_غييثي

أبونواف الدوسري

25-04-2007 02:12 PM

رد: وش يفك الابهـــر يارجاجيل ؟؟؟؟؟؟؟؟؟

الأخ أخو الشيوخ

تمنياتي لك بالشفاء العاجل أنشاء الله.

في دهان موجود في الصيدليه أسمه >>(أدهن منه مرتين في اليوم مع تدفئه المكان في بطانيه وأنصح

بعدم الخروج من المنزل اليو وغدا)

Deeb Heat

شوق2	25-04-2007 03:01 PM

رد: وش يفك الابهـــر يارجاجيل ؟؟؟؟؟؟؟؟؟


	اخو الشيوخ0 سلاااااااااامتك الف سلامه والله انه ضاق صدري من شكواك0 لكن ودي اعرف انت تقصد منها الم وشد بالرقبه والظهر؟؟؟؟ اذا كان كذا فيه (سبخه)يسونها الحريم الكبار وهي عباره عن عجين مخلوط باشياء اخرى ويكون دافي ويوضع على مكان الالم مره ومرتين ويروح االام بأذن الله بس لازم يكون عندك احد يسويها لك 00 ومره ثانيه ماتشوف شر0

أخو الشيوخ

29-04-2007 09:45 AM

رد: وش يفك الابهـــر يارجاجيل ؟؟؟؟؟؟؟؟؟

الله يسلمكم جميع ولايوريكم اللي شفته

طيب ياخيتي شوق وين هالسبخه توجد غير عند كبيرات السن

وعلى مافهمت انك تقصدين هل البسطات اللي بالاسواق الشعبيه لاني بديرة مافيها هالناس

وسلمت يابو نواف على وصفك لهالمرهم مير ياخوك هالابهر من عرفته وانا امرخ نفسي بمثله ولافاد

دايم الدوم يجيني ولايروح مني الا بعد مايوريني الويل

وودي من عنده خبره بهالمجال او يعرف احد له خبره

لايبخل علي تراه الى اليوم وهو مابعد مات

وبصراحه بعد هاللي صابني ودي بفتح منتدى خاص بالطب الشعبي وخصوصا لمثل هالابهر وشرواه

مصيول

01-05-2007 12:41 AM

رد: وش يفك الابهـــر يارجاجيل ؟؟؟؟؟؟؟؟؟

الله يعينك ويشفيك إن شاء الله

عبدالله آل بريك

01-05-2007 01:26 PM

رد: وش يفك الابهـــر يارجاجيل ؟؟؟؟؟؟؟؟؟

الله يعينك ويشفيك إن شاء الله

أخو الشيوخ

01-05-2007 01:28 PM

رد: وش يفك الابهـــر يارجاجيل ؟؟؟؟؟؟؟؟؟

آآآمين

ولايحرمك الاجر

الساعة الآن 12:42 PM