|
نغيب وألا مانغيب أقدامنا فوق السحاب
السلام عليكم ورحمة الله وبركاته :
اخواني أعضاء وزوار هذا الصرح الشامخ : يسرني أن أشارك معكم بهذه القصيدة التي نظمتها مؤخراً , ولها مناسبتها الخاصة بها , أتمنى أن ترقى إلى ذائقتكم :
نغيب وألا مانغيب أقدامنا فوق السحاب=وأهل المكر فوق البسيطة ماضربنا حسابها إليا رضى عن فعلنا الأبيض رفيعين الجناب=رقط الحيايا خلها إتموت بسموم أنيابها الحر يشهر في السما والبوم ينعق في الخراب=شتان مابين الطيور أشكالها وأسرابها لابارك الله في حضورٍ يستوي معه الغياب=ناسٍ مع العالم تجي وإتروح مايدرابها وإن طلّت الشمس الرفيعة من وراء روس الهضاب=غابت إنجومٍ في الدجا محدن شعر بغيابها ما أقولها ناتج غرور أقولها رد وجواب=على القناه اللي تبث الشوشرة بألعابها مايوقظ الفتنة ويفتح للردى سبعين باب=ألا حثالات البشر ورخومها وأذنابها المجد يحضابه ارجالٍ طافوا آفاق الصعاب=صلب العزايم للمفاخر يشعبون إركابها أما تقيٍ يرجي الجنة ويخشى من العذاب=إدموع عينه في قيام الليل ياما أصخابها وألا حكيمٍ ثاقب النظرة على الدرب الصواب=لاعمست أريا لابته زينات الأريا جابها وألا شجيعٍ ثابت الوقفة وقلبه مايهاب=حامي غنادير البنات وسترها وإحجابها وألا كريمٍ مايدفّن الأرصدة وسط الحساب=إمكبّر الضيفة بدارٍ ماتصكّ أبوابها واللي جمعهن كلهن ياخذ الأماره بإكتساب=طرقٍ على عوج الخشوم اللي تشم ترابها وباقي الأوادم ( مشّ حالك) والحياة أكل و شراب=مثل الدواجن تاكل وتشرب وتنسى أصحابها المرجلة من لاقدر يلحق عليها في الشباب=ماهوب لاحقها لشابت لحيته وأشنابها والشعر وهبة من لدى ( الوهاب) ماهوب إغتصاب=قولوا لشعار المهايط لاتطول أرقابها الشعر مايرفع مقام اللاش وأفعاله سراب=لاشان فعله مايحرك في الرجال إعجابها الشعر ماهوب البطولة والذخيرة والزهاب=حتى المره تقدر تقوله من ورا جلبابها لذا على الشاعر يسمّعنا القصيدة بإقتضاب=والحكم للجمهور يشرح سلبها وإيجابها أحدن قصيده في الحلا : درّ المصاغير العِذاب=لاروّحت من روضةٍ نبت الوسم يزهابها وألا شفايا غادةٍ في ريقها الشهد المذاب=طب الهواوي لاسرى ليله على ( عنّابها) وأحدن قصيده يرفع الضغط ويجيب الإكتئاب=علة وريدٍ ماتعالجها جميع أطبابها ومن لايفكر في عواقب كلمته نال العقاب..= من ( الله ) أول ثمٍ أقوامٍ يثير أعصابها قلته على وضح النقا من دون شكٍ وإرتياب=والكلمه اللي بأستحي من قولها بأبدابها ياللي تفاخر بالمغازي في المخازي : والترا ب=لوكان ربعك والنعم بأفعالها وأنسابها انشد عن القصة مع العقال يامال الذهاب=حتى عيونك تبصر اليمّة ولايغدابها محدن غزانا والليالي كنها لون الغراب=خلْ عاد والدولة على راسك تشد أطنابها هذي ( الحمر) من دونها (حمر) الشلافي والحراب=و(حمر) السيوف اللي صناديد الحروب إتهابها (آلاد شكرٍ) لاتعاوت في ضحى الكون الذياب=فزعاتهم تشبع سراحين الخلا بأسبابها مير اركد وقلّل من الجرعات وأجواء الضباب=لاتقطع إسيولٍ تداحم مع مفيض إشعابها |
رد: نغيب وألا مانغيب أقدامنا فوق السحاب
محجوز
|
رد: نغيب وألا مانغيب أقدامنا فوق السحاب
لاهنت ياأبومبارك
وحجزك فايف ستار في أفخم فنادق ( كان) :) يكفي القصيدة وراعيها مرورك الكريم |
رد: نغيب وألا مانغيب أقدامنا فوق السحاب
(آلاد شكرٍ) لاتعاوت في ضحـى الكـون الذيـاب
000000000فزعاتهـم تشبـع سراحيـن الخـلا بأسبابـهـا مير اركد وقلّل من الجرعـات وأجـواء الضبـاب 0000000000لاتقطـع إسيـولٍ تداحـم مـع مفيـض إشعابهـا الله أكـــبر ،،،،، الله أكـــــبر درة بديعة من شاعر فذ فصح الله لسانك وبيض الله وجهك دمت أخي الغالي : فراج بن فهد ودام شعرك المميز |
رد: نغيب وألا مانغيب أقدامنا فوق السحاب
صح السانك ياابو فهد
قصيده جزله وهذي عوايدك سجلني من المعجبين بماتكتب يافراج تقبل خالص التقدير والاحترام |
رد: نغيب وألا مانغيب أقدامنا فوق السحاب
ابوووووو فهـــــــــــــــد
للـــــــــــــــــــــه درك ياشيخ |
رد: نغيب وألا مانغيب أقدامنا فوق السحاب
فراج بن فهد بيض الله وجهك ولله دررك على هذه الثمينة وصح الله لسانك مليووون ولا يكفوون
الشعر مايرفـع مقـام الـلاش وأفعالـه سـراب = لاشـان فعلـه مايحـرك فـي الرجـال إعجابهـا الشعـر ماهـوب البطولـة والذخيـرة والزهـاب = حتـى المـره تقـدر تقولـه مـن ورا جلبابهـا عز الله انك صادق يا بو فهد
ياللي تفاخر بالمغازي في المخـازي : والتـرا ب = لوكـان ربعـك والنعـم بأفعالـهـا وأنسابـهـا انشد عن القصـة مـع العقـال يامـال الذهـاب = حتـى عيونـك تبـصـر اليـمّـة ولايغدابـهـا محـدن غزانـا والليالـي كنهـا لـون الغـراب = خلْ عاد والدولـة علـى راسـك تشـد أطنابهـا لله درك من شاعر يابو فراج
هذي ( الحمر) من دونها (حمر) الشلافي والحراب = و(حمر) السيوف اللي صناديد الحـروب إتهابهـا (آلاد شكرٍ) لاتعاوت في ضحـى الكـون الذيـاب = فزعاتهـم تشبـع سراحيـن الخـلا بأسبابـهـا مير اركد وقلّل من الجرعـات وأجـواء الضبـاب = لاتقطـع إسيـولٍ تداحـم مـع مفيـض إشعابهـا عز الله كفوو يا اهل الحمر ونعم بالاد شكر هل الست والفعايل ثابتة لا تحرمنا جديدك يابو فهد تقبل خالص الود والتقدير .. اخوك في الله محمد الغريري |
رد: نغيب وألا مانغيب أقدامنا فوق السحاب
الشاعر فراااج ابن فهد لله دررك ياشيخ الشعر اليا خلي من الحكمه ماهو شعر والقصيده هاذي
تجعلك بدون منازع في الصفوف الاماميه دمت مبدع الى مالا نهااااايه |
رد: نغيب وألا مانغيب أقدامنا فوق السحاب
وعليكم السلام ورحمة الله وبركاته
الاخ العزيز والشاعر الكريم ابو فـهـد " فراج بن فهد" اررررحب ترحيبةٍ من الخليج الى المحيط والله اني صادق ان كانك بطول علينا ويجبلنا الجزل من القصيد فتراك مسموح يابوفـهـد دايم تتحفنا بما هوا فريد وجميل يابوفـهـد مانقول الي الله يهنيك في عمرك وينسى في حياتك على طاعته. وصح الله السانك وعتلا شانك وزادك الله من زوايد فضله التي لا تنقضي. واسأل الله ان يرفع شانه ويعلي مقامه على العز والطاعه.. ابو فـهـد ننتظر جديدك المميز.. ونعم مليااااار باهل الاحمر الكرام وتقبل مني فائق التقدير والاحترام في مقامك العالي اخوك / فـهـد الـغـريـري,,,,,,, |
رد: نغيب وألا مانغيب أقدامنا فوق السحاب
الله الله الله الله
ماشاء الله عليك .. الله لايضّرك يافراج بن فهد الشكره الدوسري شاااااااااااعر فكره ومعنى ومفرده بجد .. سبق في أحد المنتديات ألي كنت أشرّف عليها - اذا ماأنا واهم - قبل حوالي ست أو سبع سنوات قريت لك قصيدتين أو ثلاث أذكر منها ( عيد الحب فلنتاين ) و ( كرسي احمد ياسين ) وعلّقت عليهما بأنك شاعر الأفكار الساميه ولازلت أقووووووووووووووول أنك شاعر الفكره والمعنى والمفرده وطول النفس والتسلسل الذي يشد المتذوق .. وتبي الحقيقه يبوفهد والله أني لاقريت لك مثل هالقصيده أني أستسمج قصيدي !! يخووووك أنت من وين تجيب هالدرر ..؟؟ وااااصل وتراني من متابعينك ألي يستسقون غيث أبداعك يهمل على منتدانا .. |
رد: نغيب وألا مانغيب أقدامنا فوق السحاب
الله الله الله صح لسانك يابو فهد قصيدة فيها لمسات شاعر كبير ، ونفـَس شاعر أصيل سجل اعجابي بما تخطته يمينك الكريمة وترا منتب مسموح في انقطاعك طال العمرك ، منتدى الجميع يحتاج لأمثالك ولك جزيل محبتي ،، |
رد: نغيب وألا مانغيب أقدامنا فوق السحاب
ارحب ارحب ارحب ارحب يابو فهد وصح الله لسانك ولاهان الله منطوقك ونعم بكم يالاد شكر فانتم هل الست وشهادتي فيكم مجروحه هههههههه:d11: وافعالكم وعلومكم ما تخفى على بيضان الوجيه |
رد: نغيب وألا مانغيب أقدامنا فوق السحاب
اقتباس:
الأخ العزيز والشاعر الأديب : حنيان المسعري : صح بدنك , وكل الشكر والتقدير والإحترام لمرورك الكريم ولكلماتك التي أعتز بها , ولاعليك زود في الشعر وغير الشعر . تقبل شكري وتقديري مرة أخرى . |
رد: نغيب وألا مانغيب أقدامنا فوق السحاب
بيض الله وجهك بدعت فابدعت
|
رد: نغيب وألا مانغيب أقدامنا فوق السحاب
اقتباس:
صح بدنك ياأبوسعد ولاعليك زود متابعة شاعر مثلك أعتبرها مكسب أعتز به تقبل شكري وتقديري |
الساعة الآن 12:19 PM
 |
Powered by vBulletin® Copyright ©2000 - 2025, Jelsoft Enterprises Ltd.
---