أهلا هلا بالي بعث لي بقيله=وللردبطلب من الولي يهديني
من شاعر يقدح زنادالفتيله=وفي بدعه الامثال مايستعيني
رجال عرف وفارق بين جيله=ميزان عقله بالمواقف رزيني
شاعروصعبات المعاني تجيله=ويسخرالمعنى بقاف حسيني
أشفق لمرسوله واراقب واخيله=واناعليهااشفق من الوالديني
يشكي جفا خل مقفي رحيله= وعلى فراقه مطوحه بالونيني
ويقول وش رايك ورايه دليله=وحنامعه بالدرب متكاتفيني
فان كان تشكي بعد راعي الجديله=الي كساه الرب من كل زيني
فكم واحدقبلك شكامن خليله=فارق وليفه بعدماهوخديني
وان كان هوصاحب بتلقى بديله=الدارماتخلى من الطيبيني
من صدعنك لاتقرب نزيله=لوشفت كل الناس عنده قطيني
لاتلتفت يمه ولاتستميله=منته ضعيف النفس ولادويني
حتى ولودمك ودمه فصبله=ولامن الاصحاب والاقربيني
خله بدربه واليالي كفيله=ورزقك على الي يبعث الميتيني
أشرب قراح وخل شرب الثميله=وارق الطويله واسكن الفرقديني
واحذرمن الي يخدعك بتهليله=ولاغبت عنه سل سيف سنيني
وهذازمان صايرفيه ميله=دايم وميلاته على الغانميني
فالالف تلقى واحد ينعنيله=وباقي الملا قربه عذاب وغبيني
لاقلت فالنادر تبين حصيله=لاوالله الي راحوا النادريني
لوطاب في جانب فالاخر حثيله=وياكثر من تبغضه دنياوديني
ناس معيشتهابغدروحيله=وعندالمواجب تختفي ماتبيني
ياماعرفنا من رجال مهيله=في هرجها واقول هذاضميني
وقفتنامعهم مواقف نبيله=واقول هذا واجب مكتفيني
قفت وصدت وبالمواقف بخيله=نسيت مواقفنا وهم عارفيني
جعل الردي ياصاح ربي يزيله=الي عن العلياقصير اليميني
ماهمه الا مشربه والحليله=ولاهجا ضيف ولا أعتق مديني
وياليت شيال الجنايز يشيله=ونرتاح من نذل خبيث لعيني
وعساك سالم يامزبن دخيله=وتحية معها شذى الياسميني

امييييييييييييييييييييين


ابو عبدالله



جعل يمناك ما يجيها العطب يالسنافي وبيض الله وجهك

وصح الله لسان الشاعر/ هندي بن نابت ال درع


ونعم ملاااايين فيك وفيه




وتقبل فائق التحية والتقدير