::: مـنتدى قبيلـة الـدواسـر الـرسمي ::: - قصة زوجة ابن عروج وزواجها من اخوه بعد وفاته

- :: قسم قصــه و قـصيــده :: (http://alduwaser.org/vb/forumdisplay.php?f=19)

- - قصة زوجة ابن عروج وزواجها من اخوه بعد وفاته (http://alduwaser.org/vb/showthread.php?t=14152)

قصة زوجة ابن عروج وزواجها من اخوه بعد وفاته

قصة زوجة ابن عروج وزواجها من اخوه بعد وفاته
يذكر ان شاعره من بني لام تزوجت ابن عمها امير القوم المسمى<ابن عروج>وكان مغرما" بالغزو وقتل في احدى غزواته .وتزوجت اخاه بعد وفاته
وكان لزوجها السابق ناقه اتعبها بكثرة غزواته فاصبحت هزيله .
ولما مات قر قرار الناقه وركبها الشحم وصارت كالجمل الهائج .فقال الرجل لزوجته لابد ان نعقل هذه الناقه حتى نأمن شرها .وعند ذلك تذكرت الشاعره زوجها الاول وحال الناقه في حياته .فأنشدت.تفول

لاوابن عمي كل ماجيت ابـا انسـاه=الـي تذكرنـي مـع الـذود حايـل
لاوبن عمي تطرب الهجـن لغنـاه=من كثر ماتوجيـه صبـح وقوايـل
لاوابـن عمـي كـل عذرا"تمـنـاه=عليـه ترفـات الصبايـا غـلايـل
لاوابن عمي تنثـر السمـن يمنـاه=علـى صحون"كنـهـن النثـايـل
ينلاع قلبي كـل مااوحيـت طريـاه=كما يلـوع الطيـر شبـك الحبايـل
اخذت اخوه ابغي عوض ذاك من ذاه=البيت واحـد مـن كبـار الحمايـل
الـزول زولـه والحلايـا حلايـاه والفعل=ماهوفعـل واف الخصايـل

ولما سمع زوجها هذا الشعر ذهب غازيا"واطال حتى هزلت الذلول.
ولما عاد واقترب من الحي جثمت الناقه على الارض فتركها وارسل زوجته لها فوجدتها قد ذوى حالها.فانشدت تمدح زوجها وتقول

ثورمن العـارض اركيبا"يهيفـي=يتلون (ابن عروج)مقدم بنـي لام
زهابهم حـب القرايـا النضيفـي=وسلاحهم صنع الفرنجي والاروام
ياماانقطع في ساقته مـن عسيفـي=ومن فاطرا"تسبق على الجيش قدام
عقب الشحـم وملافخـه للرديفـي=قامت تضولع مثل مرهوص الاقدام

رد: قصة زوجة ابن عروج وزواجها من اخوه بعد وفاته

الـزول زولـه والحلايـا حلايـاه= والفعل ماهو فعـل واف الخصايـل

الأخ محمد بن فالح القحطاني ،،

لا هنت و بيض الله وجهك على سرد هذه القصة القديمة و المشهوره.

ننتظر جديدك دائماً يالغالي. مع خالص التحية و الاحترام.

رد: قصة زوجة ابن عروج وزواجها من اخوه بعد وفاته

والله الي ما خذن قلبها

لاهنت يالقحطاني على القصه الاكثر من رائعه وبيض الله وجهك يالقرم.

رد: قصة زوجة ابن عروج وزواجها من اخوه بعد وفاته

الاخ محمد بن فالح لاهنت على هذه القصه الرائعه
تقبل تحيات اخوك الرجباني 2

رد: قصة زوجة ابن عروج وزواجها من اخوه بعد وفاته

اقتباس:

المشاركة الأصلية كتبت بواسطة ابن وتيد السباعي (المشاركة 157348)

والله الي ما خذن قلبها

.


	لالاتلووووووووووووووووووووووووووومها يابن وتيد؟؟؟؟؟؟؟؟؟؟:15: (ما كل زولن يعوض بزول) البنت الطيبه يملكها الرجال الطيب 0 ومشكوووووووووور يالقحطاني على المشاركه المميزه0 بيض الله وجهك0 تقبل مروري وشكري وتقديري0

رد: قصة زوجة ابن عروج وزواجها من اخوه بعد وفاته

أخوي / محمد القحطاني

الله لا يهيينك على نقل هذه القصة الشهيرة

والقصائد أطول من كذا بكثير

على العموم لاهنت وماقصرت يالقرم

تحياتي