بسم الله الرحمن الرحيم

أعضاء المنتدى الكرام
السلام عليكم ورحمة الله وبركاته وبعد:
هذه القصيدةرثاء في الصديق عبد الله بن مهدي الكبرا الذي وافاه الأجل يوم الخميس 10/3/1428هـ رحمه الله رحمة واسعة.

يقطعك ياالجوال عساك للقوم = ‍نقلت لي علم صعيب عليه
أقشر خبر جاني من سنين لليوم = ‍قولة لبو فواز جات المنيه
أخذت لي ساعه وأنا تقول منجوم ‍ = أقول هو إياه والا سميه
مغير أطيح بالارض وشويه أقوم ‍ = أبي المقام وكن عظامي ونيه
ومشيت كنه مسرّح بي جاثوم = أمشي ولاادري وين بأية نحيه
وتواردن فكري هواجيس وهموم = ‍أثقل من العارض وهضبة طميه
منها عيوني كن في نونها هزوم ‍ = لاجيت بمسح ذيك تهمل هذيه
ووقفت واسترجعتنا وقلت مقسوم ‍ = كفي دموعك ياالعيون الشقيه
لو البكا ياعين بيرده يقوم = ‍لقول لك تبكين صبح وعشيه
لكن هذا الأجل والأجل محتوم = ‍مافي يديني ياعيوني سويه
مرحوم ياعبدالله مهدي مرحوم = ‍وعليك من ربي سلام وتحيه
مرحوم ياحر عن الطامن يشوم = عزيز نفس مايجي للرديه
له ناجد يضحك ولو كان مكلوم = ولاهو من اللي ضحكته مصلحيه
لين جناب مادخل نفسه الزوم = ‍وكفه على فعل المراجل جريه
مجمل في الناس ماهوب مذموم ‍ = كل يحبه من بعيد ودنيه
الناس من موته محازين ووجوم ‍ = فقده يهد اللي عزومه قويه
تبكيه شيبان حرب جفنها النوم = ‍موته عليهم حط في القلب كيه
ويبكونه صغار تحرى على الدوم = ‍في كل لحظه يرتجون لمجيه
ويبكونه ربوعه وصدقان وقروم = مامنهم اللي شاف منه الأذيه
وابكيه أنا مخصوص مانيب مليوم = صداقتي واياه ماهي خفيه
ياما تبادلنا بالاسرار وعلوم = ‍وياما تشاكينا وضحكنا سويه
يطري عليه كل ماغابت نجوم = واذكره لاكل تذكر خويه
فياالله يااللي له نحج ونصوم ‍ = ياالواحد الخلاق رب البريه
وسع عليه القبر ياحي قيوم ‍ = وفي جنة الفردوس يصحب نبيه
واجبر عزا منهو من الفقد مهموم = وعسى العوض فواز يصبح حليه

فياالله يااللي له نحـج ونصـوم = ‍ياالواحـد الخـلاق رب البريـه
وسع عليه القبـر ياحـي قيـوم= ‍وفي جنة الفردوس يصحب نبيـه
واجبر عزا منهو من الفقد مهموم =وعسى العوض فواز يصبح حليه

المشاركة الأصلية كتبت بواسطة محمد الغريري (المشاركة 155032) مسفر الكبيري عظم الله اجرك واحسن الله عازائك في فقيدكم ونسأل الله ان يغفر له ويرحمه رحمة واسعة من عنده ان ولي ذلك والقادر عليه صح الله لسانك على ما كتبت في رفيق دربك عبدالله بن مهدي الكبرا وفقد الصديق فاجعة كبيرة الله يلهمك الصبر عليها .. تقبل خالص الود والتقدير .. اخوك في الله محمد الغريري

المشاركة الأصلية كتبت بواسطة نايف الخييلي (المشاركة 155040) فياالله يااللي له نحـج ونصـوم = ‍ياالواحـد الخـلاق رب البريـه وسع عليه القبـر ياحـي قيـوم= ‍وفي جنة الفردوس يصحب نبيـه واجبر عزا منهو من الفقد مهموم =وعسى العوض فواز يصبح حليه اللهــــم آآآآميــــن الله يغفـــر له ويــرحمه والله يجمعك مــع خويــك في جناته والمسلمين وصــح لســانك يامســفر على القصيده الطيبه والمحزنه . والله يحــسن عــزاك تقبــل ســـلامي

المشاركة الأصلية كتبت بواسطة الواضح (المشاركة 155093) الشاعر العلم // مسفر الكبيري صح الله لسانك ولاهان الله منطوقك ورحم الله الأخ // عبد الله بن مهدي الكبرى ووالله الفجيعة على الجميع وعلى كل من عرفه لكن إن شاء الله خاتمة خير وميتة حسنه